( অপূৰ্ব দাস )
যদি আপুনি নতুন বছৰত ওজন কমাব বিচাৰে, ছালখনক ডেকা কৰি ৰাখিব বিচাৰে আৰু স্বাস্থ্য বজাই ৰাখিব বিচাৰে, তেন্তে এই এটা সংকল্পই আপোনাৰ স্বাস্থ্যৰ বহু প্ৰয়োজনীয়তা পূৰণ কৰিব পাৰে।
নতুন বছৰ সমাগত আৰু নতুন বছৰৰ সংকল্পৰ বতৰও আৰম্ভ হৈছে। এনে পৰিস্থিতিত আপোনাৰ স্বাস্থ্যৰ সন্দৰ্ভতো সংকল্প লোৱাটো গুৰুত্বপূৰ্ণ।
নতুন বছৰৰ সংকল্প -
(১) পানী খাওক যঠেষ্ট পৰিমাণে ,
(২) মাদক দ্ৰব্যৰ সেৱন ত্যাগ কৰক,
(৩) সদায় ব্যয়াম বা শাৰীৰিক পৰিশ্ৰম কৰক,
(৪) ৰাতিপুৱা সূৰ্যৰ পোহৰ লওক, ইয়ে ৰোগ প্ৰতিৰোধ ক্ষমতা বৃদ্ধি কৰে,
(৫) বজাৰত উপলব্ধ ৰাসায়নিক সাৰ প্ৰয়োগ কৰা শাক-পাচলি আৰু ইউৰিয়া প্ৰয়োগ কৰা মাছ খোৱাৰ পৰা বিৰত থাকক,
(৬) নিজেও পৰিস্কাৰ হৈ থকাৰ উপৰিও পৰিৱেশ সুন্দৰকৈ ৰখাৰ দায়িত্ব পালন কৰক আৰু বায়ু প্ৰদূষণ ৰোধ কৰিবলৈ বহু গছপুলি ৰোপণ কৰি যতন ল'ব,
(৭) গাড়ী চলাই যোৱাতকৈ ওচৰৰ ঠাই বিলাকলৈ মাজে মাজে খোজ কাঢ়ি যোৱাৰ অভ্যাস কৰক,
(৮) দুখীয়া আৰু বিপদত পৰা জনক সহায় কৰক,
(৯) মাছ-মাংস প্ৰতিদিনে খাবলৈ এৰিব,
(১০) সকলোৰে লগত মিলা-প্ৰিতিৰে চলিবলৈ চেষ্টা কৰক, অসৎ কামৰ পৰা দূৰত থাকক।
এতিয়া জানো আহক পানী আমি বেছিকৈ কিয় খাব লাগে?
স্বাস্থ্য ভালে ৰাখিবলৈ আটাইতকৈ গুৰুত্বপূৰ্ণ আৰু সহজ সমাধান হ'ল পৰ্যাপ্ত পৰিমাণৰ পানী খোৱা :
আপুনি নিশ্চয় বিজ্ঞানৰ কিতাপত পঢ়িছে যে আমাৰ শৰীৰটো ৬০ শতাংশ পানীৰে গঠিত। গতিকে পানী সঠিক পৰিমাণে খালে এইবোৰ উপকাৰ হ'য় -
১/ হজম শক্তি ভাল হয়
শৰীৰত পানীৰ অভাৱ হ’লে হজম শক্তি লেহেমীয়া হয়। ইয়াৰ ফলত কোষ্ঠকাঠিন্য হ’ব পাৰে। পৰ্যাপ্ত পৰিমাণৰ পানী খালে আমাৰ শৰীৰত সঠিক হজম শক্তি বজাই ৰখাত সহায় কৰে। ফলত আমাৰ পেট সম্পূৰ্ণ পৰিষ্কাৰ হৈ থাকে আৰু কোষ্ঠকাঠিন্যৰ দৰে কোনো সমস্যা নাথাকে।
২/ ওজন নিয়ন্ত্ৰণ
যদি আপুনি অতিৰিক্ত ওজন কৰে তেন্তে প্ৰচুৰ পৰিমাণে পানী খাই থাকিব। ইয়াৰ উপকাৰ হ’ল পানী খালে পেটটো ভৰি থাকিব আৰু আমি বেছি খাদ্য নাখাম। ইয়াৰ উপৰিও পানীয়ে শৰীৰৰ বিপাকীয় ক্ৰিয়া ত্বৰান্বিত কৰে যিয়ে কেলৰি জ্বলোৱাত সহায় কৰে আৰু ওজন নিয়ন্ত্ৰণত ৰাখে।
৩/ ছালৰ স্বাস্থ্য
যদি শৰীৰত পানীৰ অভাৱ হয় তেন্তে ছালখন শুকান আৰু বয়সীয়াল দেখাবলৈ আৰম্ভ কৰে। পানী খোৱাটোৱে আমাৰ ছালখন হাইড্ৰেটেড কৰি ৰাখে আৰু ই জিলিকি উঠে। পানীয়ে ছালৰ বলিৰেখা আৰু মুখৰ পিম্পল কমোৱাতো সহায় কৰে।
৪/ শক্তিৰ উৎস
শৰীৰত পানীৰ অভাৱ হ’লে আমি ভাগৰুৱা অনুভৱ কৰো। পানী খালে শৰীৰত উপযুক্ত শক্তি প্ৰদান কৰে আৰু আমি গোটেই দিনটো সক্ৰিয় হৈ থাকোঁ। ই আমাৰ মানসিক অৱস্থাও উন্নত কৰে, যাতে আমি যিকোনো কামত ভাল প্ৰদৰ্শন কৰিব পাৰো।
৫/ মনটো অধিক শক্তিশালী হৈ উঠে
পানী খোৱাই আমাৰ মগজুলৈ পৰ্যাপ্ত পৰিমাণৰ অক্সিজেন যোগান ধৰে, যাৰ ফলত আমাৰ মন সুস্থ হয়। শৰীৰত পানীৰ অভাৱ হ’লে আমি মূৰৰ বিষ আৰু খিংখিঙীয়া হোৱাৰ দৰে সমস্যাৰ সন্মুখীন হ’ব পাৰো আৰু তাৰ পিছত কামত বাধা আহিব পাৰে।
কিমান পানী খালে উপকাৰ হয়?
সাধাৰণতে যিকোনো সুস্থ ব্যক্তিয়ে দিনটোত ৮-১০ গিলাচ পানী (২.৫ৰ পৰা ৩ লিটাৰ) খাব লাগে। কিন্তু এইটো শেষ মানদণ্ড নহয়। শেষত পানীৰ পৰিমাণো শাৰীৰিক পৰিশ্ৰম, বতৰ আৰু শৰীৰৰ প্ৰয়োজনীয়তাৰ ওপৰত নিৰ্ভৰ কৰে।
গ্ৰীষ্মকালত বা যেতিয়া আমি কঠোৰ পৰিশ্ৰম কৰি থাকোঁ তেতিয়া পানীৰ প্ৰয়োজন বেছি হ’ব পাৰে ইয়াৰ উপৰিও গৰ্ভৱতী মহিলা আৰু যিসকলে স্তনপান কৰাই আছে তেওঁলোকে অধিক পানী খোৱাৰ প্ৰয়োজন হয় কাৰণ তেওঁলোকৰ শৰীৰত পানীৰ অভাৱ হোৱাৰ আশংকা বেছি হয়।
পানী এনেদৰে খাব লাগে -
• একেবাৰতে এক দুই লিটাৰ পানী খাই দিয়া উচিত নহয়। ইয়াৰ ফলত বৃক্কৰ ক্ষতি হ'ব পাৰে।
• ৰাতিপুৱা শুই উঠিয়েই এগিলাছ বা দুগিলাছ কুহুমীয়া গৰম পানী খাব। ইয়াৰ পিছত আধা ঘণ্টা একো নোখোৱাকৈ থাকিব। ইয়াৰ ফলত এচিডিটিৰ সমস্যাও দূৰ হয়।
মনত ৰাখিব - গেছট্ৰিকৰ সমস্যাৰ পৰাই বহু ৰোগৰ সৃষ্টি হয়। গেছট্ৰিকৰ ঔষধ সেৱন কৰা কটোও ক্ষতিকাৰক, ই বৃক্ক আৰু যকৃতৰ গুৰুতৰ ক্ষতি কৰে।
• দুই ঘণ্টাৰ মূৰে মূৰে একাপ বা এগিলাছ পানী খাব পাৰে।
• ভাত খোৱাৰ পাছত পানী নখাব। ২-৩ ঘণ্টাৰ পিছত খাব লাগে। নহ'লে হজমত বিঘ্নিত হ'য়।
• এটা ভুল ধাৰণা যে পানী পিয়াহ লাগিলেহে খাব লাগে। এই ধাৰণা ভুল। পিয়াহ নালাগিলেও এগিলাছ পানী খোৱা উচিত।
পৰ্যাপ্ত পৰিমাণৰ পানী খালে এই ৬টা সমস্যাৰ পৰা হাত সাৰিব পাৰি
১/ কোষ্ঠকাঠিন্য
পানীৰ অভাৱত কোষ্ঠকাঠিন্য হ’ব পাৰে, কাৰণ পানীৰ সহায়তহে আমাৰ পাচনতন্ত্ৰই সঠিকভাৱে কাম কৰে। শৰীৰত পানীৰ অভাৱ হ’লে আপোনাৰ প্ৰস্ৰাৱ কম হৈ পৰে আৰু পেট পৰিষ্কাৰ কৰাত অসুবিধা হয়। পৰ্যাপ্ত পৰিমাণৰ পানী খালে এই সকলোবোৰ সমস্যাৰ সম্ভাৱনা কমি যায়। সাধাৰণতে শিশুৰ ক্ষেত্ৰত এই সমস্যা বেছিকৈ দেখা যায়। চাইন্স ডাইৰেক্টৰ এক প্ৰতিবেদন অনুসৰি গোটেই দিনটো পৰ্যাপ্ত পৰিমাণৰ পানী খোৱা শিশুৰ অন্ত্ৰৰ কোষ্ঠকাঠিন্যৰ সমস্যা কম হয়। এই প্ৰতিবেদনখন তিনিৰ পৰা পাঁচ বছৰ বয়সৰ শিশুৰ ওপৰত কৰা এক অধ্যয়নৰ ওপৰত ভিত্তি কৰি কৰা হৈছিল। পানী খাই থাকিলে দেহৰ বিষাক্ত পদাৰ্থ বাহিৰ হয়, ইয়াৰ ফলত শৰীৰৰ অংগ সমূহ ভালে থাকে।
২/ বৃক্কৰ পাথৰ
পানীৰ অভাৱত বৃক্কত আৱৰ্জনা জমা হোৱাৰ সম্ভাৱনা বৃদ্ধি পায়, যাৰ ফলত বৃক্কত পাথৰ হোৱাৰ দৰে ৰোগ হ’ব পাৰে। নিয়মিতভাৱে আৰু পৰ্যাপ্ত পৰিমাণে পানী খালে এই বিপদৰ পৰা হাত সাৰিব পাৰি। লেন্সেটত প্ৰকাশিত এক প্ৰতিবেদন অনুসৰি পৰ্যাপ্ত পৰিমাণৰ হাইড্ৰেচনে কেৱল বৃক্কত পাথৰ হোৱাই নহয়, বৃক্কৰ অন্যান্য সমস্যাৰ সম্ভাৱনাও হ্ৰাস কৰে।
৩/ হৃদৰোগ
পানীৰ অভাৱত তেজ ঘন হৈ পৰে, যাৰ ফলত শৰীৰত তেজৰ সোঁত লেহেমীয়া হয়। ইয়াৰ ফলত হৃদযন্ত্ৰৰ ওপৰত চাপ বৃদ্ধি হোৱাৰ লগতে হৃদৰোগ হ’ব পাৰে। পানী খোৱাৰ ফলত শৰীৰত সঠিক তেজৰ সোঁত বজাই ৰাখে আৰু হৃদযন্ত্ৰ সুস্থ কৰি ৰাখে।
ইউৰোপিয়ান ছ’চাইটি অৱ কাৰ্ডিঅ’লজিৰ এক প্ৰতিবেদনেও এই কথা নিশ্চিত কৰিছে। সংস্থাটোৰ হৈ ডাঃ নাটালিয়া ডিমিট্ৰিভাই প্ৰতিবেদনৰ তথ্যৰ বিষয়ে ব্যাখ্যা কৰাৰ সময়ত কৈছিল যে অধ্যয়নৰ ভিত্তিত আমি দেখিছো যে শৰীৰত পানী থাকিলে হৃদৰোগৰ সম্ভাৱনা হ্ৰাস পোৱাই নহয়, ইয়াৰ সম্ভাৱনাও হ্ৰাস পায় হঠাৎ হৃদযন্ত্ৰৰ বিকলতা, হাৰ্ট ষ্ট্ৰোক আদিৰ সম্ভাৱনাও কমি যায়।
৪/ মূৰৰ বিষ
শৰীৰত পানীৰ অভাৱ হ’লে মূৰৰ বিষ অতি সাধাৰণ। সম্ভৱ পানী খোৱাৰ ফলত মূৰৰ বিষ কমি যায়। এনে হয় কাৰণ পানীয়ে মগজুত অক্সিজেন যোগান ধৰে যিয়ে মূৰৰ তলৰ ৰাসায়নিক ভাৰসাম্য শুধৰায় আৰু মূৰৰ বিষৰ দৰে বিপদৰ পৰা হাত সাৰিব পাৰি।
৫/ মানসিক সমস্যা
পানীৰ অভাৱেও আপোনাৰ মানসিক স্বাস্থ্যৰ ওপৰত প্ৰভাৱ পেলায়। প্ৰায়ে কম পানী খোৱা লোকসকল খং, অস্থিৰতা আৰু মূৰ ঘূৰোৱাৰ হোৱাৰ বলি হয়।
এবট নামৰ এটা সংস্থাৰ প্ৰতিবেদন অনুসৰি দিনটোত ৫ গিলাচ বা তাতকৈ অধিক পানী খোৱা লোকৰ মানসিক সমস্যাৰ আশংকা কম।
৬/ সংক্ৰমণ
শৰীৰক dehydration কৰি ৰাখিলে ৰোগ প্ৰতিৰোধ ক্ষমতাই নিজৰ কাম সঠিকভাৱে কৰিবলৈ সক্ষম হয়। ফলত শৰীৰটো সহজে কোনো ধৰণৰ সংক্ৰমণৰ বলি নহয়।
