( অপূৰ্ব দাস )
প্ৰতিজন ব্যক্তিয়ে কামনা কৰে যে তেওঁৰ ঘৰত কেতিয়াও ধনৰ অভাৱ নহওক। যাতে তেওঁ নিজৰ কষ্টৰ পূৰ্ণ ফল পাব পাৰে। ইয়াৰ বাবে এনে কিছুমান কথা বাস্তু শাস্ত্ৰত বৰ্ণনা কৰা হৈছে, শুই থকাৰ সময়ত বিচনাৰ কাষত বা গাৰুৰ তলত ৰাখিলে কেৱল ভাগ্য বৃদ্ধিয়েই নহয়, ভাল টোপনিতো সহায় কৰে। যাৰ বাবে আপোনাৰ স্বাস্থ্য ভাল হৈ থাকে।
(১) শুৱাৰ আগতে আঠুৱাৰ ওচৰত সুগন্ধি ফুল ৰাখক। ইয়াৰ ফলত মানসিক শান্তি আৰু ভাল টোপনি পোৱা যায়। লগতে বিবাহিত জীৱনত সুখৰ হয় ।
(২) শুৱাৰ আগতে আঠুৱাৰ তলত কেইটামান নহৰুৰ ( Garlic ) কলি ৰাখিব লাগে। ইয়াৰ ফলত ইতিবাচক শক্তি আনে আৰু ভাল টোপনি লাভ কৰে। আঠুৱাৰ তলত নহৰুৰ কলি লৈ শুই থাকিলে ৰাহু দোষ কমি যায় আৰু লগতে বেয়া সপোনৰ পৰাও সকাহ পোৱা যায়। মানসিক সমস্যাৰ পৰাও সকাহ দিয়ে।
(৩) দেওবাৰে শুৱাৰ আগতে গাখীৰ এগিলাচ লৈ আঠুৱাৰ ভিতৰত মূৰৰ ওচৰত ৰাখক। ৰাতিপুৱা সাৰ পাই গা ধুই গাখীৰখিনি বাবুল গছৰ গুৰিত ঢালি দিব। এই প্ৰতিকাৰৰ সহায়ত ধন সম্পৰ্কীয় সমস্যাৰ সমাধান হ’বলৈ আৰম্ভ কৰে।
(৪) ভাল টোপনিৰ বাবে এই বস্তুটো বিচনাৰ কাষত ৰাখক।
টোপনিৰ অসুবিধা হোৱা লোকে গাৰুৰ তলত সেউজীয়া ইলাচি ৰাখি শুব লাগে। ইয়াৰ ফলত ব্যক্তিজনে গভীৰ টোপনি অহাত সহায় কৰে। শুই থকাৰ সময়ত বিচনাৰ কাষত পানীৰে ভৰা তামৰ পাত্ৰ এটা ৰাখি ৰাতিপুৱা আহত গছৰ গুৰত বা ফুল গছত ঢালি দিব। এনে কৰিলে স্বাস্থ্যৰ উপকাৰ পোৱা যায়।
(৫) বাস্তু শাস্ত্ৰৰ মতে ময়ুৰৰ পাখি, ফিটকিৰি আদি কিছুমান বস্তু আঠুৱাৰ তলত ৰাখিলে ধনাত্মকতা বৃদ্ধি আৰু সুস্বাস্থ্য লাভ কৰাটো উপকাৰী বুলি বিবেচিত হয়। এইবোৰ বস্তু গাৰুৰ তলত ৰাখিলে ঋণাত্মক শক্তি আঁতৰি যায় বুলি বিশ্বাস কৰা হয়। ইতিবাচক শক্তি আকৰ্ষণ কৰে আৰু সুখ আৰু সৌভাগ্য বৃদ্ধি কৰে। বাস্তুৰ মতে প্ৰতিদিনে এইবোৰ বস্তু গাৰুৰ তলত ৰাখি শুই থাকিলে আপোনাৰ জীৱনত বহু পৰিৱৰ্তন আহিব পাৰে।
(৬) ময়ুৰৰ পাখি : হিন্দু ধৰ্মত ময়ুৰৰ পাখি অতি শুভ বুলি গণ্য কৰা হয়। ময়ুৰৰ পাখি ব্যৱহাৰ কৰি প্ৰেম আৰু সুখ আকৰ্ষণ কৰা হয় বুলি বিশ্বাস কৰা হয়। অশুভ শক্তিৰ পৰা মুক্তি পাবলৈ আৰু ধন আকৰ্ষণ কৰিবলৈ গাৰুৰৰ তলত ময়ুৰৰ পাখি লৈ শুব লাগে।
(৭) লং : প্ৰতিদিনে গাৰুৰ তলত ৫,৭ বা ৯ টা লং ৰাখি শুব পাৰে। প্ৰতিদিনে পুৱা বৈ থকা পানীত উটুৱাই দিয়ক । বিশ্বাস কৰা হয় যে এনে কৰিলে নেতিবাচকতা হ্ৰাস পায় আৰু ইতিবাচক শক্তি লাভ কৰে।
৮) তেজ পাত : বাস্তু শাস্ত্ৰত তেজ পাত গাৰুৰ তলত ৰখাটো সুখ আৰু সমৃদ্ধিৰ কাৰক বুলি গণ্য কৰা হয়। গাৰুৰ তলত তেজ পাত লৈ শুলে ঋণাত্মক শক্তি আঁতৰাই ধনাত্মক শক্তি আকৰ্ষণ কৰে বুলি বিশ্বাস কৰা হয়।
(৯) ফিটকিৰি : বাস্তুত গাৰুৰ তলত ফিটকিৰ ৰখাটো অশুভ শক্তি আৰু ভয়ংকৰ সপোনৰ পৰা ৰক্ষা পোৱাৰ বাবে উপকাৰী বুলি বিবেচিত হয়। গাৰুৰ তলত কমেও ৭ দিন ফিটকিৰিৰ টুকুৰা এটা ৰাখিলে দুঃস্বপ্নকে ধৰি সকলো নেতিবাচকতাৰ পৰা সকাহ পোৱা যায় বুলি বিশ্বাস কৰা হয়। ইয়াৰ পিছত ফিটকিৰিটো ঘৰৰ পৰা বাহিৰলৈ দলিয়াই দিব।
(১০) তুলসী পাত : হিন্দু ধৰ্মত তুলসী পাত উপাসনাত ব্যৱহাৰ কৰা হয়। ইয়াৰ উপৰিও তুলসীতো বহুতো ঔষধি গুণ পোৱা যায়। শুই থকাৰ সময়ত গাৰুৰ তলত তুলসীৰ পাত এটা ৰাখিলে জীৱনত ইতিবাচক শক্তি বজাই ৰখাত সহায় কৰে বুলি বিশ্বাস কৰা হয়। অৱশ্যে সূৰ্যাস্তৰ পিছত তুলসীৰ পাত ছিঙিব নালাগে। ৰাতিপুৱা চিঙি গাৰুৰ
তলত ৰাখক।
