( অপূৰ্ব দাস )
মাইগ্ৰেইনৰ বিষৰ পৰা সকাহ পাবলৈ আপুনি কিছুমান ঘৰুৱা প্ৰতিকাৰৰ সহায় ল’ব পাৰে। আহক, ইয়াৰ বিষয়ে বিতংভাৱে জনাও-
আজিৰ ব্যস্ত দৈনন্দিন জীৱনত মূৰৰ বিষ এটা সাধাৰণ কথা। কিন্তু মূৰৰ বিষ থাকিলে মাইগ্ৰেইনও হ’ব পাৰে। মূৰৰ এটা বা দুয়োফালে মাইগ্ৰেইনৰ বিষ হ’ব পাৰে, যিটো ডাঙৰ শব্দ বা পোহৰৰ লগে লগে বৃদ্ধি পাব পাৰে। ইয়াৰ উপৰিও অস্থিৰতা, মূৰ ঘূৰোৱা, বমিৰ দৰে সমস্যাও হ’ব পাৰে। বহুতে মাইগ্ৰেইনৰ বিষৰ পৰা সকাহ পাবলৈ পেইন কিলাৰৰ আশ্ৰয় লয়। কিন্তু এই ঔষধবোৰৰ অত্যধিক সেৱনে স্বাস্থ্যৰ বাবে ক্ষতিকাৰক হ’ব পাৰে। এনে পৰিস্থিতিত মাইগ্ৰেইনৰ সমস্যাৰ পৰা পৰিত্ৰাণ পাবলৈ কিছুমান ঘৰুৱা উপায়ৰ সহায় ল’ব পাৰে। আজি এই লেখাটোত আপোনালোকক কিছুমান ঘৰুৱা উপায়ৰ বিষয়ে জনাইছো যিয়ে মাইগ্ৰেইনৰ বিষৰ পৰা সকাহ দিব পাৰে। আহক, ইয়াৰ বিষয়ে বিতংভাৱে জনাও –
• গৰুৰ ঘিউ
মাইগ্ৰেইনৰ পৰা সকাহ পাবলৈ গৰুৰ ঘিউ ব্যৱহাৰ কৰিব পাৰে। শৰীৰ আৰু মনৰ অতিৰিক্ত পিত্তৰ ভাৰসাম্য ৰক্ষা কৰাত সহায় কৰে। ইয়াৰ বাবে ২-৩ টোপাল গৰুৰ ঘিউ নাকত দিব। ইয়াৰ ফলত মূৰৰ বিষ আৰু মানসিক চাপৰ পৰা সকাহ পাব পাৰে। ইয়াৰ উপৰিও ভাল টোপনি অহাতো সহায় কৰিব।
• আদা
আদাত এন্টি-ইনফ্লেমেটৰী গুণ আছে, যিয়ে মাইগ্ৰেইনৰ বিষ কমোৱাত সহায় কৰিব পাৰে। ইয়াৰ বাবে আপুনি আদাৰ চাহ খাব পাৰে। ইয়াৰ ফলত মূৰৰ বিষৰ পৰা বহুখিনি সকাহ পাব পাৰে। ইয়াৰ উপৰিও গেছ আৰু বমিৰ পৰাও সকাহ পাব পাৰি।
• পদিনা
মাইগ্ৰেইনৰ পৰা সকাহ দিয়াত পদিনা ফলপ্ৰসূ বুলি প্ৰমাণিত । আচলতে ইয়াত মেন্থল পোৱা যায়, যিয়ে মূৰটো ঠাণ্ডা কৰে আৰু মূৰৰ বিষ কমোৱাত সহায় কৰে । মাইগ্ৰেইন হ’লে কপালত পদিনা তেল লগাই লাহে লাহে মালিচ কৰিব লাগে। ইয়াৰ ফলত আপুনি সোনকালে সকাহ পাব পাৰে।
• আপেল চাইডাৰ ভিনেগাৰ
মাইগ্ৰেইনৰ বিষ হ্ৰাস কৰাত আপেল চাইডাৰ ভিনেগাৰ ফলপ্ৰসূ বুলি প্ৰমাণিত । ই শৰীৰৰ পি এইচ লেভেলৰ ভাৰসাম্য ৰক্ষা কৰে আৰু বিষৰ পৰা উপশম পোৱাত সহায় কৰিব পাৰে। ইয়াৰ বাবে এগিলাচ পানীত এচামুচ আপেল ভিনেগাৰ মিহলাই খাব লাগে। ইয়াৰ নিয়মীয়া সেৱনে স্বাস্থ্যৰ বহু উপকাৰ সাধন কৰিব পাৰে।
• নেমুৰ বাকলি
মাইগ্ৰেইনৰ বিষৰ পৰা উপশম পাবলৈ নেমুৰ বাকলি ব্যৱহাৰ কৰিব পাৰে। ইয়াৰ বাবে নেমুৰ বাকলিৰ পেষ্ট বনাই লওক। এতিয়া এই পেষ্টটো কপালত লগাওক। নেমুৰ গোন্ধে ইন্দ্ৰিয়ক শান্ত কৰাত সহায় কৰে আৰু মূৰৰ বিষৰ পৰা সকাহ দিব পাৰে।
• মালিচ
মূৰৰ বিষ হ'লে শব্দ নোহোৱা স্থানত গৈ শুব লাগে আৰু মূৰটো মালিচ কৰিবলৈ দিব লাগে। ইয়াৰ ফলত সম্পূৰ্ণ বিষ আঁতৰি যায়।
