( অপূৰ্ব দাস )
যকৃতৰ চিৰ’ছিছ হৈছে যকৃতৰ ৰোগৰ শেষ পৰ্যায়, য’ত সুস্থ যকৃতৰ কলাৰ অৱনতি ঘটিবলৈ আৰম্ভ কৰে। দীৰ্ঘদিন ধৰি ক্ৰনিক হেপাটাইটিছত ভুগি থকাৰ ফলত এনে হয়। হেপাটাইটিছ হৈছে যকৃতৰ প্ৰদাহৰ অৱস্থা, যাৰ বহু কাৰণ থাকিব পাৰে। দীৰ্ঘদিনীয়া হেপাটাইটিছৰ বাবে লিভাৰে দাগ সৃষ্টি কৰি নিজকে ভাল হ’বলৈ চেষ্টা কৰে। কিন্তু অত্যধিক দাগযুক্ত কলা থাকিলে যকৃতে সঠিকভাৱে কাম কৰাত বাধা পায় । লিভাৰ চিৰ’ছিছৰ শেষ পৰ্যায়ত ক্ৰনিক লিভাৰ ফেইলাৰ হোৱাৰ আশংকা থাকে। এই লেখাটোত লিভাৰ চিৰ’ছিছৰ শেষ পৰ্যায়ত দেখা পোৱা লক্ষণসমূহৰ বিষয়ে ক’ম। এই বিষয়ে বিতংভাৱে জানিবলৈ পঢ়িব-
শেষ পৰ্যায়ৰ লিভাৰ চিৰ’ছিছৰ লক্ষণসমূহ কি কি?
লিভাৰ চিৰ’ছিছৰ লক্ষণসমূহ ৰোগীৰ অৱস্থাৰ ওপৰত নিৰ্ভৰ কৰে। আচলতে বহু ৰোগীয়ে আৰম্ভণিতে ইয়াৰ লক্ষণ লক্ষ্য নকৰে। যেতিয়া এই অৱস্থা গুৰুতৰ হৈ পৰে তেতিয়া লিভাৰ চিৰ’ছিছৰ লক্ষণ দেখা দিয়ে। কিন্তু আপোনাৰ যকৃতৰ কাৰ্য্যক্ষমতা কমি যোৱাৰ লগে লগে চিৰ’ছিছৰ লক্ষণসমূহ অধিক দেখা যায়।
লিভাৰ চিৰ’ছিছৰ প্ৰথম লক্ষণসমূহ কি কি?
• বমি বা ভোক কমি যোৱা।
• কোনো কাৰণ নোহোৱাকৈ দুৰ্বল বা ভাগৰুৱা অনুভৱ কৰা।
• সাধাৰণতে অসুস্থ অনুভৱ কৰা।
• পেটৰ ওপৰৰ অংশৰ বিষ
• ৰক্তবাহী নলী নীলা বা কলা হ'বলৈ আৰম্ভ কৰে ।
• হাতৰ তলুৱা ৰঙা পৰা বা খজুৱতি ।
• জ্বৰ জ্বৰ অনুভৱ হোৱা ইত্যাদি।
লিভাৰ চিৰ’ছিছৰ শেষ লক্ষণ সমূহ:
লিভাৰ চিৰ’ছিছৰ শেষ পৰ্যায়ত বহু ধৰণৰ লক্ষণ দেখা যায়। ইয়াৰ বিষয়ে তলত উল্লেখ কৰা হ'ল -
• জণ্ডিচ, যাৰ ফলত ছাল আৰু চকু হালধীয়া হোৱা বাঢ়ি যায়।
• খজুৱতি, ছালত খজুৱতি, কিন্তু ফোহা দেখা নাযায়।
• গাঢ় ৰঙৰ প্ৰস্ৰাৱ আৰু পাতল ৰঙৰ মল থকা।
• পাচনতন্ত্ৰ বা হজমৰ সমস্যা থকা।
• ছাল বা চকুৰ পতাত সৰু সৰু হালধীয়া দাগ।
• বুজাব নোৱাৰাকৈ ওজন কমি যোৱা বা পেশী শক্তি কমি যোৱা ইত্যাদি।
লিভাৰ চিৰ’ছিছ হ’ব পৰা কাৰণবোৰ কি কি?
• জিনীয় বিকাৰ
• হেপাটাইটিছ A, B, C ৰ ভাইৰাছ
• কাৰ্ডিঅ’ চাৰ্কুলাৰ ৰোগ
• ক্ৰনিক হেপাটাইটিছ চি সংক্ৰমণ
• অত্যাধিক মদ নাইবা চৰ্বি যুক্ত আহাৰ গ্ৰহণ কৰা ইত্যাদি।
এনেবোৰ লক্ষণ দেখিলে কি কৰিব ?
• মদ আৰু নিচাযুক্ত দ্ৰব্য ত্যাগ কৰিব
• চৰ্বি যুক্ত খাদ্য ত্যাগ কৰিব
• মচলা যুক্ত খাদ্য, জলকীয়া আৰু চাহ-কফিও ত্যাগ কৰিব
• অতি সোনকালে ভাল চিকিৎসকৰ পৰামৰ্শ লʼব।
মনত ৰাখিব: দূষিত খাদ্য আৰু পানীৰ দ্বাৰা হেপাটাইটিছ A ৰ ভাইৰাছ বিয়পে, আনহাতে
হেপাটাইটিছ B আৰু হেপাটাইটিছ C তেজৰ সংস্পৰ্শৰ জৰিয়তে , যৌন সম্পৰ্কৰ জৰিয়তে এই ভাইৰাছ বিয়পে।
আৰু বহু কাৰণ আছে যি আগলৈ গুড অসমত পঢ়িবলৈ পাব।
