কাহ আৰু চৰ্দীৰ পৰা ৰক্ষা পোৱাৰ বাবে কিছু কার্যকৰী উপায়

কাহ আৰু চৰ্দীৰ পৰা ৰক্ষা পোৱাৰ বাবে কিছু কার্যকৰী উপায়

( অপূৰ্ব দাস )

1. হাত ধোৱা: নিয়মিতভাৱে ছাবানেৰে হাত ধুব। বিশেষকৈ যিকোনো বস্তু খোৱাৰ আগতে, মুখত স্পৰ্শ কৰাৰ আগতে বা বাহিৰৰ পৰা ঘৰলৈ আহিলে।

2. মুখত মাস্ক পিন্ধা: বাহিৰলৈ গ'লে , ঠাণ্ডা বা বতাহ বলি থাকিলে মুখত মাক্স পিন্ধিব । কাৰণ বতাহত বিভিন্ন ৰোগৰ বীজাণু উৰি ফুৰে ।

3. পুষ্টিকৰ খাদ্য গ্ৰহণ: ইমিউনিটিৰ উন্নতিসাধনৰ বাবে ভিটামিন যুক্ত খাদ্য , প্ৰোটিন আৰু বতৰৰ সতেজ ফলমূল খাব।

4. পানীৰ ব্যৱহাৰ : পৰ্যাপ্ত পৰিমাণে গৰম পানী খাওক। গা ধুলেও গৰম পানী ব্যৱহাৰ কৰিব।

5. আদ্ৰতা বজাই ৰাখক : গৰম পানীৰ বাষ্প ল'ব লাগে । নাক আৰু গলৰ শুষ্কতা হ্ৰাস কৰিব।

6. বিশ্ৰাম: বিশ্ৰাম লোৱাও অতি প্ৰয়োজন । দৈনিক ৭-৮ ঘণ্টা শুব ।

7. ঠাণ্ডাৰ পৰা নিজকে ৰক্ষা কৰিব: ঠাণ্ডা পানীয়, আইচক্ৰিম বা অতি ঠাণ্ডা পৰিৱেশ এৰাই চলিব। সদায় গৰম কাপোৰ ব্যৱহাৰ কৰিব।

8. ঘৰ পৰিষ্কাৰ: ঘৰৰ পৰা ধূলি, এলান্ধু দূৰ কৰি পৰিৱেশ পৰিষ্কাৰ কৰি ৰাখিব।

9. যোগব্যায়াম আৰু ব্যায়াম: দৈনিক যোগাসন বা সহজ ব্যায়ামে ৰোগ প্ৰতিৰোধ ক্ষমতা শক্তিশালী কৰি তুলে।

10. ডাক্তৰৰ পৰামৰ্শ: যদি কাহ বা চৰ্দী ৪-৫ দিনতকৈ বেছি দিন থাকে, তেন্তে ডাক্তৰৰ লগত পৰামৰ্শ ল'ব।

কাহ আৰু চৰ্দীৰ বাবে ঘৰুৱা বিভিন্ন প্ৰাকৃতিক উপায় আছে যিবোৰ সহজে ঘৰত কৰা যায়। তলত কিছু কার্যকৰী ঘৰুৱা উপায় দিয়া হ’লঃ

চৰ্দীৰ - কাহৰ বাবে ঘৰুৱা উপায়:

1. আদা আৰু মৌ :

আদাৰ ৰস আৰু মৌ মিশ্ৰণ কৰি দিনে ২-৩ বাৰ খাব।

2. তুলসী পাত আৰু গৰম পানী:

৫-৬ টা তুলসী পাত, মৌ পানীত উতলাই চাহৰ দৰে খাব।

ই চৰ্দী আৰু কফ হ্ৰাস কৰে।

3. গৰম পানীৰ বাষ্প:

গৰম পানীৰ বাষ্প নাক আৰু গলৰ বন্ধভাৱ দূৰ কৰে। ই জমা হৈ থকা কফ উলিয়াই আনে। পানীত ইউকেলিপ্টাছ তেল বা নিমপাত যোগ কৰিলে বেছি উপকাৰ হয়।

4. নিমখ পানীৰে কুলকুলি :

এগিলাছ গৰম পানীত অলপ নিমক মিশ্ৰণ কৰি কুলকুলি কৰক। গলৰ বিষ আৰু বেক্টেৰিয়া কমাত সহায় কৰে।

কাহৰ বাবে ঘৰুৱা উপায়:

1. হলধি যুক্ত গাখীৰ:

গৰম গাখীৰত অলপ হলধি মিশ্ৰণ কৰি ৰাতে শোৱাৰ আগতে খাব। ইমিউনিটি বৃদ্ধি আৰু কাহ কমাব।

2. মৌ আৰু আদাৰ ৰস:

এক চামুচ মৌৰ সৈতে আদাৰ ৰস মিশ্ৰণ কৰি খাব।

শুকান কাহৰ বাবে খুব উপকাৰী।

3. আলসি (Flaxseeds):

আলসি সিজাই তাৰ ৰসত মৌ আৰু জাতিজালুক ২-৩ টাৰ গুড়ি মিশ্ৰণ কৰি দিনে ২ বাৰ খাব। ই কাহ আৰু কফ কমাই।

4. লং আৰু গৰম পানী:

গৰম পানীত ২-৩ টা লং দিয়া পানীয় খাব।

ই কফ হ্ৰাস কৰে আৰু কাহৰ পৰা আৰাম দিয়ে।

5. অমিতা গছৰ শুকান ঠাৰিৰ ধোৱা দিনত তিনি বাৰকৈ কেইদিনমান হুঁপিলে কাহ ভাল হ'য়।