By Good Assam
ডায়েবেটিছ আৰু উচ্চ বি পি সমগ্ৰ বিশ্বৰ অন্যতম ৰোগ। ৰোগীৰ সংখ্যা দিনক দিনে বৃদ্ধি পাইছে। এই দুটা গুৰুতৰ ৰোগ হোৱাৰ আটাইতকৈ ডাঙৰ কাৰণ হৈছে খাদ্যাভ্যাস বেয়া আৰু আৰামৰ জীৱনশৈলী। এনে পৰিস্থিতিত এই ৰোগবোৰ নিয়ন্ত্ৰণ কৰিবলৈ এই স্থানীয় বস্তুবোৰৰ কিছুমান যদি ৰাতিপুৱা খালী পেটত সেৱন কৰে, তেন্তে ডায়েবেটিছ আৰু উচ্চ বি পি ৰোধ কৰিব পাৰি।
ভিটামিন চি আৰু এন্টিঅক্সিডেন্টৰে সমৃদ্ধ আমলখি:
ডায়েবেটিছ আৰু ৰক্তচাপ দুয়োটা নিয়ন্ত্ৰণৰ বাবে এক উত্তম বিকল্প। ই তেজৰ চেনিৰ মাত্ৰা নিয়ন্ত্ৰণ কৰাত সহায় কৰে, কলেষ্টেৰল হ্ৰাস কৰে আৰু হৃদযন্ত্ৰৰ স্বাস্থ্য উন্নত কৰে। খালী পেটত ২ বা ৩ টাকৈ প্ৰতিদিনে আমলখি খালে বিপাকীয় ক্ৰিয়া বৃদ্ধি পায়, ৰোগ প্ৰতিৰোধ ক্ষমতা শক্তিশালী হয় আৰু তেজত শৰ্কৰাৰ মাত্ৰা নিয়ন্ত্ৰণত থাকে।
ডায়েবেটিছ আৰু উচ্চ ৰক্তচাপতো ডালচেনিৰ পানী অতি উপকাৰী।
ডালচেনিৰ পানীত জাতি জালুক ১ টা বা ২ টা যোগ কৰিলে ইয়াৰ উপকাৰিতা বৃদ্ধি পায় কাৰণ ইয়াত পাইপেৰিন থাকে, যিয়ে পুষ্টিকৰ পদাৰ্থ শোষণ উন্নত কৰে। খালী পেটত এগিলাচ ডালচেনি পানীৰ সৈতে গুড়ি ক’লা জালুক মিহলাই খালে ৰক্তশৰ্কৰা আৰু ৰক্তচাপৰ মাত্ৰা দুয়োটা নিয়ন্ত্ৰণত সহায়ক হ’য় । এই সংমিশ্ৰণে ৰক্ত সঞ্চালন উন্নত কৰাৰ লগতে শৰীৰৰ প্ৰদাহ হ্ৰাস কৰাত বিশেষভাৱে ফলপ্ৰসূ।
তিচি গুটিত প্ৰচুৰ পৰিমাণে ওমেগা-৩ ফেটি এচিড, আঁহ আৰু এন্টিঅক্সিডেন্ট থাকে, যিবোৰ স্বাস্থ্যৰ বাবে অতি উপকাৰী। এই বীজবোৰে তেজত চেনিৰ মাত্ৰা সুস্থ কৰি ৰাখে আৰু ৰক্তচাপ হ্ৰাস কৰে বুলি জনা যায়। ফ্লেক্সচিডত অধিক পৰিমাণৰ আঁহ থকাৰ বাবে কাৰ্বহাইড্ৰেটৰ হজম গতি লেহেমীয়া কৰি তেজৰ চেনি স্থিৰ কৰাত সহায় কৰে। খালী পেটত পিহি লোৱা ১ বা ২ চামুচ তিচিৰ গুটি পানীৰ লগত মিহলাই খালে ডায়েবেটিছ আৰু উচ্চ ৰক্তচাপ নিয়ন্ত্ৰণত সহায় কৰে।
