( অপূৰ্ব দাস )
পৰিৱৰ্তিত ঋতুত চাইনাছৰ সমস্যাৰ বাবে নাক বন্ধ হৈ মূৰ গধুৰ হোৱাটো আৰু মূৰৰ বিষ হোৱা সাধাৰণ কথা। আইতাৰ ঘৰুৱা দিহা ফলপ্ৰসূ প্ৰতিকাৰ জানিবলৈ পঢ়িব।
পৰিৱৰ্তন হোৱা বতৰৰ ফলত চৰ্দি, কাহ আৰু ফ্লু সাধাৰণতে দেখা যায় যদিও চাইনাছৰ সমস্যাইও বহু লোকক অসুবিধা দিয়ে। এই সমস্যাত নাক বন্ধ হৈ যায়, মূৰটো গধুৰ হৈ পৰে আৰু কেতিয়াবা তীব্ৰ মূৰৰ বিষ হ'য় । যদি আপুনিও চাইনাছৰ বিষত অসুবিধা পাইছে, তেন্তে আতংকিত নহ’ব, কাৰণ আইতাৰ ঘৰুৱা প্ৰতিকাৰে চাইনাছৰ পৰা সকাহ দিয়াত সহায় কৰিব পাৰে।
চাইনাছৰ বহু কাৰণ থাকিব পাৰে, যেনে বেক্টেৰিয়া বা ভেঁকুৰৰ সংক্ৰমণ, এলাৰ্জী বা নাকৰ মাংস বৃদ্ধি হোৱা।
• ঘৰত থকা তুলসীয়ে চাইনাছৰ পৰা সকাহ দিয়ে। তুলসীত বেক্টেৰিয়া বিৰোধী আৰু ভেঁকুৰ প্ৰতিৰোধী গুণ আছে, যিয়ে বুকুত জমা হোৱা শ্লেষ্মা পৰিষ্কাৰ কৰাত সহায় কৰে। তুলসীৰ ৩/৪ টা পাত দিয়া চাহ খাই পাব পাৰে।
• ক’লা জালুক (ইয়াক জাতি জালুকো বোলে )
ক’লা জালুকৰ কফ প্ৰতিৰোধী গুণে চাইনাছৰ প্ৰদাহ আৰু নাকৰ শ্লেষ্মা হ্ৰাস কৰাত সহায় কৰে। ২/৩ টা ক'লা জালুক চাহত যোগ কৰক , ইয়াৰ প্ৰভাৱ সোনকালে আৰোগ্য লাভ কৰিব।
• ক'লা জালুক, আদা, মৌ, তুলসী, লং, পচতীয়াৰ পাত ৫ খন, নহৰু ৩ ফোট আৰু মূলাৰ ৰস :
এই কেইবিধ একেলগে মিহলি কৰি খালেও চৰ্দী -কাহ, চাইনাছ , মূৰ আৰু দেহৰ বিষ আঁতৰি যায়।
এনেদৰে প্ৰস্তুত কৰক -
এটুকুৰা আদা , মৌ ৩ চামুছ , তুলসী পাত ৩ খনৰ ৰস, লং ২ বা ৩ টুকুৰা, ক'লা জালুক ২ টা, নহৰু ১ ফোট, পচতীয়া পাত ৫ খন আৰু এটা মধ্যমীয়া মূলাৰ ৰস মিহলি কৰি অলপ সাধাৰণ গলম কৰিব। ৰাতি আৰু পুৱা ভাত খোৱাৰ আধা ঘন্টা পাছত ৩-৪ দিন খালে সুফল পোৱা যায়।
সাৱধানতা: লিভাৰৰ ৰোগ , জণ্ডিছ, পেটত অসুখ বা গেছ -গেষ্ট্ৰিকৰ সমস্যা থাকিলে খাব নালাগে।
