By Good Assam
আমেৰিকাৰ ফাৰ্মা কোম্পানী এলি লিলিয়ে মুকলি কৰিছে Mounjaro নামৰ বেজী, ই ওজন হ্ৰাস কৰাৰ লগতে ডায়েবেটিছ নিয়ন্ত্ৰণত সহায়ক। এই বেজীয়ে ওজন কমাবলৈ সহায়ক হ’ব বুলি দাবী কৰা হৈছে। ইয়াৰ বিষয়ে জানিবলৈ পঢ়িব।
মেদবহুলতা ভাৰতত এক সাধাৰণ জীৱনশৈলীৰ বিকাৰত পৰিণত হৈছে। যাৰ বাবে থাইৰয়ড, ডায়েবেটিছ, ৰক্তচাপ আদি ৰোগৰ আশংকা বৃদ্ধি পাইছে। ভাৰতত ডায়েবেটিছ ৰোগীৰ সংখ্যা বৃদ্ধি পোৱাৰ বাবে ইয়াক ডায়েবেটিছৰ দেশ হিচাপে নামাকৰণ কৰা হৈছে। মেদবহুলতা আৰু ডায়েবেটিছ মিলিলে প্ৰায় ২০০টা স্বাস্থ্যজনিত সমস্যাৰ সৃষ্টি হ’ব পাৰে।
এইবোৰ নিয়ন্ত্ৰণৰ বহু উপায় আছে, বিশেষকৈ খাদ্যাভ্যাস আৰু ব্যায়ামৰ প্ৰতি মনোযোগ দিয়াটো ভাল। কিন্তু এই সমস্যাৰ ক্ষেত্ৰসমূহ অতি দ্ৰুতগতিত বৃদ্ধি পাইছে, যাৰ প্ৰতি লক্ষ্য ৰাখি আমেৰিকাৰ ফাৰ্মা কোম্পানী এলি লিলিয়ে Mounjaro নামৰ বেজী মুকলি কৰিছে যিয়ে ওজন হ্ৰাস কৰাৰ লগতে ডায়েবেটিছ নিয়ন্ত্ৰণ কৰাত সহায়ক।
এই বেজীটো ইতিমধ্যে আমেৰিকা, ব্ৰিটেইন আৰু ইউৰোপৰ বজাৰত অতি জনপ্ৰিয়। এতিয়া ভাৰতৰ বজাৰতো মুকলি কৰা হৈছে। এলি লিলি কোম্পানীৰ তথ্য অনুসৰি ক্লিনিকেল ট্ৰায়েলৰ সময়ত এই ঔষধৰ সৰ্বাধিক মাত্ৰা খাদ্য আৰু ব্যায়ামৰ লগতে দিয়া হৈছিল। য’ত গড় ওজন ২১.৮ কিলোগ্ৰাম হ্ৰাস পাইছিল আৰু সৰ্বনিম্ন মাত্ৰা দিয়াৰ সময়ত ৭২ সপ্তাহত ১৫.৪ কিলোগ্ৰাম হ্ৰাস পাইছিল।
ওজন হ্ৰাসৰ বাবে মৌঞ্জাৰোৱে কেনেদৰে কাম কৰে?
একক মাত্ৰাত পোৱা এই বেজীটো নেচনেল ড্ৰাগ ৰেগুলেটৰ চেণ্ট্ৰেল ড্ৰাগছ ষ্টেণ্ডাৰ্ড কণ্ট্ৰল অৰ্গেনাইজেশ্যনে বিপণনৰ বাবে অনুমোদন জনাইছে। কিন্তু এই ঔষধ ইতিমধ্যে ব্ৰিটেইন আৰু আমেৰিকাৰ দৰে দেশত অনুমোদিত আছিল আৰু এতিয়া ভাৰততো মুকলি কৰা হৈছে।
মৌঞ্জাৰো (Tirzepatide) হৈছে টাইপ ২ ডায়েবেটিছ আৰু ওজন হ্ৰাসৰ চিকিৎসাৰ বাবে বিশেষভাৱে ডিজাইন কৰা জিএলপি-১ ৰিচেপ্টৰ এগ’নিষ্ট ঔষধ। এই ধৰণৰ জীৱনশৈলীৰ বিকাৰৰ প্ৰথম চিকিৎসা যিয়ে জিআইপি (গ্লুক’জ নিৰ্ভৰশীল ইনচুলিন ট্ৰপিক পলিপেপটাইড) আৰু জিএলপি ১ (গ্লুকগন লাইক পেপটাইড ১) হৰম’ন ৰিচেপ্টৰ সক্ৰিয় কৰে। এই দুয়োটা মগজুৰ গুৰুত্বপূৰ্ণ অংশ যিয়ে ভোক নিয়ন্ত্ৰণ কৰে।
ই শৰীৰত ইনচুলিনৰ নিঃসৰণ বৃদ্ধি কৰে, যাৰ ফলত তেজৰ চেনিৰ মাত্ৰা নিয়ন্ত্ৰণত থাকে। ই হজম প্ৰক্ৰিয়া লেহেমীয়া কৰে, আৰু বহু সময়লৈ ভোক অনুভৱ নকৰে। ইয়াৰ উপৰিও ই বিপাকীয় ক্ৰিয়া ত্বৰান্বিত কৰে, যিয়ে ওজন হ্ৰাসত সহায়ক বুলি প্ৰমাণিত হয় ।
ভাৰতত মৌঞ্জাৰোৰ মাত্ৰা আৰু দাম :
এই বেজীটো সপ্তাহত এবাৰহে ল'ব লাগে আৰু এমাহত ৪টা ড’জ ল'ব লাগে। ভাৰতত ইয়াৰ ২.৫ মিলিগ্ৰামৰ মূল্য ৩৫০০ টকা আৰু ৫ মিলিগ্ৰামৰ মূল্য ৪৩৭৫ টকা ৰখা হৈছে। অৱশ্যে এই প্ৰডাক্টটো প্ৰেছক্ৰিপচন ভিত্তিক, গতিকে ইয়াক গ্ৰহণ কৰাৰ আগতে চিকিৎসকৰ পৰামৰ্শ লোৱাটো অতি প্ৰয়োজনীয়। আপোনাৰ শৰীৰৰ প্ৰয়োজনীয়তা বেলেগ বেলেগ হ’ব পাৰে, গতিকে চিকিৎসকে আপোনাৰ শৰীৰ অনুসৰি সঠিক মাত্ৰাৰ পৰামৰ্শ দিব।
ওজন হ্ৰাসৰ বাবে mounjaro ৰ পাৰ্শ্বক্ৰিয়াৰ :
ইয়াৰ কিছুমান পাৰ্শ্বক্ৰিয়াও দেখা যাব পাৰে, য’ত হজম শক্তিৰ সমস্যা যেনে বমি, ভোক নলগা, কোষ্ঠকাঠিন্য, বদহজম, পেটৰ বিষ আদি।
একে সময়তে কিছুমান লোক গুৰুতৰ সমস্যাৰ সন্মুখীন হ’বলগীয়া হ’ব পাৰে, যেনে- অগ্নাশয় ফুলা, হাইপ’গ্লাইচেমিয়া, তেজৰ চেনি কম হোৱা, এলাৰ্জী, বৃক্কৰ সমস্যা, পেটৰ গুৰুতৰ সমস্যা, চকুৰ সমস্যাকে ধৰি পিত্তথলীৰ সমস্যা।
