By Good Assam
WhatsApp এ ইয়াৰ ব্যৱহাৰকাৰীসকলৰ বাবে UPI Lite বৈশিষ্ট্যৰ ওপৰত কাম কৰি আছে, যাৰ জৰিয়তে পিন প্ৰৱেশ নকৰাকৈয়ে সামান্য পৰিমাণৰ লেনদেন কৰিব পৰা যাব। খবৰ অনুসৰি এই বৈশিষ্ট্যই হোৱাটছএপৰ লেনদেন প্ৰক্ৰিয়া আৰু অধিক সহজ কৰি তুলিব। এই তথ্য APK টিয়াৰডাউনৰ সময়ত প্ৰকাশ পাইছে, য'ত UPI Lite ৰ সৈতে জড়িত ক'ড ষ্ট্ৰিং WhatsApp beta সংস্কৰণ 2.25.5.17 ত পোৱা গৈছে।
UPI Lite ৰ সহায়ত দ্ৰুত আৰু সহজ পেমেণ্ট
ইউ পি আই লাইট হৈছে এনে এক ব্যৱস্থা যিয়ে ইণ্টাৰনেট সংযোগ অবিহনেও সৰু সৰু পেমেণ্ট সম্ভৱ কৰি তোলে। ভাৰতীয় নেশ্যনেল পেমেণ্ট কৰ্প’ৰেশ্যনে (এন পি চি আই) প্ৰস্তুত কৰিছে আৰু ৫০০ টকাতকৈ কম লেনদেনৰ বাবে ব্যৱহাৰ কৰা হয়। ই ব্যৱহাৰকাৰীৰ মোবাইল নম্বৰৰ সৈতে সংযুক্ত হৈ পেমেণ্ট প্ৰক্ৰিয়া ক্ষীপ্ৰ কৰি তোলে।
হোৱাটছএপৰ এই নতুন বৈশিষ্ট্যই চাৰ্ভাৰ ব্যস্ত থকাৰ
সময়তো নন-ফেইল পেমেণ্টৰ সুবিধা প্ৰদান কৰিব। ইয়াৰ দ্বাৰা ব্যৱহাৰকাৰীয়ে এটা ক্লিকতে ধন পৰিশোধ কৰিব পাৰিব। লগতে, যিকোনো সময়তে প্লেটফৰ্মৰ পৰা ধন যোগ আৰু উলিয়াব পাৰিব।
ভাৰতীয় ব্যৱহাৰকাৰীসকলৰ বাবে বিত্তীয় সেৱা উন্নত কৰাৰ দিশত অহৰহ কাম কৰি আছে হোৱাটছএপ। শেহতীয়া খবৰ অনুসৰি কোম্পানীটোৱে অতি সোনকালে বিদ্যুতৰ বিল, মোবাইল ৰিচাৰ্জ, পানীৰ বিল, ঘৰৰ ভাড়া, গেছৰ বিল আৰু পোষ্টপেইড লেণ্ডলাইন বিল পেমেণ্টৰ দৰে সুবিধাসমূহ নিজৰ প্লেটফৰ্মত আনিব ।
ইতিমধ্যে হোৱাটছএপে ইউপিআই পেমেণ্ট সমৰ্থন কৰে, য’ত ব্যৱহাৰকাৰীয়ে নিজৰ বেংক একাউণ্ট হোৱাটছএপৰ সৈতে লিংক কৰি লেনদেন কৰিব পাৰে। ইউপিআই লাইটৰ সংযোজনে এই সুবিধা আৰু অধিক সহজ কৰি তুলিব, বিশেষকৈ সৰু সৰু পেমেণ্টৰ বাবে।
