( অপূৰ্ব দাস )
গ্ৰীষ্মকালত মুখখন পৰিষ্কাৰ কৰাৰ পিছত কিছুমান বস্তু ছালত লগাব নালাগে কাৰণ ইয়াৰ ফলত ছালৰ সংক্ৰমণ বৃদ্ধি পাব পাৰে। মুখ ধোৱাৰ লগত জড়িত এনে কিছুমান গুৰুত্বপূৰ্ণ কথা জানিবলৈ পঢ়িব -
গ্ৰীষ্মকালত মুখ ধোৱাৰ পিছত কি প্ৰয়োগ কৰিব নালাগে?
গ্ৰীষ্মকালত ফেচ ৱাছ কৰাৰ পিছত হোৱা ভুল:
গৰমৰ দিনত ছালখন সুস্থ আৰু পৰিষ্কাৰ কৰি ৰাখিবলৈ ফেচ ৱাশ্ব আৰু পানীৰে সঘনাই মুখখন পৰিষ্কাৰ কৰাটো ভাল। একেদৰে মুখত বিভিন্ন ধৰণৰ ফেচ পেক লগাই ছালৰ টেক্সচাৰ বজাই ৰখাত সহায় কৰে। কিন্তু, গ্ৰীষ্মকালত আপোনাৰ এটা ভুলে আপোনাৰ সকলো কষ্ট নষ্ট কৰিব পাৰে। ধুই লোৱাৰ পিছত মুখত ভুল বস্তু লগাই দিয়া। ফেচ ৱাছ কৰাৰ পিছত যদি মুখত কোনো ভুল বস্তু লগায় তেন্তে ই আপোনাৰ ছালৰ সমস্যা বৃদ্ধি কৰিব পাৰে। গ্ৰীষ্মকালত মুখত কি কি প্ৰয়োগ কৰিব নালাগে জানো আহক -
(১) কল্ড ক্ৰীম বা তেলেতীয়া ক্ৰীম লগোৱা
শীতকালত ছালৰ পুষ্টিৰ বাবে কল্ড ক্ৰীম বা তেলেতীয়া ক্ৰীম প্ৰয়োগ কৰাটো উপকাৰী, অৱশ্যে গ্ৰীষ্মকালত এনে ক্ৰীম সামান্য পৰিমাণেও প্ৰয়োগ কৰিলে ছালখন আঠাযুক্ত হৈ পৰে। ইয়াৰ ফলত ছালত ব্ৰণ-পিম্পল বৃদ্ধি পাব পাৰে আৰু ৰʼদলৈ গ'লে ছাল সোনকালে ক'লা পৰে।
(২) গধুৰ মেকআপ প্ৰয়োগ কৰা
মুখখন চাফা কৰাৰ পিছত লগে লগে ছালত গধুৰ মেকআপ লগাব নালাগে। ইয়াৰ ফলত ছালৰ ছিদ্ৰবোৰ বন্ধ হৈ যাব পাৰে, যাৰ ফলত পিম্পলছৰ সমস্যা বৃদ্ধি পাব পাৰে। গতিকে প্ৰথমে মইশ্ব’ৰাইজাৰেৰে ছালখনক পুষ্টি প্ৰদান কৰক আৰু ১০ মিনিট পিছত ছালখন কোমল হোৱাৰ পিছতহে মেকআপ কৰিব লাগে।
(৩) প্ৰথমে ছালত ছানস্ক্ৰীণ লগাব নালাগে
গ্ৰীষ্মকালত ছানস্ক্ৰীণ প্ৰয়োগ কৰাটো গুৰুত্বপূৰ্ণ কিন্তু, মুখখন ধোৱাৰ লগে লগে ছানস্ক্ৰীণ প্ৰয়োগ কৰিলে ছালৰ ক্ষতি হ’ব পাৰে। ইয়াৰ ফলত ছালখন শুকান আৰু উজ্জ্বলতা নাশ হোৱা হ'ব পাৰে। গতিকে প্ৰথমে ছালত মইশ্ব’ৰাইজাৰ লগাই তাৰ পিছত ছানস্ক্ৰীণ লগাব লাগে।
(৪) সৰিয়হৰ তেল
কিছুমান মানুহে সৰিয়হৰ তেলেৰে ছালখন মালিচ কৰি ভাল পায়। কিন্তু, গ্ৰীষ্মকালত সৰিয়হৰ তেলে ছালখন মালিচ কৰিলে ছালৰ ছিদ্ৰবোৰ বন্ধ হৈ যাব পাৰে। যাৰ ফলত ঘামচি শালমইন আদি হ'য়।
(৫) অলিভ অইল
ছালখন কোমল আৰু সুস্থ কৰি ৰাখিবলৈ যদি আপুনি মুখত অলিভ অইল প্ৰয়োগ কৰে তেন্তে ই আপোনাৰ ছালৰ ক্ষতি কৰিব পাৰে। অলিভ অইল গধুৰ যি ছালত শোষিত নহয় আৰু ছালৰ সমস্যা বাঢ়িবলৈ আৰম্ভ কৰে। দেহৰ ছালত লগাব পাৰে। কিন্তু অতিপাত গৰমত ব্যৱহাৰ নকৰিব। দেহৰ ছালত নাৰিকল তেলত গোলাপ জল মিহলাই লগাব লাগে।
