By Good Assam
বৃক্কত পাথৰ হোৱাৰ ক্ষেত্ৰত কিছুমান লক্ষণ দেখা যায়, য’ত সঘনাই প্ৰস্ৰাৱ গাৰলৈ যোৱা, পেট আৰু পিঠিৰ তীব্ৰ বিষ, ভোক নলগা, জ্বৰ, প্ৰস্ৰাৱ কৰাৰ সময়ত সামান্য বিষ অনুভৱ কৰা আৰু বমি হোৱা আদি।
বৃক্কত পাথৰ হোৱাটো আজিকালি এটা সাধাৰণ ৰোগত পৰিণত হৈছে। বৃক্ক আমাৰ শৰীৰৰ এটা গুৰুত্বপূৰ্ণ অংশ, যিয়ে তেজ ফিল্টাৰ কৰে। দুৰ্বল জীৱনশৈলী আৰু ভুল খাদ্যাভ্যাসৰ বাবে বৃক্কৰ কাৰ্য্যকলাপত ব্যাঘাত জন্মে।
দীৰ্ঘদিন ধৰি খাদ্যাভ্যাস সঠিকভাৱে বজাই ৰাখিব নোৱাৰিলে বৃক্কত পাথৰ সৃষ্টি হ’বলৈ ধৰে, যাৰ বাবে বহু সময়ত পেট আৰু কঁকালত অসহ্যকৰ বিষত ভুগিবলগীয়া হয়। ইয়াৰ বাবে দৈনিক প্ৰচুৰ পৰিমাণে পানী খাব লাগে।
পাথৰ ৰোগীয়ে কিছুমান বিশেষ বস্তু সেৱন কৰিব নালাগে যিয়ে বৃক্কৰ পাথৰৰ আকাৰ আৰু বিষ বৃদ্ধি কৰে। কিডনী দুৰ্বল ৰোগীয়ে ভুলতেও কোনবোৰ বস্তু খাব নালাগে জানো আহক-
• অক্সালেট থকা বস্তুৰ পৰা আঁতৰি থাকক
বৃক্কৰ পাথৰত আক্ৰান্ত লোকসকলে বীট, বুট, পালেং শাক, আলু, কচু , গাহৰিৰ মাংস , হাঁহৰ মাংস , কবি , উৰহী , ভোল, বেঙেনা আদি খোৱাৰ পৰা বিৰত থাকিব লাগে কাৰণ ইয়াত অক্সালেটৰ পৰিমাণ বেছি থাকে, যাৰ ফলত বৃক্কৰ পাথৰৰ সমস্যা বৃদ্ধি পায়। অক্সালেটে কেলচিয়াম জমা কৰি ৰাখে আৰু প্ৰস্ৰাৱ পাৰ হ’বলৈ নিদিয়ে।
• ভিটামিন চি সমৃদ্ধ খাদ্য পৰিহাৰ কৰক
ভিটামিন চি সমৃদ্ধ খাদ্য ( টেঙা খাদ্য ) অত্যধিক সেৱন কৰিলেও বৃক্কৰ সমস্যা বৃদ্ধি হয়। সেয়েহে নিৰ্দিষ্ট পৰিমাণত খাব লাগে। কিডনী ষ্টোন ৰোগীয়ে চয়াবিন, Sapodilla ফল, মাটিমাহ, বিলাহী, কেঁচা চাউল, ৰিফাইন তেল , গাখীৰ বেছিকৈ সেৱন কৰিব নালাগে। এই সকলোবোৰে পাথৰৰ সমস্যা বৃদ্ধি কৰিব পাৰে।
• প্ৰচেছড আৰু জাংক ফুড খোৱাৰ পৰা দূৰত থাকিব
অধিক নিমখ থকা খাদ্য গ্ৰহণ কৰিলে বৃক্কত সমস্যা বৃদ্ধি হোৱাৰ সম্ভাৱনা বৃদ্ধি পায়, যাৰ বাবে বৃক্কত পাথৰ হোৱাৰ সম্ভাৱনা বৃদ্ধি পায়। পাথৰ ৰোগীক সীমিত পৰিমাণত নিমখ সেৱন কৰিবলৈ পৰামৰ্শ দিয়া হয়। এনে পৰিস্থিতিত জাংক ফুড আৰু প্ৰচেছড ফুড পৰিহাৰ কৰিব লাগে কাৰণ ইয়াত অধিক পৰিমাণৰ নিমখ আৰু তেল থাকে। যদি আপুনি কিডনীত পাথৰ গঠনৰ পৰা আঁতৰি থাকিব বিচাৰে বা পাথৰৰ আকাৰ বৃদ্ধি কৰিব নিবিচাৰে, তেন্তে খাদ্যত অত্যধিক নিমখ আৰু তেল ব্যৱহাৰ নকৰিব। ক্ৰীম বা বাৰ্থডে কেক খোৱাৰ পৰাও বিৰত থকা উচিত, কাৰণ এনে ক্ৰীম বা কেকত পিউৰিনৰ পৰিমাণ বেছি থাকে।
• caffeine অধিক ক্ষতিকাৰক
অতিৰিক্ত কেফেইন সেৱন কৰিলে সঘনাই প্ৰস্ৰাৱ কৰাৰ হেঁপাহ হয়, যাৰ ফলত শৰীৰত পানীৰ অভাৱ হ’ব পাৰে আৰু শৰীৰৰ পানীৰ মাত্ৰা কমি গ’লে বৃক্কত পাথৰ হোৱাৰ সম্ভাৱনা বাঢ়ি যায়। আনহাতে, যদি ইতিমধ্যে বৃক্কত পাথৰৰ সমস্যা আছে, তেন্তে কেফেইনযুক্ত বস্তু সেৱন নকৰিব বা সীমিত পৰিমাণে গ্ৰহণ কৰক।
• নন-ভেজ খোৱাৰ পৰা বিৰত থাকক
বৃক্কৰ সমস্যাত ভুগি থকা লোকসকলে নন-ভেজ পৰিহাৰ কৰিব লাগে কাৰণ ইয়াত প্ৰটিন আৰু কেলচিয়ামৰ পৰিমাণ বেছি থাকে, যাৰ ফলত বৃক্কত বিৰূপ প্ৰভাৱ পৰে। প্ৰটিন সমৃদ্ধ খাদ্য খোৱা লোকসকলৰ শৰীৰত পিউৰিনৰ পৰিমাণ বৃদ্ধি কৰে, যাৰ ফলত ইউৰিক এচিডৰ মাত্ৰা বৃদ্ধি পায় আৰু ফলত বৃক্কৰ পাথৰৰ আকাৰো বৃদ্ধি পায়। এনে ৰোগীয়ে বিশেষকৈ ৰঙা মাংস খোৱাৰ পৰা বিৰত থাকিব লাগে। মাংস বা মাছ খালেও সৰু মাছ আৰু ঘৰুৱা সৰু কুকুৰাৰ মাংস খাব লাগে, কাৰণ এনে সৰু মাংস বা মাচত চৰ্বিৰ পৰিমাণ কম থাকে।
