( অপূৰ্ব দাস )
প্ৰাকৃতিক উপায় গ্ৰহণ কৰি আপুনি ঘৰতে হিম’গ্লবিনৰ মাত্ৰা বৃদ্ধি কৰিব পাৰে, যাৰ ফলত শৰীৰটো সুস্থ আৰু শক্তিশালী হৈ থাকিব। ইয়াৰ বাবে প্ৰথমে বয়স অনুসৰি হিম’গ্লবিনৰ মাত্ৰা কিমান হ’ব লাগে আৰু ইয়াক কেনেকৈ প্ৰাকৃতিকভাৱে বৃদ্ধি কৰিব পাৰি সেই বিষয়ে জনাটো গুৰুত্বপূৰ্ণ।
হিম’গ্লবিন হৈছে ৰক্তকণিকা (RBC) ত উপস্থিত থকা এটা গুৰুত্বপূৰ্ণ প্ৰটিন, যিয়ে শৰীৰৰ বিভিন্ন অংশলৈ অক্সিজেন প্ৰেৰণৰ কাম কৰে। শৰীৰত হিম’গ্লবিনৰ অভাৱ হ’লে ভাগৰুৱা, দুৰ্বলতা, মূৰ ঘূৰোৱা, ৰক্তহীনতা আদি সমস্যাৰ সৃষ্টি হ’ব পাৰে। সুষম খাদ্য, সঠিক জীৱনশৈলী আৰু নিয়মীয়া ব্যায়ামৰ জৰিয়তে হিম’গ্লবিনৰ মাত্ৰা বজাই ৰাখিব পাৰি।
যদি হিম’গ্লবিনৰ মাত্ৰা অতি কম হয় তেন্তে চিকিৎসকৰ পৰামৰ্শ লওক আৰু প্ৰয়োজন হ’লে আইৰণৰ পৰিপূৰক গ্ৰহণ কৰক। কিন্তু প্ৰাকৃতিক উপায় গ্ৰহণ কৰিও ঘৰতে হিম’গ্লবিনৰ মাত্ৰা বজাই ৰাখিব পাৰি, যাৰ ফলত শৰীৰ সুস্থ আৰু শক্তিশালী হৈ থাকিব। ইয়াৰ বাবে প্ৰথমে বয়স অনুসৰি হিম’গ্লবিনৰ মাত্ৰা কিমান হ’ব লাগে আৰু ইয়াক কেনেকৈ প্ৰাকৃতিকভাৱে বৃদ্ধি কৰিব পাৰি সেই বিষয়ে জনাটো গুৰুত্বপূৰ্ণ।
বয়স আৰু লিংগ অনুসৰি হিম’গ্লবিনৰ স্বাভাৱিক মাত্ৰা
কিমান হ'ব লাগে জানো আহক-
বয়স আৰু লিংগৰ ওপৰত নিৰ্ভৰ কৰি হিম’গ্লবিনৰ মাত্ৰা ভিন্ন হয়। ১৪ৰ পৰা ১৮ বছৰ বয়সৰ ল’ৰাৰ বাবে হিম’গ্লবিনৰ মাত্ৰা ১২-১৫.৫ গ্ৰাম/ডেচিলিটাৰ হ’ব লাগে।
আনহাতে ১৮ বছৰৰ ওপৰৰ প্ৰাপ্তবয়স্ক পুৰুষৰ হিম’গ্লবিন ১৩.৫ৰ পৰা ১৭.৫ গ্ৰাম/ডেচিলিটাৰ হ’ব লাগে।
১৪ৰ পৰা ১৮ বছৰ বয়সৰ কিশোৰী ছোৱালীৰ বাবে ১০-১৫.৫ গ্ৰাম/ডেচিলিটাৰ আৰু প্ৰাপ্তবয়স্ক মহিলাৰ বাবে ১২.০ৰ পৰা ১৫.৫ গ্ৰাম/ডেচিলিটাৰ স্বাভাৱিক।
যদি হিম’গ্লবিনৰ মাত্ৰা ইয়াতকৈ কম হয়, তেন্তে আপুনি স্বাভাৱিকভাৱে ঘৰতে হিম’গ্লবিন বৃদ্ধিৰ বাবে কিছুমান সহজ ব্যৱস্থা গ্ৰহণ কৰিব পাৰে।
হিম’গ্লবিন বৃদ্ধিৰ ঘৰুৱা উপায় :
যদি আপোনাৰ শৰীৰত হিম’গ্লবিনৰ অভাৱ হয়, তেন্তে আইৰণ, ফলিক এচিড, ভিটামিন বি১২ আৰু ভিটামিন চি যুক্ত খাদ্য তালিকাত অন্তৰ্ভুক্ত কৰাটো অতি প্ৰয়োজনীয়। ইয়াত কিছুমান প্ৰাকৃতিক আৰু ঘৰুৱা উপায় আগবঢ়োৱা হ’ল যিয়ে হিম’গ্লবিন বৃদ্ধি কৰাত সহায় কৰিব পাৰে-
(১) আইৰণ সমৃদ্ধ খাদ্য
হিম’গ্লবিন তৈয়াৰ কৰাত আইৰণে গুৰুত্বপূৰ্ণ ভূমিকা পালন কৰে। শৰীৰত আইৰণ যোগান ধৰিবলৈ কচু শাক, পালেং, মেথি, কলডিল আদি পাচলি সেৱন কৰিব লাগে। তেজ বৃদ্ধিত গজালি ওলোৱা বুটমাহ, মগু আৰু ডালিম দুয়োবিধেই অতি ফলপ্ৰসূ। ইয়াৰ উপৰিও ডিমৰু গছৰ গুটি আৰু খেজুৰত প্ৰাকৃতিক আইৰণ পোৱা যায় যিয়ে হিম’গ্লবিন বৃদ্ধিত সহায় কৰে। ভেদাইলতা পাতত আইৰণ আৰু অন্যান্য পুষ্টিকৰ উপাদান প্ৰচুৰ পৰিমাণে পোৱা যায়।
(২) ভিটামিন চি গ্ৰহণ
ভিটামিন চিয়ে শৰীৰত আইৰণৰ শোষণ বৃদ্ধি কৰাত সহায় কৰে, যাৰ ফলত হিম’গ্লবিনৰ মাত্ৰাও বৃদ্ধি পায়। কমলা, নেমু, আঙুৰ , আমলখি আৰু বিলাহীত প্ৰচুৰ পৰিমাণে ভিটামিন চি থাকে। গাজৰ , মাকৈ আৰু বুটমাহৰ ৰস খালেও হিম’গ্লবিন দ্ৰুতগতিত বৃদ্ধি পায়।
(৩) ফলিক এচিড সমৃদ্ধ খাদ্য
ফলিক এচিডে নতুন ৰক্তকণিকা গঠনত সহায় কৰে। ইয়াক পূৰণ কৰিবলৈ সৰিয়হ, ব্ৰকলি, বাদাম, ৰঙালাউৰ গুটি আৰু জহা চাউল সেৱন কৰিব লাগে। কমলা আৰু অমিতাও ফলিক এচিডৰ উৎকৃষ্ট উৎস।
(৪) ভিটামিন বি ১২ সেৱন
ভিটামিন বি ১২ৰ অভাৱত শৰীৰত হিম’গ্লবিনৰ মাত্ৰা হ্ৰাস পাব পাৰে। গাখীৰ, দৈ, পনিৰ আদি দুগ্ধজাত সামগ্ৰী সেৱন কৰক। ঘৰুৱা কুকুৰাৰ মাংস আদিও খাব লাগে। নিৰামিষভোজীৰ বাবে ফৰ্টিফাইড শস্য আৰু সৰিয়হৰ সামগ্ৰী খোৱা ভাল।
(৫) গুড় আৰু গজালি ওলোৱা মুগ খাব
গুড় আৰু মুগ খোৱাৰ ফলত হিম’গ্লবিন দ্ৰুতগতিত বৃদ্ধি পায়। গুড় আইৰণৰ প্ৰাকৃতিক উৎস আৰু মুগত প্ৰচুৰ পৰিমাণে প্ৰটিন আৰু আঁহ থাকে।
