ট্ৰেভেল হিষ্ট্ৰী নোহোৱাকৈ কেনেকৈ HMPV ভাৰতলৈ আহিল, জানিবলৈ পঢ়িব।
শীতকালত নতুন ভাইৰাছ HMPV অহাৰ খবৰে সকলোকে অশান্তি দিছে। ছ’চিয়েল মিডিয়াত দেখা ভিডিঅ’ত অধিকাংশ অভিভাৱকক সন্তানৰ সৈতে চিকিৎসালয়ত দেখা গৈছে। বিশ্বাস কৰা হৈছিল যে এইটো Covid ৰ দৰে আন এটা ভাইৰাছ যিয়ে মহামাৰীৰ সৃষ্টি কৰিব পাৰে। এই চিন্তা আৰু বাঢ়িল যেতিয়া ভাৰততো এই ভাইৰাছৰ লক্ষণ দেখা গ’ল এগৰাকী ৮ মহীয়া ছোৱালীৰ। এই ভাইৰাছৰ নাম এইচ এম পি ভি অৰ্থাৎ হিউমেন মেটানিউমোভাইৰাছ। ই শ্বাস-প্ৰশ্বাসতন্ত্ৰত প্ৰভাৱ পেলায়।
উ- ই এটা RNA ভাইৰাছ। আৰ এন এ ভাইৰাছ হৈছে এনে এটা ভাইৰাছ যাৰ জেনেটিক জিনম আৰ এন এ নিউক্লিয়াৰ এচিডৰ দ্বাৰা গঠিত। এই নিউক্লিক এচিড সাধাৰণতে এটা ডাল অৰ্থাৎ একক ডালযুক্ত আৰ এন এ (ssRNA)ত সংগঠিত হয় যদিও কিছুমান আৰ এন এ ভাইৰাছত দুটা ডালযুক্ত আৰ এন এ (dsRNA)ও পোৱা যায়। আৰ এন এ ভাইৰাছ প্ৰজাতিৰ দ্বাৰা মানুহৰ ক্ষেত্ৰত হোৱা ৰোগসমূহৰ ভিতৰত ইব'লা ভাইৰাছ ৰোগ, ছাৰ্ছ, জলাতংক, সাধাৰণ চৰ্দি, ইনফ্লুৱেঞ্জা, হেপাটাইটিছ চি, হেপাটাইটিছ ই, পলিঅ', মিজিলছ আৰু য়ুহান ক'ৰ'না ভাইৰাছ ৰোগ আদি উল্লেখযোগ্য।
যিটো প্ৰথমবাৰৰ বাবে ২০০১ চনত চিনাক্ত কৰা হৈছিল আৰু ইয়াৰ প্ৰথমটো ৰোগী নেদাৰলেণ্ডত পঞ্জীয়ন হৈছিল। ই শ্বাস-প্ৰশ্বাসতন্ত্ৰত প্ৰভাৱ পেলায়। ইয়াৰ পূৰ্বে ভাৰততো ইয়াৰ ৰোগী ধৰা পৰিছে। ইয়াক নতুন ভাইৰাছ বুলি ক’ব নোৱাৰি, যিদৰে ছ’চিয়েল মিডিয়াত প্ৰচাৰ হৈছে।
ইয়াৰ সাধাৰণ লক্ষণসমূহ কি কি?
ইয়াতো সাধাৰণ চৰ্দিৰ দৰে লক্ষণ দেখা যায়। নাক বৈ যোৱা, মূৰৰ বিষ, ডিঙিৰ বিষ আৰু অস্বস্তি, জ্বৰ। ৰোগীয়ে নিজৰ ইমিউনিটিৰে এসপ্তাহৰ ভিতৰত এইবোৰৰ পৰা সুস্থ হ’বলৈ আৰম্ভ কৰিব পাৰে।
শীতকালত এনে ভাইৰাছ অধিক সক্ৰিয় হৈ পৰে, যাৰ ফলত শ্বাস-প্ৰশ্বাসতন্ত্ৰত প্ৰভাৱ পৰে। ইয়াৰ বিস্তাৰৰ আটাইতকৈ ডাঙৰ কাৰণ হৈছে ঠাণ্ডা বতৰ, যিয়ে ইয়াৰ বিস্তাৰক সমৰ্থন কৰে। দ্বিতীয়তে, ৰোগীৰ বেছি ওচৰত থকা আৰু সজাগ নহোৱা।
এইচএমপিভিৰ ৬০ৰ পৰা ৬৫ শতাংশ ৰোগী শিশুৰ ক্ষেত্ৰত দেখা যায়। যিকোনো সংক্ৰমণত আক্ৰান্ত হৈ গুৰুতৰ লক্ষণ দেখা দিয়াৰ আশংকা সৰ্বাধিক।ব্যক্তিৰ সংস্পৰ্শলৈ আহিলেও ভাইৰাছ বিয়পিব পাৰে। মাস্ক পৰিধান নকৰা, পৰিষ্কাৰ-পৰিচ্ছন্নতাৰ যত্ন নোলোৱাতো ইয়াৰ বিস্তাৰ ঘটে।
ল’ৰা-ছোৱালীক এই ভাইৰাছৰ সংক্ৰমণৰ পৰা ৰক্ষা কৰিবলৈ কি কি বিশেষ পদক্ষেপ লোৱা উচিত?
বেছিভাগ মনোযোগ ৰোগ প্ৰতিৰোধ ক্ষমতাৰ ওপৰত দিয়া প্ৰয়োজন। যদি ৰোগ প্ৰতিৰোধ ক্ষমতা ভাল হয় তেন্তে ইয়াৰ প্ৰভাৱ আৰু বিপদ কম হ’ব। শিশুটিৰ টিকাকৰণ সম্পূৰ্ণ হোৱাটোও গুৰুত্বপূৰ্ণ। যদি কোনো ব্যক্তি বা শিশুৰ ক্ষেত্ৰত এনে লক্ষণ দেখা যায়, তেন্তে আন শিশুক ইয়াৰ পৰা আঁতৰাই ৰাখিব লাগে।
সিহঁতৰ চৌপাশৰ পৰিষ্কাৰ-পৰিচ্ছন্নতাৰ প্ৰতিও যত্ন লোৱাটো প্ৰয়োজনীয়। এইচ এম পি ভিৰ কোনো ভেকচিন এতিয়াও তৈয়াৰ হোৱা নাই যদিও শিশুৰ বাবে ইনফ্লুৱেঞ্জা আদিৰ বাবে নিৰ্ধাৰিত ভেকচিন লোৱাটো অতি প্ৰয়োজনীয়।
শিশুৰ এইচ এম পি ভিৰ গুৰুতৰ বিপদ কি কি?
ইয়াৰ গুৰুতৰ বিপদৰ ভিতৰত নিউমোনিয়া বা ব্ৰংকিঅ’লাইটিছ হ’ব পাৰে। য’ত ৰোগীক অক্সিজেন দি আই চি ইউত ভৰ্তি কৰিব লাগিব পাৰে।
গৰ্ভৱতী মহিলাও এইচ এম পি ভিত সংক্ৰমিত হোৱাৰ আশংকা থাকিব পাৰেনে?
গৰ্ভাৱস্থাত ৰোগ প্ৰতিৰোধ ক্ষমতা দুৰ্বল হৈ পৰে। আৰু এই ভাইৰাছে ৰোগ প্ৰতিৰোধ ক্ষমতা দুৰ্বল লোকক আক্ৰান্ত কৰে। গৰ্ভাৱস্থাত ইয়াৰ ফলত সমস্যাৰ সৃষ্টি হ’ব পাৰে বুলি আগতেও এনে অভিজ্ঞতা হৈছে। কিন্তু এতিয়ালৈকে ভাৰতৰ কোনো গৰ্ভৱতী মহিলাৰ ক্ষেত্ৰত এইচ এম পি ভিৰ কোনো ৰোগী ধৰা পৰা নাই। তথাপিও সাৱধান হোৱাৰ প্ৰয়োজন আছে।
ইয়াক Covid ৰ দৰে ভাইৰাছ বুলি কোৱা হৈছে, আচলতে ই কৰ'নাৰ সৈতে একে নেকি?
কৰ’না ভাইৰাছৰ লগত তুলনা কৰিলে নহ'ব , কাৰণ ই তাৰ পৰা পৃথক। ইয়াৰ ইনকিউবেচন সময় ৩ৰ পৰা ৬ দিন। ইয়াৰ আক্ৰমণৰ দ্বাৰা গোন্ধ আৰু সোৱাদ লোৱাৰ ক্ষমতাত কোনো প্ৰভাৱ নপৰে। Covid ত আমি দেখিলোঁ যে ইয়াৰ প্ৰভাৱ প্ৰাপ্তবয়স্ক জনসংখ্যাৰ বহুতেই হৈছে। আনহাতে এইচএমপিভিৰ প্ৰভাৱ এতিয়াও প্ৰাপ্তবয়স্কৰ ক্ষেত্ৰত দেখা পোৱা নাই।
