( অপূৰ্ব দাস )
এই ৰেচিপিৰ জৰিয়তে আপুনিও আপোনাৰ পাকঘৰত ধাবা ষ্টাইলৰ চিকেন প্ৰস্তুত কৰিব পাৰিব। ইয়াত যোগ কৰা মছলাবোৰে ইয়াৰ সোৱাদ আৰু অধিক বৃদ্ধি কৰে।
ধাবা ষ্টাইল চিকেনৰ বাবে উপকৰণ:
৬ টুকুৰা চিকেন লেগ
নিমখ সোৱাদ অনুসৰি
২ চামুচ নেমুৰ ৰস
২ চামুচ আদা নহৰুৰ পেষ্ট
২ টা পিঁয়াজ
আদা
নহৰুৰ ফোট ৪-৫ টা
৩-৪ টা কেঁচা জলকীয়া
১-২ কাপ খোৱা তেল
১ খন তেজপাত
ডালচিনিৰ ষ্টিক এটা
৪ টা জাতি জালুক
৫ টা ইলাচি
৪ টা লং
৪ টা বিলাহী
১ চামুচ হালধি
এচামুচ কাশ্মীৰি জলকীয়াৰ গুড়ি
২ চামুচ ধনীয়া পাউদাৰ
তৰকা বনাবলৈ : আধা কাপ ঘী ,কেঁচা ধনীয়াৰ পাত, আদা এটুকুৰা আৰু ২-৩ টা কেঁচা জলকীয়া আৰু কাজু বাদাম এমুঠি।
প্ৰণালী:
(১) মেৰিনেচনৰ বাবে: এটা বাটিত কুকুৰাৰ মাংস ল'ব। তাত নিমখ, নেমুৰ ৰস আৰু আদা - নহৰুৰ পেষ্ট সানিব।
ভালদৰে মিহলাই ৩০ মিনিটৰ বাবে একাষৰীয়াকৈ ৰাখিব।
(২) এতিয়া পিঁয়াজ, নহৰু, আদা আৰু কেঁচা জলকীয়া একেলগে পিহি পেষ্ট বনাওক।
(৩) কেৰাহীত তেল দি জিৰা, তেজপাত, ডালচেনি, ক’লা জালুক , ইলাচি আৰু লং দিব। ( গুড়ি নকৰাকৈ )
(৪) সোণালী বৰণৰ হোৱালৈকে ভাজিব, তাৰ পিছত নহৰু-আদা- পিঁয়াজৰ পেষ্ট খিনি দিব।
(৫) ভালদৰে মিহলাই কেৰাহীখন ঢাকি কিছু সময় ভাজিব।
(৬) কিছু সময়ৰ পাছত কাটি লোৱা বিলাহী দিব, তাৰ লগতে হালধি, কাশ্মীৰি জলকীয়াৰ গুড়ি, নিমখ আৰু ধনীয়া গুৰি দিব। এতিয়া তাত কুকুৰাৰ মাংস দি ভাজিব।
(৭) ভাজি ৰঙচুৱা হ'লে তাত ১-২ বাতি পানী দিব। এতিয়া মাংস ভাজিখিনি অলপ সময় প্ৰেচাৰ কুকাৰত ভৰাই ৰান্ধিব। এটা হুইচেল যাওঁ যাওঁ হোৱাৰ আগতে জুই বন্ধ কৰিব। ঢাকনি খোল খালে কুকাৰত গৰম মছলা আৰু কুটা ধনীয়াৰ পাত দিব।
(৮) এতিয়া তৰকা বনাবলৈ কেৰাহীত ঘিউ গৰম কৰক, এতিয়া তাত নহৰু ৪-৫ ফজটাৰ লগতে আদা এটুকুৰা থেতেলিয়াই দিব আৰু কেঁচা জলকীয়া আৰু কাজু বাদাম দিব। এইখিনি ওলপ ভাজি সিজোৱা মাংসৰ ওপৰত দিব।
(৯) কুকাৰৰ ঢাকণিখন বন্ধ কৰি ওলপ সময় উতলিবলৈ জুইত দি নমাই থব। হুইচেল বাজিবলৈ নিদিব নহ'লে মাংস গলি যাব।
(১০) গৰমে গৰমে ভাত নাইবা ৰুটিৰ লগত খাই মজা পাব।
