( অপূৰ্ব দাস )
চুল সৰাৰ সমস্যা বিভিন্ন কাৰণৰ বাবে হ’ব পাৰে, যেনে মানসিক চাপ, অপুষ্টিকৰ আহাৰ, বংশগত প্ৰভৃতি। তলত চুল সৰৰা নিয়ন্ত্ৰণ কৰিবলৈ কিছু কার্যকৰী উপায় দিয়া হৈছে—
১. স্বাস্থ্যকৰ আহাৰ গ্ৰহণ কৰক
কণীৰ বগা অংশ, মাছ, বাদাম আৰু দুগ্ধজাত খাদ্য আৰু প্ৰোটিন সমৃদ্ধ আহাৰ খাব।
পালং শাক, আমলখি, কচু শাক আদি আইৰণযুক্ত খাদ্য খাব যাতে চুল সৰাৰ সমস্যা ৰোধ হয়।
কল, ৰহৰ দাইল , মধুৰিআমৰ কুমলীয়া আগ বা পাত , আদি বায়’টিন আৰু আইৰণ সমৃদ্ধ খাদ্য খালে চুলি মজবুত হয়।
যথেষ্ট পৰিমাণে পানী খাব।
২. সঠিক চুলৰ যতন ল'ব
চালফেট মুক্ত মাইল্ড চেম্পু ব্যৱহাৰ কৰক যাতে চুলি ক্ষয় নহয়।
নাৰিকলৰ তেল, কেঁচা তিলৰ তেল বা পিয়াজৰ ৰস দি মূৰ মালিশ কৰিলে ৰক্ত সংচালন উন্নত হয়।
বেছি গৰম বা বেছি ঠাণ্ডা পানীৰে চুলি নুধুব, ইয়াৰ পৰিৱৰ্তে কুহুমীয়া গৰম বা ঠাণ্ডা পানীৰে ধুব।
তিতি থকা চুলি বান্ধি ৰাখিব নালাগে, কিয়নো ই চুলিৰ মূল গুৰি ক্ষয় আৰু দুর্বল কৰি তোলে।
৩. মানসিক চাপ কমাওক
ধ্যান, যোগ ব্যায়াম বা গভীৰ উশাহ লোৱাৰ অভ্যাস কৰক।
দৈনিক ৭-৮ ঘণ্টা ভালকৈ টোপনি লওক।
৪. অধিক গৰম আৰু কৃত্ৰিম যন্ত্ৰৰ পৰা বাচি থাকক
চুলি শুকোৱাবলৈ ড্ৰায়াৰ, ষ্ট্ৰেইটেনাৰ আৰু কাৰ্লিং আইৰণ একেবাৰে কম ব্যৱহাৰ কৰক।
প্ৰায়ে চুলি ৰং কৰা বা কেমিকেল চিকিৎসা (Rebonding, Smoothing) নকৰিব।
৫. ঘৰুৱা প্ৰতিকাৰ
এলোভেৰা জেল মূৰত লগালে চুলি বৃদ্ধিত সহায় হয় আৰু চুলি সৰা ৰোধ কৰে।
পিয়াজৰ ৰস প্ৰাকৃতিক উপায়েৰে নতুন চুলি গজাবলৈ সহায় কৰে।
মেথি ৰাতি তিয়াই থʼব । ৰাতিপুৱা পানীত পিহি তাৰ পেষ্ট লগালে চুলিৰ গুৰি মজবুত হয়।
৬. নিয়মিত চুলিৰ যতন
৬-৮ সপ্তাহৰ ভিতৰত চুলৰ আগৰ অংশ কিছু কাটিব লাগে যাতে চুলি সৰা বন্ধ হয়।
মূৰৰ মৃত কোষ আঁতৰাবৰ বাবে প্ৰাকৃতিক স্ক্ৰাব ব্যৱহাৰ কৰিব। যেনে- বাদাম , গাখীৰ আৰু এটুকুৰা নেমুৰ ৰস মিশ্ৰিত কৰিব তাতে সামান্য কলৰ খাৰ দি চুলি স্ক্ৰাব কৰিব।
৭. প্ৰয়োজন হ’লে চিকিৎসকৰ পৰামৰ্শ লওক
অত্যধিক চুল সৰিলে ডাৰ্মাট’লজিষ্টৰ পৰামৰ্শ লওক।
প্ৰয়োজনত PRP থেৰাপি, মিনক্সিডিল বা বায়’টিন চাপ্লিমেণ্ট চিকিৎসকৰ পৰামৰ্শ মতে গ্ৰহণ কৰিব।
চুলি সৰাৰ সমস্যা ৰোধ কৰিবলৈ কিছুমান ঘৰুৱা প্ৰতিকাৰ:
১. নাৰিকল তেলৰ মালিচ
নাৰিকল তেল সামান্য গৰম কৰি টোপাল টোপালকৈ মূৰত লগাই চুলিৰ গুৰি লাহে লাহে ৫-১০ মিনিট প্ৰতিদিনে মালিচ কৰিব। ইয়াৰ ফলত চুলিৰ গুৰি মজবুত হ'য়। চুলিয়ে অক্সিজেন আৰু পুষ্টি লাভ কৰে।
২. পিয়াজৰ ৰস
এটা পিয়াজ কাটি ৰস উলিয়াই মূৰত লগাওক।
২০-৩০ মিনিট ৰাখি কোমল চেম্পুৰে ধুই পেলাওক।
পিয়াজত থকা সালফাৰে চুলিৰ বৃদ্ধিত সহায় কৰে আৰু চুলি পৰা ৰোধ কৰে।
৩. এলভেৰা (Aloe Vera) জেল
ঘৰুৱা অলিভেৰা জেল মূৰত লগাই ৩০-৪৫ মিনিট ৰাখক।
পাছত পানীৰে ধুই পেলাওক।
৪. মেথি (Fenugreek) পেষ্ট
৪-৫ চামুচ মেথি তিয়াই থʼব। ৰাতিপুৱা মিহিকৈ পিহি ল'ব।
পেষ্ট বনাই চুলিত লগাই ৩০ মিনিট ৰাখি ধুই পেলাওক।
উফি (Dandruff) আৰু চুলি সৰা ৰোধ কৰে।
৫. আমলখি (Amla) পেষ্ট
আমলখি গুৰি তেলৰ লগত মিহলাই মূৰত লগাওক আৰু ৩০ মিনিট ৰাখক।
চুলি সৰা আৰু অকাল পকা ৰোধ কৰে।
৬. গ্ৰীণ টী (Green Tea)
একাপ গ্ৰীণ টী উতলাই ঠাণ্ডা কৰি মূৰ ধুৱাৰ পাছত চুলিত সানক। ১৫ মিনিটৰ পিছত ধুই পেলাওক । ইয়াত থকা এন্টিঅক্সিডেন্টে চুলৰ বৃদ্ধিত সহায় কৰে।
৭. কণী (Egg)
১ টা কণীৰ লগত ১ চামুচ অলিভ তেল বা নাৰিকলৰ তেল মিহলাই মূৰত লগাওক।
২০-৩০ মিনিট ৰাখি ঠাণ্ডা পানীৰে ধুই পেলাওক।
৮. দৈ (Yogurt) আৰু মৌ (Honey) মাস্ক
২ চামুচ দৈৰ লগত ১ চামুচ মৌ মিহলাই চুলিত লগাওক।
৩০ মিনিট ৰাখি পাছত ধুই পেলাওক।
৯. জবা ফুল আৰু পাতৰ পেষ্ট
জবা ফুল আৰু পাত মিহলাই একোটা পেষ্ট বনাই চুলিত লগাওক। ৩০-৪০ মিনিট ৰাখি ধুই পেলাওক।
চুলিৰ গুৰি শক্তিশালী কৰি নতুন চুলি ওলাবলৈ সহায় কৰে।
১০. চুলি বেছিকৈ সৰিব পাৰে বেক্টেৰিয়াৰ বাবে। এনে হ'লে মূৰ খজুৱাবলৈ আৰম্ভ কৰে। চিকিৎসকৰ পৰামৰ্শ লৈ ketoconazole বেক্টেৰিয়া নাশক চেম্পূ ব্যৱহাৰ কৰিব।
