( অপূৰ্ব দাস )
এচিডিটি এটা বিৰক্তিদায়ক সমস্যা, যাৰ বলি আপুনিও নিশ্চয় কোনোবা এটা সময়ত বা আন এটা সময়ত হৈছে। বিভিন্ন কাৰণত পেটত অত্যধিক এচিড উৎপাদনৰ বাবে এই সমস্যাৰ সৃষ্টি হয়। এচিডিটিৰ বাবে বদহজম, পাচনতন্ত্ৰৰ সমস্যা, গেছ গঠন আদি সমস্যা হ’ব পাৰে। এচিডিটি মূলতঃ খাদ্যাভ্যাসৰ বিসংগতিৰ ফলত হোৱা সমস্যা বুলি গণ্য কৰা হয় যদিও ইয়াৰ বাবে আন বহুতো কাৰক দায়ী হ’ব পাৰে বুলি আপুনি জানেনে?
স্বাস্থ্য বিশেষজ্ঞৰ মতে, পেটত অত্যধিক এচিড উৎপাদনৰ ফলত হোৱা এচিডিটি এটা সমস্যা। এই অৱস্থাত কেতিয়াবা খাদ্যৰ নলীত এচিড ওলাই আহিবলৈ আৰম্ভ কৰে, যাৰ ফলত বুকুৰ অংশত বিষ বা জ্বলা-পোৰা অনুভৱ হ’ব পাৰে। শিশুৰ পৰা বৃদ্ধলৈকে যিকোনো বয়সৰ লোকৰ ক্ষেত্ৰত এচিডিটি হ’ব পাৰে।
চিকিৎসক আৰু পুষ্টিবিদসকলে কয় যে অস্বাস্থ্যকৰ খাদ্যাভ্যাস আৰু বেয়া খাদ্যাভ্যাসই এচিডিটিৰ প্ৰধান কাৰণ। কিন্তু ইয়াৰ বাহিৰেও কিছুমান কাৰণ আছে যিয়ে এচিডিটিৰ সৃষ্টি কৰে।
এচিডিটিৰ লক্ষণসমূহ কি কি?
এচিডিটিৰ কাৰণবোৰ জনাৰ আগতে ইয়াক কেনেকৈ চিনাক্ত কৰিব পাৰি সেই বিষয়ে বুজাটো গুৰুত্বপূৰ্ণ। পেটত থকা এচিড (গেষ্ট্ৰিক ৰস) অত্যধিক পৰিমাণে উৎপন্ন হ’বলৈ আৰম্ভ কৰিলে এচিডিটি হয়। পেটত থকা এই এচিডে খাদ্য হজম কৰাত সহায় কৰে যদিও যেতিয়া অতিৰিক্তভাৱে এচিড উৎপন্ন হয় বা পেটৰ বেৰৰ মাজেৰে ভুল পথত বিয়পিবলৈ আৰম্ভ কৰে তেতিয়া পেটত জ্বলা-পোৰা, বিষ আৰু অন্যান্য সমস্যাৰ সৃষ্টি হয়। এচিডিটিৰ সমস্যাত ভুগি থকা লোকৰ লিভাৰৰ ৰোগ, বৃক্কৰ ক্ষতি, অগ্নাশয়ৰ ক্ষতি , নাৰ্ভৰ সমস্যা আৰু শৰীৰ দুৰ্বল হৈ পৰে।
এচিডিটিৰ লক্ষণসমূহ ভিন্ন হ’ব পাৰে আৰু মৃদুৰ পৰা গুৰুতৰলৈকে হ’ব পাৰে।
• খাদ্য খোৱাৰ লগে লগে বা খালী পেটত জ্বলা-পোৰা হোৱা।
• বমি বা টেঙা বমি
• মুখত টেঙা সোৱাদ।
• পেটত গধুৰতা, বিষ আৰু পেট ফুলা আদি সমস্যা।
• ডিঙিত এচিড পোৱাৰ ফলত জ্বলা-পোৰা।
• বুকুৰ ধপধপনি, ভয় অনুভৱ কৰা।
• পেটত গেছ জমা হোৱা ইত্যাদি।
• খাদ্যাভ্যাসৰ কাৰণে এই সমস্যাৰ সৃষ্টি হয় :
এচিডিটিৰ বাবে বহুতো কাৰক দায়ী হ’ব পাৰে, ইয়াৰে খাদ্য সম্পৰ্কীয় কাৰক আটাইতকৈ প্ৰধান। অত্যধিক টেঙা আৰু ভজা খাদ্য খোৱা, অত্যধিক চাহ, কফি বা পানীয় সেৱন কৰা আদিয়েই এচিডিটিৰ প্ৰধান কাৰণ। খাদ্য খোৱাৰ লগে লগে শুই থাকিলে, সময়মতে খাদ্য নোখোৱা বা বহু সময় ভোকত থাকিলে, অত্যধিক চৰ্বিযুক্ত খাদ্য আৰু জাংক ফুড খালেও এচিডিটি হ’ব পাৰে। এৱা গাখীৰ, জলকীয়া ইত্যাদি খালেও এচিডিটিৰ সমস্যা হ'য়।
• এই কাৰণবোৰতো গুৰুত্ব দিয়ক
খাদ্যাভ্যাসৰ বিসংগতিৰ উপৰিও জীৱনশৈলী সম্পৰ্কীয় বহু কাৰকে এচিডিটিও সৃষ্টি কৰিব পাৰে। অধ্যয়নত দেখা গৈছে যে ধূমপান আৰু মদ্যপান কৰা লোকৰ বিপদ বেছি।
ইয়াৰ উপৰিও যদি আপুনি অত্যধিক মানসিক চাপ আৰু উদ্বেগত থাকে, পৰ্যাপ্ত পৰিমাণে টোপনি নাহে বা বেছি সময় খালী পেটত থাকে, তেন্তে এইবোৰ কাৰণতো আপুনি এচিডিটিৰ বলি হ’ব পাৰে।
অত্যাধিক যৌন সম্পৰ্ক স্থাপন কৰা বা অত্যাধিক হস্তুমৈথুন কৰিলে শৰীৰ গৰম হয় আৰু ইয়াৰ ফলত দেহৰ স্নায়ু তন্ত্ৰ খুব উত্তেজিত হয় আৰু অধিক গেছট্ৰিক ৰস নিৰ্গত হোৱা হ'য়। ইয়াৰ ফলত খুব ভোক লাগিব কিন্তু আপুনি এচিডিটিৰ সমস্যাৰ বলি হ'ব।
মেদবহুলতাত আক্ৰান্ত বা শাৰীৰিক ক্ৰিয়া-কলাপ কম হোৱা লোকৰ শৰীৰত এচিডিটিৰ বাহিৰেও পাচনতন্ত্ৰ আৰু আন বহুতো ৰোগ হোৱাৰ সম্ভাৱনা বৃদ্ধি পায়।
• ঔষধো ইয়াৰ কাৰণ হ’ব পাৰে
যিসকল লোকৰ প্ৰায়ে এচিডিটিৰ সমস্যা থাকে তেওঁলোকে নিশ্চিতভাৱে চিকিৎসকৰ পৰামৰ্শ ল’ব লাগে। কিছুমান ক্ষেত্ৰত ই অন্তৰ্নিহিত স্বাস্থ্যজনিত সমস্যাৰ লক্ষণো হ’ব পাৰে।
স্বাস্থ্য বিশেষজ্ঞসকলে কয় যে যিসকল লোকে দীৰ্ঘদিন ধৰি বিষনাশক ঔষধ সেৱন কৰে বা অতিৰিক্তভাৱে ষ্টেৰইড বা এন্টিবায়টিক সেৱন কৰে তেওঁলোকেও পেটৰ সমস্যা বা এচিডিটিত ভুগিবলগীয়া হয়। এনে পৰিস্থিতিত চিকিৎসকৰ পৰামৰ্শ লৈ ঔষধ সলনি কৰাই প্ৰয়োজনীয় হৈ পৰে।
• এইবোৰ খাদ্য ত্যাগ কৰক
তিতা, কেঁহা, জ্বলা, কচুৰ গুটি, ব্ৰকলি, কবি, মূলা, বিজলুৱা খাদ্য, চৰ্বি যুক্ত খাদ্য, গাহৰিৰ মাংস, এৱা গাখীৰ, তেলেতীয়া খাদ্য, কাৰ্বহাইড্ৰেট, কল ড্ৰিকছ, মদ, কল, টেঙা খাদ্য আৰু বাহিৰৰ খাদ্য ইত্যাদি।
• এনেদৰে কৰক চিকিৎসা -
ৰাতিপুৱা শুই উঠিয়েই কুহুমীয়া গৰম পানী এক-দুই গিলাছ খাব । ১ ঘণ্টা একো নোখোৱাকৈ থাকিব।
নিজকে কৰ্মত ব্যস্ত ৰাখিব। এলেহুৱা জীৱনে এনে সমস্যা বৃদ্ধি কৰে।
