( অপূৰ্ব দাস )
আজি এই লেখাটোত ৰাতিপুৱা সোনকালে শুই উঠাৰ বহু উপকাৰৰ বিষয়ে আলোচনা কৰিম, যিটো আপুনিও মানি চলিলে বহু উপকাৰ লাভ কৰিব।
ৰাতি দেৰিকৈ বজাত শুবলৈ যোৱা আৰু ৰাতিপুৱা দেৰিকৈ শুই উঠা সকলৰ ভিতৰত আপুনিও এজন নেকি?
গতিকে আপোনাৰ এই অভ্যাসটো সলনি কৰিব লাগিব কাৰণ আপোনাৰ এনেকুৱা এটা ৰুটিন স্বাস্থ্যৰ বাবে ভাল নহয় আজি এই লেখাটোত ৰাতিপুৱা সোনকালে শুই উঠাৰ উপকাৰিতাৰ বিষয়ে আলোচনা কৰিম, যিটোৰ পৰা আপুনিও বহু উপকৃত হ'ব পাৰিব।
ৰাতিপুৱা ৫ বা ৫:৩০ বজাত সাৰ পালে কি কি লাভ হয়?
• শাৰীৰিক আৰু মানসিক স্বাস্থ্যৰ বাবে ভাল
• ৰাতিপুৱা সোনকালে উঠিলে গোটেই দিনটো শক্তিশালী হৈ থাকিব। ইয়ে লাহে লাহে মানসিক শক্তি বৃদ্ধি কৰিব।
• ৰাতিপুৱা সোনকালে সাৰ পালে ব্যায়াম কৰিবলৈ যথেষ্ট সময় পোৱা যাব।
• আপোনাৰ ওজন নিয়ন্ত্ৰণত থাকিব। ওজন নিয়ন্ত্ৰিত হৈ থাকিলে বহু ৰোগ, যেনে - ডায়েবেটিচ, উচ্চ ৰক্তচাপ, মানসিক চাপ, হৃদযন্ত্ৰৰ ৰোগ ইত্যাদি নহ'য়।
• পাচনতন্ত্ৰ সুস্থ হৈ থাকে।
• ৰোগ প্ৰতিৰোধ ক্ষমতা অধিক শক্তিশালী হৈ পৰে।
• মানসিক চাপ কমি যায়।
• সৌন্দৰ্য্য বৃদ্ধি পায়।
• সৃষ্টিশীলতা বৃদ্ধি পায়।
• আত্মবিশ্বাস বাঢ়ি যায়।
• ইতিবাচক মানসিকতা আহে।
অন্যান্য উপকাৰ :
• ৰাতিপুৱা সোনকালে শুই উঠিলে দিনটোৰ কামৰ বাবে বহু সময় লাভ কৰে।
• সময়মতে শুলে আপোনাৰ টোপনিৰ মান উন্নত হয়। ৰাতি ১০ বা ১০:৩০ বজাত শুবলৈ যোৱা ভাল আৰু ৰাতিপুৱা ৫ বা ৫:৩০ বজাত শুই উঠা ভাল।
• ৰাতিপুৱা সোনকালে উঠিলে আপুনি উৎপাদনশীল হৈ পৰে।
ৰাতিপুৱা সোনকালে শুই উঠিবলৈ কিছুমান টিপছ তলত দিয়া হ'ল -
• শুৱাৰ আৰু সাৰ পোৱাৰ সময় নিৰ্ধাৰণ কৰক।
• শুৱাৰ আগতে নিশ্চিত হওক যে লাইটবোৰ বন্ধ হৈ আছে, ই নিস্তব্ধ পৰিৱেশ হোৱা উচিত।
• প্ৰতিদিনে ৰাতিপুৱা ব্যায়াম, ধ্যান কৰা বা কিতাপ পঢ়া উচিত।
• শুই উঠাৰ লগে লগে আৰু ৰাতি ১০:৩০ বজাৰ পিছত মোবাইল ফোন ব্যৱহাৰ নকৰিব। ইয়ে মগজুত ৰক্তচাপৰ বৃদ্ধি কৰে, যাৰ ফলত টোপনিৰ সমস্যা, চকুৰ ক্ষমতা কমি যোৱা আৰু মগজুৰ সমস্যা সৃষ্টি কৰে।
• যদি আপুনি টোপনিত অসুবিধা পায় তেন্তে চিকিৎসকৰ পৰামৰ্শ লওক।
