By Good Assam
১৯ মাৰ্চৰ পৰা কাৰ্যকৰী হ’বলৈ গৈ আছে কোম্পানীটোৰ নতুন নিয়ম। ইয়াৰ পিছত যিসকল সৃষ্টিকৰ্তাই অপ্ৰমাণিত জুৱাৰ এপ আৰু ৱেবছাইট প্ৰচাৰ কৰে তেওঁলোকৰ একাউণ্ট ব্লক কৰা হ’ব। ইয়াৰ লগতে যিসকল সৃষ্টিকৰ্তাই নিজৰ কন্টেন্টত জুৱাৰ সেৱা বা এপৰ ল’গ’ দেখুৱাই, তেওঁলোকৰ বিৰুদ্ধেও কঠোৰ ব্যৱস্থা গ্ৰহণ কৰা হ’ব, যিবোৰ গুগলৰ অনুমোদন নাই। অহা সপ্তাহৰ পৰা কাৰ্যকৰী হ’ব এই নিয়ম।
এই সিদ্ধান্তৰ আঁৰৰ কাৰণ ব্যাখ্যা কৰি কোম্পানীটোৱে কয় যে ইয়াৰ প্ৰভাৱ কেচিনো গেম আৰু এপকে ধৰি জুৱাৰ কন্টেন্টৰ সৃষ্টিকৰ্তাসকলক block কৰিব । যুৱ দৰ্শকক সুৰক্ষিত কৰিবলৈ এনে কৰাটো প্ৰয়োজনীয় হৈ পৰিছে। ইউটিউবত জুৱাৰ চাইট আৰু এপলৈ দৰ্শকক পুনৰ নিৰ্দেশিত কৰাটো নিয়ম উলংঘা বুলি গণ্য কৰা হৈছে।
নতুন নিয়ম অহাৰ পিছত যদি কোনো সৃষ্টিকৰ্তাই এনে কোনো চাইট বা এপৰ বিজ্ঞাপন দেখুৱায় বা Share কৰে, তেন্তে তেওঁৰ বিষয়বস্তুও ডিলিট কৰা হ’ব আৰু একাউণ্ট block কৰিব ।
ভিডিঅ’ত বয়সৰ নিষেধাজ্ঞা আৰোপ কৰা হ’ব
নিয়ম কঠোৰ কৰি ইউটিউবে অনলাইন কেচিনো বা এপৰ প্ৰচাৰ কৰা কন্টেন্টৰ ওপৰত বয়সৰ নিষেধাজ্ঞা আৰোপ কৰাৰ সিদ্ধান্তও গ্ৰহণ কৰিছে। অৰ্থাৎ এতিয়া চাইন আউট কৰা আৰু ১৮ বছৰৰ তলৰ ব্যৱহাৰকাৰীক এনে বিষয়বস্তু দেখুওৱা নহ’ব।
ভাৰতত ইউটিউবে নিজৰ প্লেটফৰ্মৰ পৰা ২৯ লাখ ভিডিঅ’ ডিলিট কৰিলে
নিয়ম উলংঘা কৰা ভিডিঅ’ৰ বিৰুদ্ধে ইউটিউবে কঠোৰ ব্যৱস্থা গ্ৰহণ কৰিছে। এটা প্ৰতিবেদনত কোৱা হৈছে যে যোৱা বছৰৰ অক্টোবৰৰ পৰা ডিচেম্বৰৰ ভিতৰত ইউটিউবৰ কমিউনিটি গাইডলাইন উলংঘা কৰা ২৯ লাখ ভিডিঅ’ ডিলিট কৰা হৈছিল।
