( অপূৰ্ব দাস )
নতুন বছৰটো আহিছে নতুন শক্তি আৰু ইতিবাচকতাৰে। ইয়াক ভাল কৰিবলৈ আমি আমাৰ ঘৰখন পৰিষ্কাৰ আৰু বাস্তুৰ দোষমুক্ত কৰি ৰখাটো গুৰুত্বপূৰ্ণ। বাস্তু শাস্ত্ৰৰ মতে ঘৰত উপস্থিত কিছুমান বস্তুৱে ঋণাত্মক শক্তি বিয়পাই দিয়ে, যাৰ ফলত প্ৰগতিৰ বাধাৰ সৃষ্টি হয়। গতিকে নৱবৰ্ষৰ আগতে ঘৰৰ পৰা এইবোৰ আঁতৰাই দিলে ইতিবাচক শক্তি আনে। ঘৰৰ পৰা কোনবোৰ বস্তু তৎক্ষণাত আঁতৰাই দিব লাগে জানো আহক-
• ভঙা বাচন-বৰ্তন
ঘৰত বাচন-বৰ্তন ভঙা বা ফাটি গ’লে তৎক্ষণাত আঁতৰাই পেলাব লাগে। এইবোৰে বাস্তুৰ দোষৰ সৃষ্টি কৰাই নহয়, সম্পৰ্কত খং উত্তেজনা আৰু আৰ্থিক লোকচানৰ ইংগিত দিয়ে।
• পুৰণি আৰু ভঙা ঘড়ী
ঘড়ী হৈছে সময়ৰ প্ৰতীক। ঘৰত বন্ধ বা ভঙা ঘড়ী ৰখাটোৱে জীৱনত বাধাৰ সৃষ্টি কৰে। বন্ধ ঘড়ীত লগে লগে বেটেৰী লগাওক বা ভঙা ঘড়ী আঁতৰাই দিব লাগে।
• ঋণাত্মক ছবি আৰু চিত্ৰকলা
দুখ, যুদ্ধ বা নেতিবাচক আৱেগ চিত্ৰিত কৰা চিত্ৰক ঘৰত ৰখাটো অশুভ বুলি গণ্য কৰা হয়। এইবোৰৰ ঠাইত প্ৰাকৃতিক দৃশ্য বা সুখ দেখুওৱা দৃশ্যৰ ছবি ব্যৱহাৰ কৰক।
• পানীৰ চিত্ৰ
ঘৰৰ ভিতৰৰ শোৱনি কোঠাত কেতিয়াও পানী থকা চিত্ৰ ব্যৱহাৰ কৰা উচিত নহয়। ইয়ে সম্পৰ্ক ধ্বংস কৰে আৰু মানসিক চাপৰ সৃষ্টি কৰে।
• শোৱনি কোঠাত ভগৱানৰ ফটো
শোৱা কোঠাত কেতিয়াও ভগৱানৰ ফটো নাৰাখিব। ইয়ে আপোনাৰ জীৱনলৈ অশুভ প্ৰভাৱ পেলায়। ভগৱানক কেৱল মন্দিৰত ৰাখি পূজা-অৰ্চনা কৰক।
• মৃত আৰু শুকান গছ
মৃত আৰু শুকান গছ-গছনিয়ে ঘৰত ঋণাত্মক বিয়পাই দিয়ে। লগে লগে সেইবোৰ আঁতৰাই ৰসাল সেউজীয়া গছবোৰক ঠাই দিব। ঘৰলৈ ইতিবাচক শক্তি আৰু সুখ কঢ়িয়াই আনে।
• ভঙা কাঁচ আৰু আইনা
ভঙা দাপোন বা কাঁচক অশুভ বুলি গণ্য কৰা হয়। ইয়াৰ ফলত আৰ্থিক লোকচান আৰু পৰিয়ালৰ বিবাদ হ’য়। এনে কাঁচ বা আইনা তৎক্ষণাত সলনি কৰি দিব লাগে।
• পুৰণি আৰু অসাৰ বস্তু
ঘৰত জমা হৈ থকা পুৰণি আৰু অলাগতীয়াল বস্তু যেনে বেয়া ইলেক্ট্ৰনিকছ সামগ্ৰী, পুৰণি কাপোৰ, ভঙা আচবাব আদিয়ে ঋণাত্মক শক্তিৰ সৃষ্টি কৰে। এইবোৰ দান কৰক বা পেলাই দিয়ক।
• ফটা জোতা আৰু চেন্দেল
ফটা জোতা-চেন্দেল ঘৰত ৰাখিলে আৰ্থিক সমস্যাৰ সৃষ্টি হয়। লগে লগে ঘৰৰ পৰা বাহিৰলৈ পেলাই দিব।
• ধূলি আৰু মলি
ধূলি আৰু মলিয়ে ঘৰত ঋণাত্মক শক্তিৰ প্ৰসাৰ ঘটায়। বিশেষকৈ ঘৰৰ চুকবোৰত পৰিষ্কাৰ-পৰিচ্ছন্নতাৰ বিশেষ যত্ন লওক।
• বেয়া ইলেক্ট্ৰনিকছ
ঘৰত কাম নকৰা ইলেক্ট্ৰনিক যন্ত্ৰ ৰাখিব নালাগে। সেইবোৰ ঠিক কৰক বা আঁতৰাই পেলাওক। ইয়ে শনিৰ কূ প্ৰভাৱ পেলায়।
• পুৰণি ধৰ্মীয় সামগ্ৰী
ফাটি যোৱা ধৰ্মীয় কিতাপ, ভঙা ভগৱানৰ মূৰ্তি বা ভঙা ফটো ফ্ৰেম ঘৰত ৰখাটো অশুভ। সন্মানেৰে ধূপ জ্বলাই বা পূজা কৰি নদীত উটুৱাই দিব।
