শীতকালত উপলব্ধ এবিধ ৰঙা পাচলি গাঁঠিৰ বিষৰ ঘৰুৱা উপায়, যকৃতৰ ৰোগো কমি যায়।
By Good Assam
ঠাণ্ডা বতৰত বহু ধৰণৰ স্বাস্থ্যজনিত সমস্যা বৃদ্ধি পায়। মানুহে চৰ্দি আৰু কাহৰ পৰা আৰম্ভ কৰি হাড়ৰ বিষ আৰু অনিয়ন্ত্ৰিত ৰক্তচাপৰ মাত্ৰালৈকে বহুতো প্ৰত্যাহ্বানৰ সন্মুখীন হ’ব পাৰে। এই সমস্যাবোৰৰ পৰা হাত সাৰিবলৈ আৰু আপোনাৰ দীৰ্ঘদিনীয়া স্বাস্থ্যজনিত অৱস্থা সহজে পৰিচালনা কৰিবলৈ হ’লে শীতকালত সঠিক খাদ্য গ্ৰহণ কৰাটো অতি প্ৰয়োজনীয়। শীতকালত উপলব্ধ বীটৰ দৰে শাক-পাচলি সেৱনে এনে বহু স্বাস্থ্যজনিত সমস্যাৰ পৰা নিজকে ৰক্ষা কৰাত সহায় কৰিব পাৰে। শীতকালত বীট খালে কোনবোৰ সমস্যা দূৰ হয় জানিবলৈ পঢ়িব -
• ৰোগ প্ৰতিৰোধ ক্ষমতা বৃদ্ধি কৰে
বীটত এন্টিঅক্সিডেন্ট পোৱা যায় যিয়ে আপোনাৰ ৰোগ প্ৰতিৰোধ ক্ষমতা বৃদ্ধি কৰে। ৰোগ প্ৰতিৰোধ ক্ষমতা বৃদ্ধি কৰিলে শীতকালত হোৱা ভাইৰাছজনিত ৰোগ, সংক্ৰমণ আৰু চৰ্দিৰ দৰে সমস্যাৰ পৰা সুৰক্ষা লাভ কৰিব পাৰি।
• ৰক্ত চাপৰ মাত্ৰা স্বাভাৱিক কৰি ৰাখক
শীতকালত বীট খোৱাটোও উচ্চ ৰক্তচাপ ৰোগীৰ বাবে উপকাৰী হ’ব পাৰে। উচ্চ ৰক্তচাপৰ সমস্যা থকা লোকসকলে বীটৰ ৰস খালে উপকৃত হ’ব পাৰে।
• গাঁঠিৰ বিষ
শীতকালত হাড় বা গাঁঠিৰ বিষত ভুগি থকা লোকসকলে যথেষ্ট কষ্ট পায়। গাঁঠিৰ ওচৰত ফুলা বৃদ্ধিৰ বাবেও গাঁঠিৰ বিষ হ'ব পাৰে । কিন্তু, যদি আপুনি বীটৰ ৰস খায় তেন্তে ই আপোনাক গাঁঠিৰ বিষৰ পৰা সকাহ দিব পাৰে।
• লিভাৰ পৰিস্কাৰ কৰে
পুষ্টিকৰ উপাদানৰে সমৃদ্ধ বীটৰ ৰস সেৱন কৰিলেও যকৃতৰ ৰোগৰ সম্ভাৱনা কম হয়। একে সময়তে বীটৰ পুষ্টিকৰ উপাদানে যকৃতত জমা হোৱা মলি পৰিষ্কাৰ কৰাতও উপযোগী ।
সাৱধানতা: ডায়েবেটিচ ৰোগীয়ে ইয়াক খালে তেজত চেনিৰ পৰিমাণ বাঢ়িব পাৰে।
