( অপূৰ্ব দাস )
হালধি স্বাস্থ্যৰ বাবে অতি স্বাস্থ্যকৰ। কিন্তু একাংশ লোকে সীমিত পৰিমাণত হালধি সেৱন কৰিব লাগে। আহক কোন কোন লোকে হালধি সেৱন পৰিহাৰ কৰিব লাগে জানো -
ভাৰতীয় সকলৰ খাদ্যত হালধি বহুলভাৱে ব্যৱহাৰ কৰা হয়। একে সময়তে বহু স্বাস্থ্য বিশেষজ্ঞই ইয়াক কাৰকুমিন পৰিপূৰক হিচাপে ব্যৱহাৰ কৰে। সাধাৰণতে হালধিক কাৰকুমিন পৰিপূৰক হিচাপে ব্যৱহাৰ কৰাটো নিৰাপদ। কিন্তু কিছুমান ৰোগ আৰু অৱস্থাৰ বাবে কাৰকুমিনৰ নেতিবাচক প্ৰভাৱ পৰিব পাৰে। এনে পৰিস্থিতিত একাংশ লোকে হালধি সেৱনৰ আগতে চিন্তা কৰাৰ প্ৰয়োজন।
• বৃক্কৰ সমস্যা হ’লে হালধি খাব নালাগে
হালধি স্বাস্থ্যৰ বাবে অতি স্বাস্থ্যকৰ বুলি প্ৰমাণিত। কিন্তু যদি আপোনাৰ কিডনী সম্পৰ্কীয় সমস্যা আছে, তেন্তে হালধি সেৱন নকৰিব। দৰাচলতে হালধিত অধিক পৰিমাণে অক্সালেট থাকে। ইয়াৰ ফলত বৃক্কৰ সমস্যা বৃদ্ধি পাব পাৰে। গতিকে হালধি সেৱন সীমিত কৰক।
• পিত্তথলীৰ সমস্যা
কাৰকুমিন পৰিপূৰকে পিত্তথলীত প্ৰভাৱ পেলায়। ই পিত্তথলীৰ মোনা সংকুচিত কৰে আৰু পিত্ত উৎপাদনত বাধা জন্মায় । অতিমাত্ৰা হালধি সেৱন কৰিলে পিত্তথলীত প্ৰভাৱ পৰিব পাৰে। গতিকে সীমিত পৰিমাণতহে সেৱন কৰিব লাগে।
• গেষ্ট্ৰাইটিছৰ সমস্যা
বহু গৱেষণাত দেখা গৈছে যে বহু পৰিমাণে হালধি সেৱন কৰিলে পাচনতন্ত্ৰৰ সমস্যাৰ সম্ভাৱনা বৃদ্ধি পায়। এই অৱস্থাত ৰোগীয়ে বমি, পেটৰ বিষ, ডায়েৰিয়া আদি সমস্যাত ভুগিব পাৰে। এনে পৰিস্থিতিত যদি ইতিমধ্যে আপোনাৰ পাচনতন্ত্ৰৰ সমস্যা আছে, তেন্তে হলধি সেৱন কম কৰক।
• যকৃতৰ সমস্যা হ’লে হালধি নাখাব।
যকৃত সুস্থ কৰি ৰখাটো অতি প্ৰয়োজনীয়। কিন্তু যদি আপুনি লিভাৰৰ সমস্যাত আছে তেন্তে এই পৰিস্থিতিত কাৰকুমিন গ্ৰহণ নকৰিব। ইয়াৰ ফলত আপোনাৰ সমস্যা বৃদ্ধি পাব পাৰে। গতিকে যকৃতৰ সমস্যাত ভুগি থকা লোকসকলে হালধি সেৱন কৰিব নালাগে। জণ্ডিছ হ'লেও হালধি সেৱন নকৰিব।
• ৰক্তক্ষৰণৰ সমস্যা বাঢ়িব পাৰে আৰু ৰক্ত উৎপাদন কম কৰে
কাৰকুমিন অত্যধিক সেৱনে ৰক্তক্ষৰণৰ সমস্যা বৃদ্ধি কৰিব পাৰে, লগতে ৰক্ত কণিকা গঠণ হোৱাত কিছু বাধা প্ৰদান কৰে। যি সকলৰ দেহত তেজ কম তেওঁলোকে হালধি সেৱন একেবাৰে কমকৈ কৰিব।
কাৰকুমিনৰ এন্টিপ্লেটলেটৰ প্ৰভাৱ পোৱা গৈছে। হালধিৰ কাৰকুমিনে কাটিলে ৰক্তকণিকা গোট হোৱা প্ৰক্ৰিয়াত বাধা দিয়ে । ইয়াৰ ফলত তেজ গোট হোৱাৰ ক্ষমতা হ্ৰাস পাব পাৰে। এনে পৰিস্থিতিত সীমিত পৰিমাণত হালধি সেৱন কৰিব লাগে।
এদিনত দিনত কিমান হালধি খাব লাগে?
হালধি স্বাস্থ্যৰ বাবে অতি উপকাৰী বুলি গণ্য কৰা হয়। কিন্তু বেছি হালধি সেৱন কৰিলে ক্ষতিকাৰক হ’ব পাৰে। দিনটোৰ ভিতৰত সুস্থ মানুহে সঠিক পৰিমাণত হালধি সেৱন কৰিব লাগে। যদি আপুনি সুস্থ থাকিব বিচাৰে তেন্তে দিনটোত প্ৰায় ৮ গ্ৰামতকৈ কম হালধি সেৱন কৰক। ইয়াতকৈ বেছি পৰিমাণে হালধি খোৱাৰ পৰা বিৰত থাকক।
