এনে ব্যক্তিয়ে ভুলতেও তিল খাব নালাগে, নহলে কি সমস্যা হ'ব পাৰে জানিবলৈ পঢ়িব।
( অপূৰ্ব দাস )
মাঘৰ মাহ, সকলোৱে তিল পিঠা , তিলৰ লাড়ু , মা কৰাই খোৱাত লাগি যায়। কিন্তু সাৱধান! কিছুমান লোকে তিল খোৱাৰ পৰা বিৰত থাকিব লাগে। ইয়াৰ বাবে তেওঁলোকে স্বাস্থ্য সম্পৰ্কীয় বহু সমস্যাৰ সন্মুখীন হ’বলগীয়া হ’ব পাৰে। আহকচোন, কোন কোন মানুহে তিল খাব নালাগে জানো-
স্বাস্থ্যৰ বাবে তিল অতি উপকাৰী। শীতকালত বেছিভাগ মানুহেই তিলৰ লাড়ু আৰু পিঠা খাই ভাল পায়। ঔষধি গুণ তিলত প্ৰচুৰ পৰিমাণে পোৱা যায়। ইয়াত ভিটামিন, খনিজ পদাৰ্থ আৰু এন্টিঅক্সিডেন্টৰ দৰে বহুতো পুষ্টিকৰ উপাদান থাকে,ইয়ে স্বাস্থ্যৰ বাবে বহু উপকাৰ প্ৰদান কৰে।
নিয়মিতভাৱে তিল সেৱন কৰিলে স্বাস্থ্য সম্পৰ্কীয় বহু সমস্যা নিৰাময় হ’ব পাৰে। হাড় মজবুত কৰাৰ লগতে হৃদযন্ত্ৰ সুস্থ কৰি ৰখাত উপকাৰী। কিন্তু ইমানবোৰ উপকাৰ হোৱাৰ পিছতো একাংশ লোকে তিল খোৱাৰ পৰা বিৰত থকা উচিত।
তিল খোৱাটো কিছুমান মানুহৰ বাবে ক্ষতিকাৰক বুলি প্ৰমাণিত হ’ব পাৰে। ইয়াক অতিমাত্ৰা সেৱন কৰিলে শৰীৰত বহু সমস্যাৰ সৃষ্টি হ’ব পাৰে।
(১) পাচনতন্ত্ৰৰ সমস্যা
যিসকল লোকৰ পাচনতন্ত্ৰৰ সমস্যা আছে তেওঁলোকে তিল খোৱাৰ পৰা বিৰত থাকিব লাগে। ইয়াক অতিমাত্ৰা সেৱন কৰিলে পেটৰ বিষ হ’ব পাৰে। ইয়াৰ ফলত কোষ্ঠকাঠিন্য, ডায়েৰিয়া আৰু পেট ফুলাৰ দৰে সমস্যা হ’ব পাৰে। ইয়াৰ উপৰিও হজম শক্তি দুৰ্বল লোকেও ইয়াক সেৱন কৰিব নালাগে।
(২) গৰ্ভৱতী মহিলাই তিল খাব নালাগে
গৰ্ভৱতী মহিলাই তিল সেৱন কৰিব নালাগে। দৰাচলতে গৰ্ভাৱস্থাৰ প্ৰাৰম্ভিক মাহত তিল সেৱনে জৰায়ুক উদ্দীপিত কৰিব পাৰে, যাৰ ফলত গৰ্ভপাতৰ সম্ভাৱনা বৃদ্ধি পাব পাৰে। এনে পৰিস্থিতিত গৰ্ভৱতী মহিলাই চিকিৎসকৰ পৰামৰ্শ লোৱাৰ পিছতহে তিল সেৱন কৰিব লাগে।
(৩) মেদবহুলতাত আক্ৰান্ত লোকসকলে পৰিহাৰ কৰিব লাগে
মেদবহুলতাত ভোগা লোকে তিল বেছিকৈ সেৱন কৰিব নালাগে। আচলতে ইয়াত অধিক পৰিমাণৰ চৰ্বি আৰু কেলৰি থাকে, যিয়ে আপোনাৰ ওজন দ্ৰুতগতিত বৃদ্ধি কৰিব পাৰে। ইয়াৰ উপৰিও যিসকল লোকে ওজন কমাবলৈ চেষ্টা কৰিছে তেওঁলোকেও ইয়াক সেৱন কৰাটো পৰিহাৰ কৰিব লাগে।
(৪) মাহেকীয়াৰ সময়ছোৱাত
পিৰিয়ডৰ সময়ত তিলৰ লাডু সেৱন নকৰিব। এইবোৰ সেৱন কৰিলে আপোনাৰ পিত্ত ভাৰসাম্যহীন হ’ব পাৰে। এনে ক্ষেত্ৰত ৰক্তক্ষৰণৰ সমস্যা বেছি হ’ব পাৰে।
(৫) এলাৰ্জীৰ সমস্যা
কিছুমান মানুহৰ তিল খোৱাৰ বাবে এলাৰ্জীৰ সমস্যা হ’ব পাৰে। ইয়াৰ বাবে ছালত খজুৱতি, ফুলা, উশাহ-নিশাহ লোৱাত অসুবিধা আদি সমস্যাৰ সন্মুখীন হ’বলগীয়া হ’ব পাৰে। এনে পৰিস্থিতিত তিলৰ এলাৰ্জি থকা লোকে ভুলতেও তিল সেৱন কৰিব নালাগে।
