(অপূৰ্ব দাস )
পানী কমকৈ খালে বৃক্কত বেয়া প্ৰভাৱ পৰে। দিনটোত ২ লিটাৰ প্ৰস্ৰাৱ কৰিব লাগে। AC থকা অফিচত কাম কৰা লোকসকলে দিনটোত মুঠ ৩ লিটাৰ পানী খাব লাগে। ইয়াতকৈ কম পানী খালে বৃক্কত মানসিক চাপ পৰে।
যদি আপুনি আপোনাৰ বৃক্ক সুস্থ কৰি ৰাখিব বিচাৰে তেন্তে নিমখ সীমিত পৰিমাণতহে সেৱন কৰক। বেছিকৈ নিমখ খালে বৃক্কত বেয়া প্ৰভাৱ পৰে। খাদ্যত ৫ গ্ৰামতকৈ অধিক নিমখ সেৱন কৰিব নালাগে।
বৃক্ক ৰ বাবেও চেনি ক্ষতিকাৰক। সাধাৰণ চেনিৰ সলনি Complex চেনি ব্যৱহাৰ কৰক। ইয়াৰ ফলত আপোনাৰ ডায়েবেটিছ হ্ৰাস পাব আৰু যদি HB1CB ৭তকৈ কম হয় তেন্তে আপোনাৰ বৃক্কৰ ক্ষতিৰ সম্ভাৱনা ৫০ শতাংশ হ্ৰাস পায়।
বেছিকৈ বিষনাশক ঔষধ, গেছষ্ট্ৰীকৰ ঔষধ সেৱন কৰাটো বৃক্কৰ বাবে ভাল নহয়। ইয়াৰ ফলত বৃক্কত প্ৰভাৱ পৰে। চিকিৎসকৰ পৰামৰ্শ অবিহনে ঔষধ বিশেষকৈ বিষনাশক বা এন্টিবায়টিক সেৱন কৰাটো বৃক্কৰ বাবে অতি ক্ষতিকাৰক ।
বেছিকৈ মদ, কফি, চাহ আৰু শীতল পানীয় সেৱন কৰিলেও বৃক্কত বেয়া প্ৰভাৱ পৰে। অত্যধিক পৰিমাণৰ কেফেইন বৃক্কৰ বাবে বিপজ্জনক বুলি প্ৰমাণিত হৈছে । গতিকে বৃক্কত পাথৰ বা ফুলা সমস্যা হব পাৰে।
তেলাল খাদ্য, ৰিফাইন তেল, বেছিকৈ প্ৰ'টিন আদিও বৃক্কৰ বাবে ক্ষতিকাৰক। সেয়েহে এনেবোৰ খাদ্য খাওতে সাৱধান হ'ব।
