By Good Assam
এক প্ৰতিবেদন অনুসৰি চীনৰ বেটাৰী কোম্পানী বিটাভল্টে শেহতীয়াকৈ মুদ্ৰা আকাৰৰ পাৰমাণৱিক বেটাৰী প্ৰৱৰ্তন কৰিছে, যাৰ নাম হৈছে BV100 । এই বেটাৰীটো তেজস্ক্রিয় মৌল Nickel-63 ৰ দ্বাৰা চালিত আৰু এবাৰ চাৰ্জত ৫০ বছৰলৈকে টিকিব পৰাকৈ তৈয়াৰ কৰিছে।
বিগত কেইটামান দশকত বেটাৰী প্ৰযুক্তিয়ে প্ৰচণ্ড অগ্ৰগতি লাভ কৰিছে। আজি আমি দেখিবলৈ পাইছো যে ছডিয়াম-আয়ন কোষ ব্যৱহাৰ কৰা পাৱাৰ বেংক। বেটাৰী এতিয়া আগৰ তুলনাত বেছি দিন টিকি থাকে।
এবাৰ চাৰ্জ কৰাৰ পিছত দশক দশক ধৰি টিকি থকা বেটাৰীবোৰক কল্পনা বুলি গণ্য কৰা হৈছিল, কিন্তু এতিয়া এই কল্পনা বাস্তৱত পৰিণত হ’ল।
পপুলাৰ মেকানিক্সৰ এক প্ৰতিবেদন অনুসৰি চীনৰ বেটাৰী কোম্পানী বিটাভল্টে শেহতীয়াকৈ মুদ্ৰা আকাৰৰ পাৰমাণৱিক বেটাৰী প্ৰৱৰ্তন কৰিছে, যাৰ নাম বিভি১০০। এই বেটাৰীটো তেজস্ক্রিয় মৌল Nickel-63 ৰ দ্বাৰা চালিত আৰু এবাৰ চাৰ্জত ৫০ বছৰলৈকে টিকিব পাৰে।
বিটাভল্টৰ নিউক্লিয়াৰ বেটাৰীত কি আছে?
BV100 বেটাৰীৰ শক্তি উৎপাদন ক্ষমতা ১০০ মাইক্ৰৱাট আৰু ই ৩ ভল্টত কাম কৰে। কোম্পানীটোৱে জনোৱা মতে, চলিত বৰ্ষৰ শেষৰ ফালে ১ ৱাট ক্ষমতাৰ বেটাৰীও মুকলি কৰিব, যিটো কনজিউমাৰ ইলেক্ট্ৰনিকছ আৰু ড্ৰ’নত ব্যৱহাৰ কৰিব পৰা যাব।
এই বেটাৰীৰ মূল দুটা অংশ Radioactive Emitter আৰু Semiconductor Absorber। তেজস্ক্রিয় নিৰ্গমকটো লাহে লাহে ক্ষয় হৈ তীব্ৰ বেগত ইলেক্ট্ৰন মুক্ত কৰে, যিবোৰ অৰ্ধপৰিবাহী শোষকৰ লগত সংঘৰ্ষ হয়। ইয়াৰ ফলত এটা “ইলেক্ট্ৰন-হোল” যোৰৰ সৃষ্টি হয়, যিয়ে এটা সুস্থিৰ মাত্ৰাৰ বৈদ্যুতিক শক্তি উৎপন্ন কৰে। ক্ষতিকাৰক বিটা কণিকাৰ পৰা ৰক্ষা পাবলৈ কোম্পানীটোৱে পাতল এলুমিনিয়ামৰ শ্বীট ব্যৱহাৰ কৰিছে।
ভৱিষ্যতে কোনবোৰ ডিভাইচত ইয়াক ব্যৱহাৰ কৰা হ’ব?
যদিও ইয়াৰ শক্তি স্মাৰ্টফোন বা কেমেৰাৰ দৰে ডিভাইচ চাৰ্জ কৰিবলৈ যথেষ্ট নহয়। ইতিমধ্যে বিটাভল্টৰ মানুহৰ বাবে উৎপাদন আৰম্ভ হৈছে আৰু ইয়াক কম শক্তিৰ যন্ত্ৰ যেনে চিকিৎসা সঁজুলি, মহাকাশযান, গভীৰ সাগৰত নিয়োজিত চেন্সৰ, পেচমেকাৰ আৰু গ্ৰহৰ ৰভাৰত ব্যৱহাৰ কৰিব পাৰি।
ৰাসায়নিক বেটাৰীতকৈ নিউক্লিয়াৰ বেটাৰী ভাল নেকি?
লিথিয়াম-আয়ন বেটাৰীৰ তুলনাত বিভি১০০ বেটাৰীয়ে ১০ গুণ বেছি শক্তি ঘনত্ব প্ৰদান কৰে। ই -৬০ৰ পৰা +১২০ ডিগ্ৰী চেলছিয়াছলৈকে চৰম উষ্ণতা সহ্য কৰিব পাৰে, ফাটি বা জুই জ্বলাৰ কোনো ভয় নোহোৱাকৈ। বিটাভল্টৰ দাবী যে এই বেটাৰীটো পৰিৱেশ অনুকূল, কাৰণ ইয়াৰ তেজস্ক্রিয় মৌল নিকেল-৬৩ অৱশেষত কপাৰলৈ ৰূপান্তৰিত হয়, যিটো পুনঃব্যৱহাৰ কৰাটো সহজ আৰু সস্তা।
