এখন ঘৰৰ বাবে সুস্থ আৰু ইতিবাচক পৰিবেশৰ বাবে কিছু বাস্তু টিপ্চ
( অপূৰ্ব দাস )
এখন ঘৰৰ বাবে সুস্থ আৰু ইতিবাচক পৰিবেশৰ বাবে কিছু বাস্তু টিপ্চ আগবঢ়োৱা হ'ল -
1. মুখ্য প্ৰৱেশদ্বাৰ
মুখ্য দুৱাৰখন উত্তৰ, উত্তৰ-পূব, বা পূবমুখী হোৱাটো ভাল।
পোহৰ সোমাব পৰা আৰু পৰিষ্কাৰকৈ ৰাখিব লাগে।
2. বৈঠকঘৰ
উত্তৰ, পূব, বা উত্তৰ-পূব দিশত থকাটো ভাল।
মাজমজিয়াত অতি বেছি ফাৰ্ণিচাৰ নাথাকে যেন।
3. শোৱা কোঠা
মুখ্য শোৱাৰ কোঠাটো দক্ষিণ-পশ্চিম দিশত থাকিলে শ্ৰেষ্ঠ।
বিচনাৰ সন্মুখত আয়না ৰাখিব নালাগে। যৌন সম্পৰ্ক স্থাপন কৰা কোঠাত কেতিয়াও ভগৱানৰ ফটো বা মূৰ্তি নাৰাখিব।
4. ৰন্ধনঘৰ
দক্ষিণ-পূব কোণত হোৱাটো উত্তম।
জুই বা ৰন্ধা চৌকা আৰু পান একেলগে নাথাকে যেন।
5. বাথৰুম আৰু শৌচালয়
উত্তৰ-পশ্চিম বা দক্ষিণ-পূব দিশত ভাল হয়।
সদায় দুৱাৰ বন্ধ কৰি ৰাখিব আৰু ভেন্টিলেচন ব্যৱস্থা কৰিব লাগে।
6. পূজা কোঠা
উত্তৰ-পূব কোণত স্থাপন কৰাটো শ্ৰেষ্ঠ।
বাথৰুমৰ ওচৰত বা পানীৰ উৎস যেনে - দমকলৰ ওচৰত নৰাখিব।
7. ৰং আৰু প্ৰকাশ
শুভ আৰু নরম ৰং ব্যৱহাৰ কৰা উচিত যেনে সেউজ, পাতল হালধীয়া, পাতল গোলাপী আৰু আকাশী নীলা।
শোৱাৰ কোঠাত গাঢ় ৰং যেনে কলা বা ৰঙা ব্যৱহাৰ কৰা ভাল নহ'য়।
8. গছ-বৃক্ষ আৰু শোভা সামগ্ৰী
মানি প্লেন্ট, তুলসী, আৰু সৰু চাপৰ বাঁহ শুভ বুলি ধৰা হয়।
কাইট থকা গছ যেনে - কেকটাছ আদি ঘৰৰ ভিতৰত নৰাখিব।
