( অপূৰ্ব দাস )
গ্ৰীষ্মকালীন চকুৰ যত্ন লোৱা অতি আৱশ্যক। প্ৰযুক্তিয়ে জীৱনটো সহজ কৰি তুলিছে যদিও অত্যধিক সময় মʼবাইল , কম্পিউটাৰ চোৱাৰ ফলত আৰু পৰিৱেশ প্ৰদূষণে আমাৰ চকুৰ স্বাস্থ্যৰ প্ৰতি গুৰুতৰ ভাবুকি কঢ়িয়াই আনিছে। বিশেষকৈ গ্ৰীষ্মকালত কিছুমান সমস্যাই অধিক আমনি কৰিবলৈ আৰম্ভ কৰে।
২০২১ চনৰ বিশ্ব স্বাস্থ্য সংস্থাৰ প্ৰতিবেদনত দেখা গৈছে যে ভাৰতত প্ৰায় ৪ কোটি লোক অন্ধ আৰু ২০ কোটিৰো অধিক লোক চকুৰ সমস্যাৰ সন্মুখীন হৈছে।
এই আতংকজনক পৰিসংখ্যাৰ প্ৰতি লক্ষ্য ৰাখি এতিয়া চকুৰ স্বাস্থ্যসেৱা এক প্ৰাথমিক প্ৰয়োজনীয়তা হৈ পৰিছে। বৈজ্ঞানিক প্ৰমাণ আৰু গৱেষণাৰ ভিত্তিত জানিব পাৰোঁ যে কোনবোৰ ব্যৱস্থাই দীৰ্ঘদিন ধৰি চকুৰ দৃষ্টিশক্তি সুৰক্ষিত কৰাত সহায় কৰিব পাৰে...
দৃষ্টিশক্তি দুৰ্বল হোৱাৰ লক্ষণ
(১) দৃষ্টিশক্তি অস্পষ্ট বা ধোৱা ধোৱা দেখা
(২) চকু ৰঙা পৰা বা পানী বৈ থকা
(৩) চকু জ্বলা, শুকান, ৰঙা পৰা
(৪) চকু ফুলি বা উখহি উঠা
(৫) মূৰৰ বিষ আৰু ভাগৰুৱা অনুভৱ কৰা
(৬) মোবাই বা দৃষ্টি দি চালে চকুৰ বিষ ইত্যাদি।
নেশ্যনেল আই ইনষ্টিটিউট (এন ই আই)ৰ তথ্য অনুসৰি এই লক্ষণসমূহ আগতীয়াকৈ সতৰ্কবাণী হিচাপে ল’ব লাগে আৰু সময়মতে উপযুক্ত পদক্ষেপ গ্ৰহণ কৰিব লাগে।
চকু সুস্থ কৰি ৰখাৰ প্ৰয়োজনীয় পদক্ষেপ :
(১) পুষ্টিকৰ খাদ্য অনুসৰণ কৰক:
আৰ্কাইভছ অৱ অফথালম’লজীত প্ৰকাশিত এক অধ্যয়ন অনুসৰি যিসকল লোকে নিয়মিতভাৱে খাদ্যত ওমেগা-৩ ফেটি এচিড, ভিটামিন এ, চি, ই, জিংক আদি অন্তৰ্ভুক্ত কৰে, তেওঁলোকৰ চকুৰ ছানি পৰা আৰু বয়সৰ লগত জড়িত চকুৰ ৰোগ হোৱাৰ সম্ভাৱনা ২৫% কম হয় । গতিকে গ্ৰীষ্মকালত আঙ্গুৰ, নেমু , ব্ৰকলি, বিলাহী, ৰঙালাউৰ গুটি আৰু বাদাম সেৱন কৰিলে চকুৰ স্বাস্থ্যৰ বাবে অত্যন্ত উপকাৰী।
(২) মোবাইল বা কম্পিউটাৰ চোৱাৰ সময় কম কৰক
আমেৰিকান অপ্টোমেট্ৰিক এছ’চিয়েচনে ৰিপ’ৰ্ট কৰিছে যে কম্পিউটাৰ, মোবাইল ভিজন চিনড্ৰম (CVS) এটা সাধাৰণ সমস্যাত পৰিণত হৈছে যিয়ে চকুৰ ক্লান্তি, বিৰক্তি, আৰু দৃষ্টিশক্তি ম্লান কৰি তোলে।
প্ৰতি ২০ মিনিটৰ মূৰে মূৰে ২০ ফুট দূৰলৈ ২০ ছেকেণ্ডৰ বাবে চাওক। এই ব্যায়ামে চকুৰ শীৰত অক্সিজেন যোগন ধৰে।
ইয়াৰ উপৰিও ডিজিটেল পৰ্দাৰ নীলা পোহৰৰ পৰা ৰক্ষা পাবলৈ বিশেষ চশমা ব্যৱহাৰ কৰক।
(২) পৰ্যাপ্ত পৰিমাণে পানী খাব লাগে
হাইড্ৰেচনৰ অভাৱত চকুৰ শুকানতা বৃদ্ধি পায়, যাৰ ফলত চকুৰ দৃষ্টিশক্তি বেয়া হ’ব পাৰে। নেচনেল ইনষ্টিটিউট অৱ হেল্থ (NIH)ৰ গাইডলাইন অনুসৰি প্ৰতিদিনে কমেও ২ৰ পৰা ৩ লিটাৰ পানী সেৱন কৰিলে চকুৰ আৰ্দ্ৰতা অটুট সঠিক পোহৰ নিশ্চিত কৰক- কম পোহৰত পৰ্দাত অধ্যয়ন বা কাম কৰিলে চকুত অতিৰিক্ত টান পৰে। অধ্যয়ন অনুসৰি সঠিক পোহৰে চকুৰ টান ৩০% পৰ্যন্ত হ্ৰাস কৰিব পাৰে, যাৰ ফলত চকুৰ স্বাস্থ্য ভাল হয়।
(৩) UV ৰশ্মিৰ পৰা সুৰক্ষা
American Academy of Ophthalmology ৰ মতে UV ৰশ্মিৰ সংস্পৰ্শলৈ আহিলে চকুৰ ছানি পৰা আৰু মেকুলাৰ ডিজেনেৰেচনৰ সম্ভাৱনা বৃদ্ধি পায়। সকলো ঋতুতে UV সুৰক্ষা থকা ছানগ্লাছ ব্যৱহাৰ কৰাটো অতি প্ৰয়োজনীয়।
এইবোৰ অভ্যাস পৰিহাৰ কৰিব লাগে :
(১) ধূমপান আৰু মদ্যপান
WHO ৰ এক প্ৰতিবেদনত কোৱা হৈছে যে ধূমপায়ীসকলৰ চকুৰ ছানি পৰাৰ সম্ভাৱনা ২ৰ পৰা ৩ গুণ বেছি। মদ্যপানে চকু শুকান হোৱাৰ লগতে ৰেটিনাৰ ক্ষতিও কৰিব পাৰে।
(২) লেতেৰা হাতেৰে চকু স্পৰ্শ কৰা
ই সংক্ৰমণৰ এটা প্ৰধান কাৰণ, যাৰ ফলত চকুৰ চকুৰ ৰোগ আৰু অন্যান্য চকুৰ সংক্ৰমণ হ’ব পাৰে।
(৩) চকুৰ টোপালৰ ব্যৱহাৰ
চকুৰ বিশেষজ্ঞৰ পৰামৰ্শ অবিহনে চকুৰ টোপাল ব্যৱহাৰ কৰিলে চকুৰ বাবে ক্ষতিকাৰক হ’ব পাৰে। চিকিৎসকৰ পৰামৰ্শ লৈ চকুৰ দৰব লগত ৰাখিব। ওলপ ৰঙা পৰা বা চানি ধৰা বা পানী বৈ পৰিলেই চকুৰ টোপাল লগে লগে প্ৰয়োগ কৰক।
(৪) কম পোহৰত কাম কৰা
অধ্যয়নত দেখা গৈছে যে অবিৰতভাৱে অধ্যয়ন বা কম পোহৰত কাম কৰিলে চকুৰ পেশীত চাপ পৰে, যাৰ ফলত দৃষ্টিশক্তি বেয়া হ’ব পাৰে।
(৫) পৰ্যাপ্ত টোপনি ল'ব
টোপনিৰ পৰিমাণ কম হ'লেও চকুৰ স্বাস্থ্য বেয়া হয়। সেয়েহে দৈনিক ৭-৮ ঘণ্টা শুৱাৰ প্ৰয়োজন।
চকুৰ যত্ন কেৱল চশমা পিন্ধা বা নিয়মীয়া পৰীক্ষাত সীমাবদ্ধ নহয়। ইয়াৰ সকলোবোৰ হৈছে দৈনন্দিন জীৱনশৈলীৰ কিছুমান নিয়মীয়া কাম বুদ্ধিমানৰূপে অনুসৰণ কৰা, য’ত সুষম খাদ্য, হাইড্ৰেচন, ডিজিটেল স্বাস্থ্য সজাগতা আৰু পৰিৱেশ সুৰক্ষা আদি অন্তৰ্ভুক্ত। এবাৰ ভাবি চাওকচোন, যদি আমাৰ চকু নাথাকিলহেঁতেন তেন্তে এই পৃথিৱীৰ আমাৰ বাবে কিবা অৰ্থ থাকিবনে ?
গতিকে প্ৰকৃতিৰ এই আশীৰ্বাদৰ সম্পূৰ্ণ যত্ন লওক। আজিয়েই যত্ন লওক যাতে আপুনি আগন্তুক বছৰবোৰলৈ পৃথিৱীৰ সৌন্দৰ্য্য সম্পূৰ্ণৰূপে উপভোগ কৰিব পাৰে।
