By Good Assam
ভাৰত চৰকাৰৰ অপাৰেচন সেন্দুৰৰ বাবেই পাকিস্তানত আতংকৰ সৃষ্টি হৈছে। এতিয়া পাকিস্তানে ভাৰতৰ ওপৰত চাইবাৰ আক্ৰমণ বৃদ্ধি কৰিব পাৰে। ইয়াৰ পৰিপ্ৰেক্ষিতত ভাৰত চৰকাৰে পাকিস্তানৰ বিৰুদ্ধে ব্যৱস্থা গ্ৰহণৰ মাজতে এক পৰামৰ্শ জাৰি কৰিছিল, য’ত মানুহ আৰু প্ৰতিষ্ঠানসমূহক সম্ভাৱ্য চাইবাৰ আক্ৰমণৰ পৰা সাৱধান হ’বলৈ কোৱা হৈছিল।
চাইবাৰ আক্ৰমণে অনলাইনত কাম কৰা লোকসকলক প্ৰত্যক্ষভাৱে প্ৰভাৱিত কৰে। চাইবাৰ আক্ৰমণত ডাটা চুৰি কৰাৰ পৰা আৰম্ভ কৰি ভাইৰাছ সোমোৱাই ডিভাইচ নষ্ট কৰালৈকে। ইয়াত আমি আপোনাক ৫টা পইণ্টত ক’ম যে আপুনি কেনেকৈ আপোনাৰ ডিভাইচৰ সুৰক্ষা বৃদ্ধি কৰিব পাৰে আৰু অনলাইন হৈ থকাৰ সময়তো সুৰক্ষিত থাকিব পাৰে।
( ১) আজিয়েই সকলো একাউণ্টৰ শক্তিশালী পাছৱৰ্ড সৃষ্টি কৰক
ইণ্টাৰনেটত আপোনাৰ সুৰক্ষা বৃদ্ধিৰ প্ৰথম পদক্ষেপ হ'ল আপোনাৰ অনলাইন একাউণ্টৰ বাবে শক্তিশালী পাছৱৰ্ড ছেট কৰা। দুৰ্বল পাছৱৰ্ড হেকাৰে অনুমান কৰাটো সহজ। গতিকে এনে এটা পাছৱৰ্ড তৈয়াৰ কৰিব লাগে যাতে ইয়াক ক্ৰেক কৰিবলৈ চেষ্টা কৰি থাকোঁতে হেকাৰৰ ঘামচি ওলায়। সদায় এটা পাছৱৰ্ড ছেট কৰক য'ত A-Z ৰ দৰে ডাঙৰ আখৰ, a-z ৰ দৰে সৰু আখৰ, 0-9 ৰ দৰে সংখ্যা আৰু @, #, $, ৰ দৰে বিশেষ আখৰ থাকে ।
যদি আপুনি আপোনাৰ ছ'চিয়েল মিডিয়া, জিমেইল বা কোনো অনলাইন একাউণ্টৰ পাছৱৰ্ড বহুদিন সলনি কৰা নাই, তেন্তে ইয়াক আপডেট কৰক। এই এটা কথা মনত ৰাখিলে আপুনি বেছিভাগ চাইবাৰ আক্ৰমণৰ পৰা সুৰক্ষিত হৈ থাকিব পাৰিব।
(২) অজ্ঞাত লিংকত ক্লিক নকৰিব
হেকাৰে আপোনাক বাৰ্তা বা ইমেইলৰ জৰিয়তে অজ্ঞাত লিংক প্ৰেৰণ কৰি সহজেই তেওঁলোকৰ নেটত আৱদ্ধ কৰি ৰাখে। অজ্ঞাত লিংকত ভাইৰাছ থাকিব পাৰে যিবোৰ খোলাৰ সময়ত আপোনাৰ কম্পিউটাৰ বা স্মাৰ্টফোনৰ নিয়ন্ত্ৰণ হেকাৰক দিব পাৰে। যদি আপুনি কোনো বাৰ্তা পায় যিটো আপুনি সন্দেহ কৰে, তেন্তে সেইটো খুলিবলৈ চেষ্টা নকৰিব। যদি আপুনি এনে কোনো বাৰ্তা বা লিংক পায়, তেন্তে অনুগ্ৰহ কৰি চাইবাৰ চেল হেল্পলাইন ১৯৩০ক জনাওক। WhatsApp, Gmail, Facebook MSG আদিৰ পৰা সাৱধান হ'ব।
(৩) চফট্ ৱেৰ আৰু এপসমূহ আপডেট কৰক।
আপুনি সদায় আপোনাৰ ফোন বা কমপিউটাৰৰ ফাৰ্মৱেৰ আপডেট কৰি ৰাখিব লাগে। শেহতীয়া আপডেটত ভাইৰাছ আৰু হেকিঙৰ পৰা সুৰক্ষাৰ বাবে সুৰক্ষা পেচ প্ৰদান কৰা হৈছে। এই আপডেটবোৰ সময়ে সময়ে ইনষ্টল কৰিব লাগে। ডিভাইচটো দীৰ্ঘদিন আপডেট কৰি নাৰাখিলে ইয়াৰ সুৰক্ষা হ্ৰাস পায়। চাইবাৰ অপৰাধীয়ে আপোনাৰ ফোনটোৰ পুৰণি বাগ আৰু সুৰক্ষাৰ ব্যৱধানৰ সুবিধা লৈ আপোনাৰ ফোনত প্ৰৱেশ কৰিব পাৰে। আপোনাৰ মোবাইল এপ্লিকেচন বোৰো আপডেট কৰক।
(৪) ৰাজহুৱা ৱাই-ফাইৰ পৰা আঁতৰি থাকক
কেফে, মল বা দোকানত উপলব্ধ ৰাজহুৱা ৱাই-ফাই প্ৰায়ে হেকাৰৰ ৰাডাৰৰ তলত থাকে। তেনে ঠাইলৈ গ’লে ৰাজহুৱা ৱাই-ফাই ব্যৱহাৰ কৰাটো পৰিহাৰ কৰক। যদি কোনো গুৰুত্বপূৰ্ণ কামৰ বাবে ৰাজহুৱা ৱাই-ফাই ব্যৱহাৰ কৰিবলগীয়া হয়, তেন্তে ফাণ্ড ট্ৰেন্সফাৰ, বেংকিং আদিৰ দৰে স্পৰ্শকাতৰ কাম নকৰিব।
(৫) Two Factors Varification - দুটা-কাৰক প্ৰমাণীকৰণ অন কৰি ৰাখক
দুটা-কাৰক প্ৰমাণীকৰণে আপোনাৰ একাউণ্টলৈ দুটা সুৰক্ষা স্তৰ প্ৰদান কৰে। হেকাৰে আপোনাৰ পাছৱৰ্ড জানিলেও তেওঁক আৰু আগবাঢ়ি যাবলৈ একাউণ্টৰ সৈতে সংযুক্ত হ'বলৈ - ফোন নম্বৰ বা ইমেইলত পোৱা অ’টিপিৰ প্ৰয়োজন হ’ব। ইয়াৰ অবিহনে আপোনাৰ একাউণ্টত লগ ইন কৰাটো অসম্ভৱ। ইয়াৰ ফলত যিকোনো চাইবাৰ আক্ৰমণৰ সৈতে মোকাবিলা কৰিবলৈ আপোনাৰ সুৰক্ষা বৃদ্ধি পায়।
