By Good Assam
সমগ্ৰ উত্তৰ ভাৰতত অত্যন্ত ঠাণ্ডা। এই সময়ছোৱাত মানুহে ঘৰৰ পৰা কমকৈ ওলাই যায়। যদি আপুনি শীতকালত ৰাণিং কৰাৰ কথা ভাবিছে, তেন্তে আপুনি কিছুমান বিশেষ সাৱধানতা অৱলম্বন কৰিব লাগিব।
ঠাণ্ডাৰ বাবে কোনো ধৰণৰ ব্যায়াম কৰিব পৰা নাই একাংশ লোকে। কিন্তু কিছুমানে শীতকালত দৌৰা কাম কৰে। ‘জাৰ্নেল অৱ স্প’ৰ্ট এণ্ড হেল্থ ছায়েন্স’ৰ গৱেষণাৰ পৰা দেখা গৈছে যে বহুতে শীতকালক ব্যায়াম নকৰাৰ অজুহাত হিচাপে ব্যৱহাৰ কৰে। বাহিৰত দৌৰাকে ধৰি বাহিৰৰ ব্যায়াম শীতকালত বহু দিশত আপোনাৰ বাবে ভাল হ’ব পাৰে। ইয়াৰ ফলত আপোনাৰ ভিটামিন ডি অটুট থাকে, যাৰ ফলত আপোনাৰ ৰোগ প্ৰতিৰোধ ক্ষমতা শক্তিশালী হয়, লগতে মানসিক চাপ দূৰ কৰে আৰু যৌন শক্তি অটুট ৰাখে।
ইয়াৰ উপৰিও ই আপোনাক কিছু শাৰীৰিক কাৰ্য্যকলাপ কৰিবলৈ সহায় কৰিব পাৰে, যিটো চিকিৎসকে সদায় সকলোকে নিয়মীয়াকৈ কৰিবলৈ উৎসাহিত কৰে। সুৰক্ষাৰ কথা মনত ৰাখি শীতকালত দৌৰিব লাগে। শীতকালত দৌৰাটো এটা নিৰাপদ আৰু আনন্দদায়ক কাম হ’ব পাৰে যদিহে আপুনি সঠিক সাৱধানতা অৱলম্বন কৰে। কিন্তু বিবেচনা কৰিবলগীয়া কিছুমান বিপদো আছে।
যদি আপুনি ঠাণ্ডাত দৌৰাৰ কথা ভাবিছে তেন্তে এইবোৰ কথা মনত ৰাখিব -
• শীত কালত বিছনাৰ পৰা উঠিয়েই লগে লগে দৌৰিব নালাগে, ইয়াৰ ফলত হাৰ্ট ফেইল হ'ব পাৰে।
• পানী বা আহাৰ গ্ৰহণ কৰি কেতিয়াও দৌৰিব নালাগে।
• শীতকালত দৌৰিলে বুকুত ঠাণ্ডা বতাহ লাগিবলৈ নিদিব, ইয়াৰ ফলত চৰ্দী -কাহ হ'ব পাৰে।
• শীতকালত দৌৰতে সাৱধান হ'ব, কাৰণ কুঁৱলীৰে ঢাক খাই থাকিলে একো বস্তুকে নেদেখি।
• পেটত মূত্ৰ জমা ৰাখি কেতিয়াও দৌৰিব নালাগে। নহ'লে Prostate gland ৰ ক্ষতি হয়।
সদায় ৰাতিপুৱা দৌৰিলে কি কি স্বাস্থ্যৰ উপকাৰ হ'য় -
হৃদযন্ত্ৰ সুস্থ হৈ থাকে: দৈনিক মাত্ৰ ১৫- ২০ মিনিট দৌৰিলে হৃদযন্ত্ৰ সুস্থ হৈ থাকে। ইয়াৰ ফলত ৰক্তচাপ নিয়ন্ত্ৰণত থাকে আৰু হৃদযন্ত্ৰৰ কাৰ্য্যক্ষমতা উন্নত হয়। পেশীবোৰে তেজ দ্ৰুতভাৱে পাম্প কৰে। যাৰ বাবে হৃদযন্ত্ৰ সুস্থ হৈ থাকে। গতিকে প্ৰতিদিনে কেইমিনিটমান দৌৰিব লাগিব।
ওজন হ্ৰাসঃ মেদবহুলতা হ্ৰাসৰ বাবে খোজ কঢ়াতকৈ দৌৰাটো অধিক ফলপ্ৰসূ। দৈনিক কেইমিনিটমান দৌৰিলে চৰ্বি সোনকালে কমি যায় আৰু ওজন কমি যায়। দৌৰিলে পেটৰ চৰ্বি কমাব পাৰি। দৌৰি থাকোঁতে আপুনি অধিক কেলৰি ক্ষয় কৰে । যিটো ওজন কমাবলৈ প্ৰয়োজনীয়।
সুখী হৰম’ন বৃদ্ধি: দৌৰিলে শৰীৰত সুখী হৰম’ন বৃদ্ধি পায়। দৌৰিলে HGH হৰম’ন উৎপন্ন হয়। যাৰ বাবে শৰীৰ সুখী আৰু সুস্থ হৈ থাকে। দৈনিক দৌৰিলেও বয়স বৃদ্ধিৰ গতি লেহেমীয়া কৰিব পাৰি।
টোপনি ভাল কৰে: যিসকল লোকৰ টোপনিৰ সমস্যা হয়। দৈনিক দৌৰিলে তেওঁলোকে লাভৱান হ’ব। দৌৰিলে আপোনাৰ টোপনিৰ মানদণ্ডও উন্নত হ’ব। মাত্ৰ ১৫ মিনিট দৌৰা বা ব্যায়ামে ৰাতি গভীৰ আৰু ভাল টোপনি অহাত সহায় কৰে।
