By Good Assam April 2, 2025
দেশত নতুন বিত্তীয় বৰ্ষ আৰম্ভ হোৱাৰ লগে লগে মুদ্ৰাস্ফীতিৰ ফলতো জনসাধাৰণৰ ওপৰত আঘাত হানিছে। চৰকাৰে ১ এপ্ৰিলৰ পৰা ৯০০ৰো অধিক অত্যাৱশ্যকীয় ঔষধৰ দাম বৃদ্ধি কৰাৰ সিদ্ধান্ত গ্ৰহণ কৰিছে। অৰ্থাৎ এতিয়া বহু ঔষধৰ বাবে অধিক ধন দিব লাগিব। তথ্য অনুসৰি ফাৰ্মাচিউটিকেলছ প্ৰাইচিং অথৰিটিয়ে ৯০০ৰো অধিক ঔষধৰ মূল্য ১.৭৪ শতাংশ বৃদ্ধিৰ কথা ঘোষণা কৰিছে।
বিশেষ কথাটো হ’ল যে যিবোৰ ঔষধৰ দাম বৃদ্ধি কৰা হৈছে তাৰ ভিতৰত ডায়েবেটিছ, হৃদৰোগ, পেইন কিলাৰ,এজিথ্ৰ’মাইচিন, ইবুপ্ৰ’ফেন, ডাইক্ল’ফেনাক, মেটফৰ্মিন, হাইড্ৰ’ক্লৰাইড, এচিক্লোভিৰ, ক্ৰিটিকেল ইনফেকচন, জ্বৰ আদি ৰোগৰ ঔষধ আছে। যি ঔষধৰ দাম ১ এপ্ৰিলৰ পৰা বৃদ্ধি কৰা হৈছে ।
দাম কোনে বঢ়াব পাৰে ?
ড্ৰাগছ অৰ্ডাৰ, ২০১৩ৰ বিধান অনুসৰি সকলো অনুসূচিত ঔষধৰ মূল্য পাইকাৰী মূল্য সূচকাংক (WPI)ৰ ভিত্তিত সংশোধন কৰা হয়। এই পুনৰীক্ষণ প্ৰতি বছৰে ঘটে। ২০২৪-২৫ বিত্তীয় বৰ্ষত ডব্লিউ পি আইৰ ভিত্তিত ঔষধৰ মূল্য ০.০০৫৫১ শতাংশ হাৰত বৃদ্ধি কৰা হৈছে।
এইবোৰ ঔষধো ব্যয়বহুল হৈ পৰিছে :
এজিথ্ৰ’মাইচিন ২৫০মিলিগ্ৰাম: প্ৰতি টেবলেটত ₹১১.৮৭
এজিথ্ৰ’মাইচিন ৫০০মিলিগ্ৰাম: প্ৰতি টেবলেটত ২৩.৯৮
এমোক্সিচিলিন আৰু ক্লেভুলেনিক এচিড থকা চিৰাপঃ প্ৰতি মিলিত ২.০৯ টকা
ডাইক্ল’ফেনাক (পেইন কিলাৰ): প্ৰতি টেবলেটত ২.০৯ টকা
ইবুপ্ৰফেন (পেইন কিলাৰ) ২০০মিলিগ্ৰামঃ প্ৰতি টেবলেটত ০.৭২ টকা
ইবুপ্ৰফেন (পেইন কিলাৰ) ৪০০মিলিগ্ৰামঃ প্ৰতি টেবলেটত ১.২২ টকা
ডায়েবেটিছৰ ঔষধ (Dapagliflozin + Metformin hydrochloride + Glimepiride): প্ৰতি টেবলেটত ১২.৭৪ টকা
এচিক্ল’ভিৰ (এন্টিভাইৰেল) ২০০ মিলিগ্ৰামঃ প্ৰতি টেবলেটত ৭.৭৪ টকা
এচিক্লোভিৰ (এন্টিভাইৰেল) ৪০০ মিলিগ্ৰামঃ প্ৰতি টেবলেটত ১৩.৯০ টকা
হাইড্ৰক্সিক্ল’ৰ’কুইন (এন্টিমেলেৰিয়াল) ২০০মিলিগ্ৰামঃ প্ৰতি টেবলেটত ৬.৪৭ টকা
হাইড্ৰক্সিক্ল’ৰ’কুইন (এন্টিমেলেৰিয়াল): ৪০০মিলিগ্ৰাম: প্ৰতি টেবলেটত ১৪.০৪ টকা
