( অপূৰ্ব দাস )
হোলী হৈছে ৰং, উৎসাহ আৰু পাৰস্পৰিক যোগাযোগৰ উৎসৱ। মিঠাই, সুস্বাদু ব্যঞ্জন আদিয়ে ইয়াক আৰু অধিক বিশেষ কৰি তোলে। হোলীৰ দিনা ভাং খোৱাৰ পুৰণি পৰম্পৰাও আছে । দেশৰ কোনো কোনো ঠাইত ভাং মিহলাই গাখীৰ মানুহে সেৱন কৰে। ইয়াৰ উপৰিও বহু লোকে হোলীৰ সময়তো সুৰা সেৱন কৰে, যাৰ বাবে মদ্যপানৰ বিষক্ৰিয়াৰ লগতে আন বহু ধৰণৰ সমস্যাৰ আশংকা থাকে।
দেশৰ কোনো কোনো ঠাইত গাখীৰ , লচী আদিত সাধাৰণতে ভাং ব্যৱহাৰ কৰে । ভাং কিছুমান প্ৰকাৰৰ আয়ুৰ্বেদিক ঔষধতো ব্যৱহাৰো কৰে ।
কিন্তু আপুনি জানেনে যে হোলীৰ সময়ত বেছিকৈ ভাং খোৱাৰ ফলত আপোনাৰ স্বাস্থ্যৰ বহু ক্ষতি হ’ব পাৰে? কি কি ক্ষতি হ'ব পাৰে জানিবলৈ পঢ়িব -
ভাং আৰু মদ বিপদজনক হ’ব পাৰে :
স্বাস্থ্য বিশেষজ্ঞসকলে হোলীৰ সময়ত ভাং বা সুৰাৰ দৰে কোনো ধৰণৰ মাদক দ্ৰব্য সেৱন নকৰিবলৈ পৰামৰ্শ দিয়ে। কিন্তু যদি আপোনাৰ অঞ্চলত ভাঙৰ পৰম্পৰা আছে তেন্তে ইয়াক অতি কম পৰিমাণে আৰু সাৱধানে সেৱন কৰিব লাগে। মনত ৰাখিব যে ভাং বা মদৰ নগচাই আপোনাক বিভ্ৰান্ত কৰি তুলিব পাৰে। ইয়াৰ লগে লগে কিছুমান মানুহৰ মূৰ ঘূৰোৱা, মূৰৰ বিষ, বমি হোৱা আনকি মূৰ্চ্ছা যোৱা আদি সমস্যাও হ’ব পাৰে। একে সময়তে মদ্যপানৰ বিষক্ৰিয়াৰ ক্ষেত্ৰতো ক’মাৰ দৰে গুৰুতৰ সমস্যাৰ আশংকাও হ’ব পাৰে।
মনত ৰাখিব ভাং আৰু মাদক দ্ৰব্যৰ ব্যৱহাৰ কৰিলে যকৃতৰ ৰোগৰ লগতে হাওঁফাওঁৰ ৰোগ, কৰ্কট ৰোগ, মগজুৰ বিসংগতি আৰু নাৰ্ভৰ সমস্যা হোৱা দেখা যায়।
ভাং আসক্তিৰ ক্ষতি কি কি?
অত্যধিক পৰিমাণে ভাং সেৱন কৰিলে শাৰীৰিক আৰু মানসিক স্বাস্থ্য দুয়োটাতে প্ৰভাৱ পৰিব পাৰে। অত্যধিক ভাং সেৱনে উদ্বেগ, বিভ্ৰান্তি আৰু আতংকৰ আক্ৰমণৰ দৰে সমস্যাৰ সৃষ্টি কৰিব পাৰে। ইয়াৰ উপৰিও ৰক্তচাপ বৃদ্ধি বা হ্ৰাস কৰিব পাৰে, যাৰ ফলত মূৰ ঘূৰোৱা বা অজ্ঞান হৈ পৰে।
স্বাস্থ্য বিশেষজ্ঞসকলে কয় যে ভাংৰ নিচাই হজম প্ৰক্ৰিয়া লেহেমীয়া কৰিব পাৰে, যাৰ বাবে বহু লোকৰ বমি, পানীলগা আৰু পেটৰ বিষৰ দৰে সমস্যা হ’ব পাৰে। ইয়াৰ নিচাই মগজুৰ কাম-কাজত প্ৰভাৱ পেলাব পাৰে, যাৰ ফলত স্মৃতিশক্তি আৰু একাগ্ৰতাত সমস্যাৰ সৃষ্টি হয়।
ভাং আৰু মদ্যপানৰ নিচা ধৰিলে কি কৰিব?
• স্বাস্থ্য বিশেষজ্ঞসকলে কয়, যদি কোনোবাই ভাঙৰ নিচাৰ পৰা মুক্তি পাবলৈ আৰু পাৰ্শ্বক্ৰিয়াৰ পৰা হাত সাৰিবলৈ প্ৰথমে প্ৰচুৰ পৰিমাণে পানী খাই শৰীৰক ৰক্ষা কৰিব লাগে। শৰীৰৰ পৰা বিষাক্ত পদাৰ্থ আঁতৰোৱাতো সহায় কৰিব পাৰে। নাৰিকল পানীৰ দৰে ইলেক্ট্ৰলাইট সমৃদ্ধ তৰল পদাৰ্থ সেৱনে পুষ্টিকৰ পদাৰ্থ পুনৰ ভৰাই তোলাত সহায় কৰিব পাৰে।
• নেমু, কমলা বা মৌচুম্বীত থকা ভিটামিন চি আৰু এন্টিঅক্সিডেন্টে শৰীৰৰ পৰা নিচা সোনকালে আঁতৰোৱাত সহায় কৰে।
• দৈ আৰু মাখনে শৰীৰক শীতল কৰি হজম শক্তি উন্নত কৰাৰ লগতে ভাঙৰ প্ৰভাৱ কমায়।
• জাতি জালুকত থকা টাৰপিন নামৰ যৌগ এটাই মদ্যপান আৰু ভাঙৰ নিচা হ্ৰাস কৰাত সহায় কৰে।
• যদি মদ্যপান তীব্ৰ হয় তেন্তে শুই থাকিব আৰু জিৰণি লওক। শুই মগজুক সুস্থ হোৱাত সহায় কৰে।
এইবোৰ কথাত বিশেষ গুৰুত্ব দিয়ক :
স্বাস্থ্য বিশেষজ্ঞসকলে কয় যে মদ- ভাঙৰ নিচাৰ সমস্যা সাধাৰণ যদিও কিছুমান পৰিস্থিতিত ইয়াৰ গুৰুতৰ বিপদও হ’ব পাৰে। সময়মতে ইয়াৰ লক্ষণসমূহ চিনাক্ত কৰি ইয়াৰ চিকিৎসা লোৱাটো প্ৰয়োজনীয় হৈ পৰে। নিচাৰ আটাইতকৈ ডাঙৰ সমস্যাটো হ’ল শৰীৰত পানীৰ অভাৱ, সেয়েহে প্ৰচুৰ পৰিমাণে কুহুমীয়া গৰম পানী খাব লাগে । যদি স্বাভাৱিক ব্যৱস্থাই কোনো ধৰণৰ সকাহ নিদিয়ে আৰু হৃদস্পন্দন বা ৰক্তচাপ বৃদ্ধিৰ সমস্যা স্থায়ী হৈ থাকে, তেন্তে সময়ত চিকিৎসকৰ পৰামৰ্শ লওক।
যদি কোনোবাই ভাঙ আৰু মদ্যপানৰ বাবে নাৰ্ভাছ, বমি, দ্ৰুত হৃদস্পন্দন বা অজ্ঞান অনুভৱ কৰে, তেন্তে তৎক্ষণাত চিকিৎসকৰ সৈতে যোগাযোগ কৰক।
