( অপূৰ্ব দাস )
ভাৰতীয় খাদ্যৰ এক গুৰুত্বপূৰ্ণ অংশ হিচাপে দেশৰ বিভিন্ন ৰাজ্যত ভাত বিভিন্ন ধৰণে খোৱা হয়। কিন্তু ভাত খোৱাৰ সন্দৰ্ভত মানুহে বিশ্বাস কৰে যে ইয়াক খালে ওজন বৃদ্ধি পায় আৰু শোকত হয়। মেদবহুলতা কম কৰিবলৈ বা ওজন নিয়ন্ত্ৰণ কৰিবলৈ মানুহে প্ৰায়ে ভাত খোৱা বন্ধ কৰি দিয়ে।
এনে পৰিস্থিতিত প্ৰশ্ন উত্থাপন হয় যে ভাত সেৱনে সঁচাকৈয়ে মেদবহুলতা বৃদ্ধি কৰে নেকি? ইয়াৰ বাহিৰেও আমাৰ স্বাস্থ্যৰ ওপৰত চাউলে কি প্ৰভাৱ পেলাব পাৰে? ইয়াৰ সেৱন উপকাৰী নে ক্ষতিকাৰক? যদি আপুনিও ভাত নাখায় বা ওজন কমাবলৈ কম খায়, তেন্তে ভাত সেৱনৰ লগত জড়িত শুদ্ধ তথ্য এই লেখাত দিয়া হৈছে।
ভাত খালে শোকত হৈ ওজন বৃদ্ধি পায় নেকি?
ভাতত প্ৰধানকৈ কাৰ্বহাইড্ৰেট থাকে, যিবোৰ শক্তিৰ প্ৰধান উৎস। বগা চাউলত কাৰ্বহাইড্ৰেট বেছি আৰু আঁহ কম থাকে । গতিকে বগা চাউল বেছিকৈ সেৱন কৰিলে ওজন বাঢ়ে, শোকত হ'য়। বিশেষকৈ যদি আপুনি আৰাম জীৱনশৈলী কটায় ।
কিন্তু এইটো মন কৰিবলগীয়া যে ভাত নিজেই ওজন বৃদ্ধি নহয়, বৰঞ্চ আপুনি ইয়াক খোৱাৰ পৰিমাণ আৰু পদ্ধতিৰ ওপৰত নিৰ্ভৰ কৰে। বিশেষজ্ঞসকলৰ মতে কম পৰিমাণত উহোৱা চাউল সেৱন কৰিলে ওজন বৃদ্ধি নহয়। ইয়াৰ ফলত শৰীৰত চৰ্বিৰ পৰিমাণ বৃদ্ধি নহয়।
ভাত খোৱাৰ সঠিক উপায় :
বগা চাউলতকৈ ব্ৰাউন ৰাইচত আঁহ, ভিটামিন আৰু মিনাৰেল বেছি থাকে। ই লাহে লাহে হজম হয়, যাৰ ফলত দীৰ্ঘ সময়লৈকে ভোক নালাগে আৰু ওজন নিয়ন্ত্ৰণত সহায় কৰে। সদায় ধান উহোৱাই ৰ'দত মেলি কৰা চাউল হে স্বাস্থ্যৰ বাবে উপকাৰী। আগৰ দিনত মানুহে এনেদৰে ধান উহোৱাই ৰ'দত মেলি কৰা চাউলৰ ভাত খাইছিল কাৰণে কোনো ধৰণৰ হাইপ্ৰেছাৰ বা ডায়েবেটিছ ৰোগ দেখা নগৈছিল।
আজিৰ আধুনিক যুগত ধানত ৰাসায়নিক সাৰ প্ৰয়োগৰ বাবেও স্বাস্থ্যৰ কাৰণে ভাবুকিৰ সৃষ্টি কৰিছে। এনে ৰাসায়নিক সাৰ প্ৰয়োগ কৰা ধান, মাছ, শাক-পাচলি আদি খোৱাৰ ফলতেই ডায়েবেটিচ , কেন্সাৰ, লিভাৰৰ ৰোগ, বৃক্কৰ ৰোগ, ষ্টোন আদি হোৱা দেখা গৈছে।
ৰাসায়নিক সাৰ প্ৰয়োগ কৰা ধান উহোৱাই ৰ'দত মেলি চাউল প্ৰস্তুত কৰিলে বহু পৰিমাণৰ কাৰ্বহাইড্ৰেটৰ লগতে ৰাসায়নিক সাৰৰ কূ প্ৰভাৱো আঁতৰে।
বজাৰৰ শাক-পাচলি কিনোতেও সাৱধান হওঁক। বেছি ডাঙৰ লহ-পোহীয়া পাচলি নিকিনিব। এনে শাক-পাচলিত ৰাসায়নিক সাৰ প্ৰয়োগ কৰে।
বজাৰৰ পৰা কিনি অনা শাক-পাচলি খোৱাৰ আগতে নিমখ পানীত আধাঘণ্টা তিয়াই থʼব লাগে। ইয়াৰ পিছত ভালদৰে ধুই ৰান্ধি খাব লাগে।
চাউলৰ পৰিমাণ :
উহোৱা চাউলৰ ভাত একেবাৰে কম পৰিমাণত সেৱন কৰিব লাগে। এজন স্বাভাৱিক প্ৰাপ্তবয়স্কৰ বাবে এবাৰত ১ৰ পৰা ১.৫ বাটি উহোৱা চাউলৰ ভাত খালেই যথেষ্ট। ভাতৰ সলনি ৰাসায়নিক সাৰ প্ৰয়োগ নকৰা শাক-পাচলি বেছিকৈ খোৱা উচিত।
