চৰাই আৰু জীৱ-জন্তুক খাদ্য খুৱালে জীৱনত কি কি উন্নতি হয় জানিবলৈ পঢ়িব।
( অপূৰ্ব দাস )
জ্যোতিষ আৰু হিন্দু ধৰ্মত আছে যে চৰাইক খাদ্য আৰু শস্য খুৱালে বহু কূ-প্ৰভাৱ আঁতৰ হ'য়। জ্যোতিষত জীৱ-জন্তু আৰু চৰাইক খুৱালেও গ্ৰহ দোষ দূৰ হ'য় বুলি বিশ্বাস কৰা হয়।
জ্যোতিষত জীৱ-জন্তু আৰু চৰাইক আহাৰ খুওৱাৰ বিষয়ে বহু কথাৰ বৰ্ণনা আছে । কোৱা হয় যে জীৱ-জন্তু আৰু চৰাইক খুৱালে পাৰিবাৰিক সমস্যাৰ পৰা আৰম্ভ কৰি স্বাস্থ্যজনিত সমস্যালৈকে সকলো সমস্যা দূৰ হৈ যায় আৰু ব্যক্তিজনে সকলো সমস্যাৰ পৰা মুক্তি পায়। ইয়াৰ উপৰিও মানসিক শান্তিও আছে।
• কাউৰী, শালিকা আৰু ডাউকক এই খাদ্য খুৱাওক
শনিবাৰে কাউৰীক ৰুটি, গাখীৰ আৰু ক'লা তিলেৰে প্ৰস্তুত কৰা খাদ্য খুৱালে শনিৰ কূ প্ৰভাৱ আঁতৰ হ'য়। এটা কথা মনত ৰাখিব - কাউৰীক নিজৰ ঘৰত বা ঘৰৰ ওচৰত খাদ্য খুৱাব নালাগে।
শুকুৰ বাৰৰ দিনা শালিকাক চাউল খুৱালে সম্পৰ্ক মজবুত হ'য় আৰু ঘৰখনলৈ শান্তি আহে।
ডাউক চৰাইক ৰবিবাৰে ধান, চাউল বা ভাত খুলালে যদি সত্যত আছে তেন্তে শত্ৰুৰ পৰা বিজয় লাভ হ'য়।
• গৰুক ৰুটি আৰু গুড় খুৱাব
সনাতন ধৰ্মত গৰু সেৱা কৰিলে ৩৩ কোটি দেৱ-দেৱীৰ পূজাৰ সমান ফলাফল পোৱা যায়। হিন্দু ধৰ্মত এটা বিশ্বাস আছে যে গৰুক খাদ্য খুৱালে মানুহে সকলো পাপৰ পৰা মুক্তি পায়। হিন্দু ধৰ্মত বহুতে ৰন্ধা-বঢ়া কৰি থাকোঁতে প্ৰথমে গৰুৰ বাবে খাদ্য বনাই এফালে ৰাখে। এই পৰম্পৰা যথেষ্ট পুৰণি। জ্যোতিষৰ মতে সোমবাৰে গৰুক ৰুটি আৰু গুড় খুৱাব লাগে। ইয়াৰ লগে লগে ব্যক্তিজনৰ চন্দ্ৰৰ লগত জড়িত দোষবোৰ আঁতৰি যায় আৰু ব্যক্তিজনে সকলো বিপদৰ পৰা মুক্তি পায়। মনত ৰাখিব যে বাহি ৰুটি বা খাদ্য কেতিয়াও গৰুক খুৱাব নালাগে। লগতে মাছ-মাংস, জলকীয়া আৰু তেলাল বস্তু গৰুক কেতিয়াও নুখুৱাব।
• বান্দৰক গুড় , বুট আৰু কল খুৱাব
ইয়াৰ উপৰিও বান্দৰক খুৱালেও বহু উপকাৰ পোৱা যায়। জ্যোতিষৰ মতে ঘৰৰ বিবাদ আৰু অশান্তি দূৰ কৰিবলৈ প্ৰতি মঙলবাৰে বান্দৰক গুৰ, বুট আৰু কল খুৱাব লাগে। এনে কৰিলে মংগল গ্ৰহ শক্তিশালী হৈ উঠিব আৰু ব্যক্তিজনে প্ৰতিটো বেয়া ঘটনাৰ পৰা আঁতৰি থাকিব পাৰিব।
• কুকুৰক অমৱস্যাৰ দিনা ঘিউৰ সৈতে ৰুটি খুৱাব
শনিক সন্তুষ্ট কৰি শনি দোষক আঁতৰাবলৈ প্ৰতি শনিবাৰে ক’লা কুকুৰক খুৱাব লাগে বুলিও বিশ্বাস কৰা হয়। এই কাম কৰি ৰাহু, কেতু আৰু শনি সন্তুষ্ট হয় আৰু ব্যক্তিজন প্ৰতিটো ক্ষেত্ৰতে জয়ী হয়। কুকুৰক ভৈৰৱনাথৰ বাহন বুলি গণ্য কৰা হয়। অমৱস্যাৰ দিনা কুকুৰক ঘিউৰে ৰুটি খুৱালে ভাগ্য মজবুত হয়। ইয়াৰ বাহিৰেও ঘৰৰ পৰা ঋণাত্মক শক্তি আঁতৰি যায়।
