By Good Assam
মুগ বা মগু স্বাস্থ্যৰ বাবে অতি উপকাৰী কিন্তু ইয়াৰ সেৱন কিছুমান মানুহৰ বাবে বিপজ্জনক বুলি প্ৰমাণিত হ’ব পাৰে। জানো আহক কোনে ইয়াক খাব নালাগে-
আচলতে দালি খোৱাটো স্বাস্থ্যৰ বাবে অতি উপকাৰী বুলি গণ্য কৰা হয়। প্ৰটিনকে ধৰি এনে বহুতো পুষ্টিকৰ উপাদান প্ৰতিটো প্ৰকাৰৰ দাইলত পোৱা যায় যিবোৰ শৰীৰৰ বাবে উপকাৰী বুলি গণ্য কৰা হয়। ইয়াৰে এটা হ’ল সেউজীয়া মুগৰ দালি। ইয়াত প্ৰটিন ,আঁহ, ভিটামিন, খনিজ পদাৰ্থ, তাম, ফ’লেট, ভিটামিন চি, পটাছিয়াম আৰু এন্টিঅক্সিডেন্টকে ধৰি বহুতো পুষ্টিকৰ উপাদান থাকে যিয়ে ওজন হ্ৰাস কৰাত সহায় কৰিব পাৰে আৰু এলডিএল কলেষ্টেৰল হ্ৰাস কৰিব পাৰে , যাৰ ফলত হৃদৰোগৰ সম্ভাৱনা হ্ৰাস পাব পাৰে। মুগৰ দালি স্বাস্থ্যৰ বাবে অতি উপকাৰী কিন্তু কিছুমান মানুহৰ বাবে ইয়াৰ সেৱন বিপজ্জনক বুলি প্ৰমাণিত । জানো আহক কোন মানুহে মুগৰ দালি খাব নালাগে-
কিডনী ষ্টোন :
কিডনী ষ্টোনৰ সমস্যাত ভুগি থকা লোকসকলে খাদ্যাভ্যাসৰ বিশেষ যত্ন ল’ব লাগে । মুগৰ দাইলত অক্সালেট থাকে, যাৰ ফলত বৃক্কত পাথৰৰ সমস্যা বৃদ্ধি হব পাৰে। বৃক্কৰ সমস্যা থকা লোকে মুগৰ দালি খোৱাৰ পৰা বিৰত থাকিব লাগে।
গেছ আৰু পেট ফুলা:
বেছিকৈ মুগ খালে গেছ আৰু পেট ফুলিব পাৰে। মুগৰ দাইলৰ খোলাটোৱে পেটৰ বিষ, বমি আৰু ডায়েৰিয়াৰো সৃষ্টি কৰিব পাৰে, কিন্তু যদি আপুনি আপোনাৰ খাদ্য সঠিকভাৱে চোবাই খায় আৰু পাচনতন্ত্ৰ সুস্থ হৈ থাকে তেন্তে এইটো কোনো সমস্যা নহ'য়।
উচ্চ ইউৰিক এচিড :
উচ্চ ইউৰিক এচিড থকা ৰোগীয়ে মুগৰ দাইল পৰিহাৰ কৰিব লাগে। ইয়াত অধিক পৰিমাণৰ প্ৰটিন থাকে যিয়ে শৰীৰত ইউৰিক এচিডৰ মাত্ৰা বৃদ্ধি কৰে। ইউৰিক এচিডৰ বাবে কম পিউৰিনযুক্ত খাদ্যহে খাব লাগে।
