( Apurba Das )
আপুনি স্পাইৰুলিনাৰ কথা প্ৰায়েই শুনা নাই, কাৰণ আপুনি যদি এই বিষয়ে জানিলেহেঁতেন তেন্তে এতিয়ালৈকে আপুনি ইয়াক খাবলৈ আৰম্ভ কৰিলেহেঁতেন। স্পাইৰুলিনা এক প্ৰকাৰৰ শেলাই আৰু ই নদী, হ্ৰদ আৰু লৱণীয় জলভাগৰ পাৰত গজে। আয়ুৰ্বেদত ইয়াৰ অতি গুৰুত্বপূৰ্ণ স্থান আছে। এই কাৰণেই বহু ৰোগৰ বাবে আয়ুৰ্বেদৰ ঔষধতো স্পাইৰুলিনা ব্যৱহাৰ কৰা হয়। স্পাইৰুলিনাৰ আটাইতকৈ বিশেষ কথাটো হ’ল ইয়াত কণীতকৈ বহুগুণ বেছি প্ৰ’টিন থাকে, যিয়ে শৰীৰক শক্তিশালী কৰাত সহায় কৰে। আজি এই লেখাটোত আপোনালোকক স্পাইৰুলিনাৰ উপকাৰিতাৰ বিষয়ে বিতংভাৱে জনাম।
পুষ্টি সমৃদ্ধ Spirulina :
স্পাইৰুলিনাত ১৮০০ৰো অধিক খনিজ পদাৰ্থ আৰু ভিটামিন থাকে। ইয়াৰ উপৰিও ইয়াত আইৰণ কেৰটিন, ভিটামিন এ, কেলচিয়াম আৰু এন্টি অক্সিডেন্ট থাকে। এই কাৰণেই স্পাইৰুলিনা ছুপাৰ ফুডৰ ভিতৰত গণ্য কৰা হয়। কণীত ৬ৰ পৰা ৭ গ্ৰাম প্ৰটিন থকাৰ বিপৰীতে স্পাইৰুলিনাত ৬০ৰ পৰা ৭০ গ্ৰাম প্ৰটিন থাকে। ইয়াৰ লগতে ইয়াত থকা এমিনো এচিড শৰীৰৰ বাবে অতি উপকাৰী।
সাধাৰণতে স্পাইৰুলিনাক প্ৰথমে খেতি কৰি, চপাই ভালদৰে শুকুৱাই লোৱা হয়। ইয়াৰ পিছত ইয়াৰ গুড়ি তৈয়াৰ কৰা হয়। একে সময়তে এতিয়া ইয়াৰ টেবলেট অনলাইন বজাৰতো উপলব্ধ।
ইয়াক খালে মাছ, মাংস, কণী খোৱাৰ প্ৰয়োজন নাই।
Spirulina ৰ উপকাৰীতা :
স্পাইৰুলিনা বহুতো প্ৰচণ্ড উপকাৰ আছে। ইয়াত শীৰ্ষ পাঁচটা গুণৰ বিষয়ে বিতংভাৱে জনোৱা হ'ল -
ডায়েবেটিছ ৰোগীৰ বাবে এক উত্তম ঔষধ :
ডায়েবেটিছ ৰোগীৰ বাবে স্পাইৰুলিনা অতি উপকাৰী। ইয়াৰ সেৱনৰ দ্বাৰা ৰক্তশৰ্কৰা আৰু ৰক্তচাপ দুয়োটা সহজেই নিয়ন্ত্ৰণ কৰিব পৰা যায়। ইয়াৰ লগতে শৰীৰ ফুলাৰ সমস্যাও শেষ হৈ যায়।
ওজন হ্ৰাস কৰাত সহায়ক :
মানুহে ওজন কমোৱাৰ বাবে Spirulina সেৱন কৰে। ইয়াত থকা বিটা কেৰটিন, ক্ল’ৰ’ফিল আৰু ফেটি এচিডে অতিৰিক্ত চৰ্বি কমাবলৈ কাম কৰে। যদি আপুনিও মেদবহুলতাৰ সমস্যাৰ সৈতে যুঁজি আছে, তেন্তে আপুনি ইয়াক গ্ৰহণ কৰিব পাৰে।
জিলিকি থকা ছাল :
যদি আপুনি আপোনাৰ ছালত গ্লো আনিব বিচাৰে, তেন্তে স্পাইৰুলিনা আপোনাৰ বাবে অতি উপকাৰী । স্পাইৰুলিনাত থকা আইৰণ, ভিটামিন এ আৰু ভিটামিন বি ১২ এ ছাললৈ গ্লো অনাত সহায় কৰে। এইটো সেৱন কৰিলে আপুনি দীৰ্ঘদিনলৈ ডেকা হৈ থাকিব।
কেন্সাৰ হোৱাৰ সম্ভাৱনা কমি যায় :
নিয়মিতভাৱে Spirulina সেৱন কৰিলে কেন্সাৰৰ সম্ভাৱনা হ্ৰাস পায়। ই শৰীৰত থকা ফ্ৰী ৰেডিকেলবোৰ নাইকিয়া কৰে। স্পাইৰুলিনাত থকা এন্টিঅক্সিডেন্ট গুণে শৰীৰক সুস্থ কৰি তোলাত সহায় কৰে।
চুলিৰ বাবে অতি উপকাৰী :
চুলিৰ বাবে স্পাইৰুলিনা অতি উপকাৰী। চুলিৰ লগত জড়িত সমস্যা যেনে পাতল চুলি, চুলি সৰা আৰু চুলি পকা আদিতো ইয়াক ব্যৱহাৰ কৰা হয়। ইয়াত থকা এমিনো এচিড, ফেটি এচিড আৰু ভিটামিন A য়ে চুলিক সুস্থ কৰি ৰখাত সহায় কৰে।
