( অপূৰ্ব দাস )
ফিটকিৰি ঔষধি গুণেৰে ভৰপূৰ। ইয়াত এন্টিবায়টিক, এন্টিঅক্সিডেন্ট, এন্টি-ইনফ্লেমেটৰী আৰু এষ্ট্ৰিংজেণ্ট গুণ থাকে। এইবোৰৰ বাবেই ইয়াক বহু ৰোগ নিৰাময়ৰ বাবে ব্যৱহাৰ কৰা হয়।
আপুনি জানেনে যে ফিটকিৰি স্বাস্থ্য আৰু সৌন্দৰ্য্যৰ বাবেও ব্যৱহাৰ কৰা হয়। ইয়াত থকা এন্টিবেক্টেৰিয়েল গুণ ছাল আৰু চুলিৰ বাবে অতি উপকাৰী। দৈনিক ছালত লগালে মুখৰ জিলিকনি বৃদ্ধি পায়। ইয়াৰ লগতে মুখৰ বলিৰেখাও নাইকিয়া হয়। ইয়াত থকা এষ্ট্ৰিংজেণ্ট আৰু হেমোষ্টেটিক গুণে ঘাঁ ভাল কৰাত সহায় কৰে।
১/ ব্ৰণৰ পৰা মুক্তি পায়
ব্ৰণৰ পৰা মুক্তি পাবলৈ ফিটকিৰি ব্যৱহাৰ কৰিব পাৰি। ফিটকিৰি পানীৰে মুখ ধুলে ই এষ্ট্ৰিংজেণ্টৰ দৰে কাম কৰে আৰু ছালত অতিৰিক্ত তেল কমোৱাত সহায় কৰে। ইয়াৰ ফলত মুখৰ খোলা ছিদ্ৰও কমি যায়।
২/ বেক্টেৰিয়া নিৰ্মূল কৰে
ফিটকিৰিত এন্টি-বেক্টেৰিয়েল মৌল পোৱা যায়, যিয়ে বেক্টেৰিয়া নিৰ্মূল কৰাৰ কাম কৰে। শ্বেভিঙৰ পিছত মুখত লগালে সংক্ৰমণ নহয়। শ্বেভিং কৰাৰ সময়ত কাটিলে তেজ ওলোৱা বন্ধ কৰিব পাৰে। মুখখন কোমল কৰি তোলে।
৩/ দাগ আৰু খুজুলি ঘাঁ আঁতৰায়
ফিটকিৰিৰ পানীৰে ছাল ধুলে দাগ দূৰ হয় আৰু ছাল জিলিকি উঠে। পানীত অলপ ফিটকিৰি দি দ্ৰৱীভূত হোৱালৈকে মিহলাই লওক। ইয়াৰ পিছত ছালখন ধুব লাগে। ইচ্ছা কৰিলে গা ধোৱা পানীত মিহলাই ইয়াক ব্যৱহাৰ কৰিব পাৰে।
৪/ ছাল ঢিলা দূৰ কৰে
যদি ছালখন ঢিলা হ’বলৈ বা ওলমিবলৈ আৰম্ভ কৰিছে, তেন্তে ইয়াৰ পানীৰে মুখখন ধুলে আচৰিত কাম কৰে । ইয়াৰ ফলত ছালখন ঢিলা হোৱাৰ পৰা ৰক্ষা পায় । গোলাপৰ পানীৰ লগত পিটকিৰি পাউদাৰ মিহলাই কিছু সময় থৈ তাৰ পিছত মুখখন ধুব। দুই-তিনি সপ্তাহৰ ভিতৰত ইয়াৰ প্ৰভাৱ দেখা যায়।
৫/ মুখৰ অবাঞ্চিত চুলিৰ পৰা মুক্তি পাব
যদি মুখৰ অবাঞ্চিত চুলিয়ে আপোনাক আমনি কৰিছে তেন্তে আপুনি ফিটকিৰি ব্যৱহাৰ কৰিব পাৰে। আধা চামুচ ফিটকিৰি লৈ তাত গোলাপ পানী মিহলাই তাৰ পিছত মুখৰ সেই অংশত লগাব য’ত চুলি বেছি থাকে। ২০ মিনিট ৰাখিব। তাৰ পিছত গোলাপ পানীৰে মুখখন ধুব। ইয়াৰ পিছত মইশ্ব’ৰাইজাৰ লগাব। ইয়াৰ ফলত ক্ৰমান্বয়ে অবাঞ্চিত চুলি কমি যাব।
৬/ দাঁতৰ ৰোগ বা বীজাণু
দাঁতৰ ৰোগ বা বীজাণুৰ সংক্ৰমণ হ'লে দাঁত বিষাবলৈ আৰম্ভ কৰে। বেক্টেৰিয়াৰ সংক্ৰমণৰ ফলত দাঁতৰ ক্ষয় হ'বলৈ আৰম্ভ কৰে আৰু গোন্ধ ওলায়। এনে পৰিস্থিতিত আধা চামুচ ফিটকিৰিৰ পাউডাৰ এবাতি কুহুমীয়া গৰম পানীত মিহলি কৰি দিনত তিনি-চাৰিবাৰকৈ মুখ কুলকুলি কৰক। ইয়াৰ পিছত আদা, নহৰু আৰু লং গুড়ি কৰি দাঁতত লগাওক।
