( অপূৰ্ব দাস )
প্ৰটিন আৰু কেলচিয়াম প্ৰচুৰ পৰিমাণে কণীত পোৱা যায় আৰু ই বহুতো ভিটামিন আৰু খনিজ পদাৰ্থৰ প্ৰাকৃতিক উৎসও। কিন্তু কোনবোৰ ৰোগত কণী খাব নালাগে জানেনে? জানিবলৈ পঢ়িব।
কণীত প্ৰটিন আৰু কেলচিয়াম প্ৰচুৰ পৰিমাণে পোৱা যায়, যিয়ে আমাৰ সামগ্ৰিক স্বাস্থ্যৰ যত্ন লয়। চিকিৎসকে বহু লোকক কণী খাবলৈও পৰামৰ্শ দিয়ে কাৰণ ই বহুতো ভিটামিন আৰু খনিজ পদাৰ্থৰ প্ৰাকৃতিক উৎস। কণী এটা ছুপাৰফুড, কিন্তু কোনবোৰ পৰিস্থিতিত কণী খাব নালাগে জানেনে? আজি এই লিখনিৰ জৰিয়তে আপোনালোকক জনাম যে ৬ টা ৰোগ হ'লে কণী খাব নালাগে, নহ'লে স্বাস্থ্য আৰু বেয়া হ'ব। সেই বেমাৰবোৰ কি কি জানো আহক-
• হৃদৰোগ
যদি আপোনাৰ হৃদযন্ত্ৰৰ কোনো সমস্যা আছে তেন্তে কণী খাব নালাগে। কণীৰ কুহুম (হালধীয়া অংশ)ত অধিক পৰিমাণৰ কলেষ্টেৰল থাকে যিয়ে আপোনাৰ শিৰাত প্ৰৱেশ কৰি তেজ চলাচলত বাধাৰ সৃষ্টি কৰাই নহয়, প্লেক গঠনৰো সৃষ্টি কৰিব। ইয়াৰ বাবে অক্সিজেন যোগান ধৰিব নোৱাৰে আৰু সমস্যা বাঢ়ি যায়।
• বদহজম
বহু লোকে খাদ্য খোৱাৰ পিছত বদহজম ৰোগত আক্ৰান্ত হয়। এনে লোকে কণী খাব নালাগে, কাৰণ ইয়াৰ ফলত পেটৰ সমস্যা বাঢ়ি যায়। এনে ক্ষেত্ৰত কণী হজম কৰিব নোৱাৰিলে ইয়াক খোৱাৰ পিছত পেটৰ গেছ, বমি বা বিষ হ’ব পাৰে। গতিকে বদহজমৰ ক্ষেত্ৰত কণী খোৱাৰ পৰা বিৰত থাকিব লাগে।
• কৰ্কট ৰোগ
কণী অতিমাত্ৰা সেৱনৰ ফলত কেন্সাৰ হোৱাৰ আশংকা থাকে। এক প্ৰতিবেদনত প্ৰকাশ পাইছে যে অত্যধিক কণী খালে পুৰুষৰ প্ৰষ্টেট কেন্সাৰ আৰু মহিলাৰ স্তন কেন্সাৰ হোৱাৰ সম্ভাৱনা বৃদ্ধি পায়। সেয়েহে সীমিত পৰিমাণতহে কণী সেৱন কৰিবলৈও চিকিৎসকে পৰামৰ্শ দিয়ে।
• কলেষ্টেৰল আৰু উচ্চ ৰক্তচাপ
কণীৰ কুহুম (হালধীয়া অংশ)ত কলেষ্টেৰল থাকে যিয়ে আপোনাক অসুস্থ কৰি তুলিব পাৰে। যিসকল লোকৰ উচ্চ কলেষ্টেৰলৰ সমস্যা আছে তেওঁলোকে ভুলতে হ’লেও কণী খাব নালাগে। উচ্চ ৰক্তচাপ বৃদ্ধি হ'লেও কণী খাব নালাগে।
• ডায়েৰিয়া
ডায়েৰিয়া হ’লে ভুলতে হ’লেও কণী সেৱন নকৰিব। কণী গৰম হয় আৰু পেট বেয়া হ’লে গৰম বস্তু খাব নালাগে, নহ’লে সমস্যা আৰু বাঢ়িব পাৰে। ডায়েৰিয়াৰ সময়ত কণী খালে খাদ্য বিষক্ৰিয়া হ’ব পাৰে।
• যৌন ৰোগ
যি সকল কিছুমান যৌন ৰোগত আক্ৰান্ত বা শীঘ্ৰে বীৰ্য্য বাহিৰ হ'য় তেনে লোকেও কণী খোৱাৰ পৰা বিৰত থাকিব লাগে। চিফিলিছৰ, গণোৰিয়া , শীঘ্ৰ পতন আদি সমস্যা থাকিলে কণী খাব নালাগে।
• গেছ - গেছট্ৰিক
গেছট্ৰিকৰ সমস্যা থাকিলেও কণী কমকৈ খাব লাগে। অৱশ্যে বইল কণী খাব পাৰে, কিন্তু ৰাতিৰ ভাগত খাব নালাগে। ইয়াৰ ফলত গেছ আৰু গেছট্ৰিকৰ সমস্যা বৃদ্ধি পায়।
• অগ্নাশয়- লিভাৰৰ ৰোগ, জণ্ডিছ , বৃক্কৰ ৰোগ
অগ্নাশয়ৰ কথা খুবেই কমকৈ কোৱা দেখা যায়। অগ্নাশয়ৰ বিকাৰ থাকিলে প্ৰ'টিন, চৰ্বি আৰু শৰ্কৰা যুক্ত খাদ্য হজম কৰিব নোৱাৰা হ'য়। ইয়াৰ ফলত পেটত গেছ জমা হ'য় আৰু পেটৰ বিষ হ'য়। এনে সমস্যা থাকিলে কণী খাব নালাগে।
থিক তেনেদৰে লিভাৰৰ ৰোগ, জণ্ডিছ আৰু বৃক্কৰ সমস্যা থাকিলেও প্ৰ'টিন,শৰ্কৰা, চৰ্বি আৰু তেল খাব নালাগে, লগতে কণীও খাদ্য তালিকাৰ পৰা বাদ দিব লাগে, যেতিয়ালৈকে আপুনি সম্পূৰ্ণ সুস্থ নহয়।
