( অপূৰ্ব দাস )
তেল বা ঘিউ অবিহনে কোনো শাক-পাচলি প্ৰস্তুত কৰিব নোৱাৰি, কিন্তু আপুনি ব্যৱহাৰ কৰা তেল আপোনাৰ স্বাস্থ্যৰ বাবে উপকাৰী নে ক্ষতিকাৰক ? যদিহে জনা নাই, তেন্তে জানিবলৈ পঢ়িব -
আমি ২% লিন’লিক এচিড খাব পাৰো, কিন্তু চয়াবিন আৰু পামলীন তেলত অধিক লিন’লিক এচিড পোৱা যায়, যিয়ে আপোনাৰ মাইক্ৰ’বায়’মত নেতিবাচক প্ৰভাৱ পেলায়। গৱেষণাৰ পৰা এইটোও দেখা গৈছে যে চয়াবিন আৰু পামলীন তেল সেৱন কৰিলে মেদবহুলতা, ডায়েবেটিছ, হৃদযন্ত্ৰৰ ৰোগ, অটিজিম, এলঝেইমাৰ, ডিপ্ৰেছন আদি সমস্যাৰ সম্ভাৱনা বৃদ্ধি পায়।
আমেৰিকাত সৰ্বাধিক ব্যৱহৃত খাব পৰা উদ্ভিদ তেলৰ ভিতৰত অন্যতম হৈছে চয়াবিন তেল। যদিও চয়াবিন পূব এছিয়াৰ স্থানীয়, তথাপিও ই সমগ্ৰ বিশ্বতে যথেষ্ট ব্যাপকভাৱে খেতি কৰা আৰু ব্যৱহৃত উদ্ভিদ হৈ পৰিছে।
একেবাৰে সামান্য পৰিমাণৰ চয়াবিন তেল ৰন্ধা-বঢ়াত ব্যৱহাৰ কৰাটো নিৰাপদ বুলি ধৰা হয়। কিন্তু তলত উল্লেখ কৰা চিকিৎসাজনিত সমস্যা থকা ব্যক্তিসকলে এই তেল পৰিহাৰ কৰিব লাগে -
১/ যদিহে লিভাৰৰ ৰোগ, জণ্ডিছ থাকে তেন্তে এই তেল গ্ৰহণ নকৰিব।
২/ হৃদযন্ত্ৰৰ ৰোগ থকা ব্যক্তিয়ে কেতিয়াও এই তেল খাব নালাগে।
৩/ মেদবহুলতা, কলেষ্টেৰেল আদি বঢ়া ব্যক্তিয়েও ইয়াক খোৱা উচিত নহয়।
৪/ ডায়েবেটিচ ৰোগীয়েও এনে তেল গ্ৰহণ নকৰিব।
Omega-6 ফেটি এচিড ক্ষতিকাৰক হব পাৰে :
যেতিয়া ওমেগা-৬ ফেটি এচিড অতিৰিক্তভাৱে সেৱন কৰা হয়, বিশেষকৈ প্ৰচেছড ভেজিটেবল অইলৰ জৰিয়তে, তেতিয়া ই শৰীৰত ওমেগা-৬ আৰু ওমেগা-৩ৰ ভাৰসাম্য বিঘ্নিত কৰিব পাৰে। হৃদযন্ত্ৰৰ স্বাস্থ্য বজাই ৰাখিবলৈ এই ভাৰসাম্য অতি প্ৰয়োজনীয়।
অত্যধিক ওমেগা ৬ ফেটি এচিড সেৱন কৰিলে প্ৰদাহ হয় আৰু লগতে এথেৰ’স্কলেৰটিক প্লেক গঠন হ’ব পাৰে, যিবোৰ হৃদৰোগ আৰু ষ্ট্ৰোকৰ প্ৰধান কাৰণ।
যকৃতত চৰ্বি জমা হ’ব পাৰে :
চয়াবিন আৰু পামলীন তেল অত্যধিক পৰিমাণে সেৱন কৰিলে যকৃততো চৰ্বি জমা হ’ব পাৰে, যাক নন-এলক’হলিক ফেটি লিভাৰ ডিজিজ (NAFLD) বুলি জনা যায়। ইয়াৰ ফলত হৃদৰোগৰ সম্ভাৱনাও বৃদ্ধি পাব পাৰে। জাৰ্নেল অৱ দ্য আমেৰিকান মেডিকেল এছ’চিয়েশ্যন (জামা)ত প্ৰকাশিত এক অধ্যয়নত উল্লেখ কৰা হৈছে যে এই তেলৰ ফলত মেদবহুলতা আৰু বিপাকীয় বিকাৰ হ’ব পাৰে, যাৰ ফলত সময়ৰ লগে লগে চৰ্বি জমা হৈ ইনচুলিন উৎপাদন ক্ষমতাৰ নষ্ট হয়। যাৰ ফলত ডায়েবেটিচ ৰোগ হয়।
হৰম’নৰ ওপৰত বেয়া প্ৰভাৱ পেলাব পাৰে :
তেলৰ এটা বিতৰ্কিত প্ৰভাৱ হ’ল ই শৰীৰত হৰম’নৰ ভাৰসাম্য সলনি কৰে । চয়াবিন আৰু পামলীন তেলত ফাইটোইষ্ট্ৰজেন থাকে যিটো উদ্ভিদত পোৱা এটা মৌল। ইয়াৰ ৰাসায়নিক গঠন ইষ্ট্ৰজেন হৰম’নৰ দৰেই। যদিও এই উপাদানসমূহৰ ইষ্ট্ৰজেনিক প্ৰভাৱ মধ্যমীয়া বুলি জনা যায়, তথাপিও দীৰ্ঘ সময় ধৰি বেছি সেৱন কৰিলে বিশেষকৈ ইষ্ট্ৰজেনৰ পৰিৱৰ্তনৰ প্ৰতি সংবেদনশীল লোকৰ ক্ষেত্ৰত হৰম’নৰ ভাৰসাম্যহীনতা হ’ব পাৰে।
ফাইটোইষ্ট্ৰজেনৰ প্ৰভাৱৰ ওপৰত কৰা গৱেষণাৰ পৰা মিশ্ৰিত ফলাফল পোৱা গৈছে যদিও কিছুমান প্ৰাণীৰ ওপৰত কৰা অধ্যয়নত এই কথা প্ৰকাশ পাইছে যে এই উপাদানসমূহৰ অত্যধিক সংস্পৰ্শলৈ আহিলে প্ৰজনন স্বাস্থ্য, বিকাশ আৰু মগজুৰ কাৰ্য্যকলাপত প্ৰভাৱ পৰিব পাৰে।
বৌদ্ধিক ক্ষমতাও দীৰ্ঘকালীনভাৱে প্ৰভাৱিত হ’ব পাৰে
দৰাচলতে হনোলুলু-এছিয়া এজিং ষ্টাডিয়ে (HAAS) প্ৰশ্ন উত্থাপন কৰিছে যে চয়াবিন আৰু পামলীন সেৱনে বৌদ্ধিক ক্ষমতাত প্ৰভাৱ পেলাব পাৰে নেকি?
এই অধ্যয়নত প্ৰাপ্তবয়স্ক অৱস্থাত এই তেল খোৱা পুৰুষৰ বৌদ্ধিক ক্ষমতা হেৰুৱা আৰু মগজু দুৰ্বল হোৱাৰ লক্ষণসমূহৰ সম্পৰ্ক থকা দেখা গৈছে। পুৰুষক ব্যৱহাৰ কৰি কৰা এটা বিকল্প বিশ্লেষণত আইকিউ আৰু এনে তেলৰ হ্ৰাসৰ মাজত এক সম্পৰ্ক পোৱা গৈছে যিটো তেওঁলোকৰ পত্নীলৈকেও বিস্তৃত হৈছিল। তাত্ত্বিকভাৱে এই তেলে আইছ’ফ্লেভনে ইষ্ট্ৰজেন ৰিচেপ্টৰ এন্টাগ’নিষ্ট হিচাপে কাম কৰা দেখা গৈছিল।
ৰন্ধা -বঢ়াত কোনবিধ তেল উপযুক্ত?
( ১০০ গ্ৰাম হিচাপে )
•ৰন্ধা -বঢ়াৰ বাবে এনে তেল ব্যৱহাৰ কৰা উচিত য'ত Trans Fatty Acid ৩ বা শূন্য থাকিব লাগে।
•Mono Unsaturated fatty acid
৪০ বা ৩০ ততকৈ কম থকা উচিত।
•Poly Unsaturated fatty acid ( Omega 6 ) ২০ বা ৩০ তকৈ অধিক থকা তেল ক্ষতিকাৰক লগতে Saturated fatty acid ২০ তকৈ বেছি ক্ষতিকাৰক।
•সঁৰিয়হৰ তেল , অলিভ অইল, ধানৰ তেল স্বাস্থ্যৰ বাবে অতি উত্তম বুলি গণ্য কৰা হয়।
• প্ৰাকৃতিক তেল স্বাস্থ্যৰ বাবে ভাল।
এদিনত ৪০ বছৰৰ ওপৰৰ ব্যক্তিয়ে এক চামুচ (৫ মিলিলিটাৰ) ঘিউ আৰু সৰ্বাধিক ১৪ ৰ পৰা ২০ মিলিলিটাৰ ( ৩ চামুচ ) তেল ব্যৱহাৰ কৰিব লাগে, আনহাতে ইয়াতকৈ কম বয়সৰ লোকে প্ৰতিদিনে সৰ্বাধিক ২০ ৰ পৰা ২২ মিলিলিটাৰ
( ৪ -৫ চামুচ ) তেল ব্যৱহাৰ কৰিব লাগে। তেল ব্যৱহাৰ কৰাৰ সময়ত মনত ৰাখিব লাগে যে ইয়াক বেছিকৈ জুইত গৰম কৰি খাব নালাগে। এবাৰ ভজাত ব্যৱহাৰ কৰা তেল দ্বিতীয় বাৰ ব্যৱহাৰ কৰা উচিত নহয়।
