By Good Assam
খেজুৰ সেৱন কৰাটো কিছুমান মানুহৰ বাবে ক্ষতিকাৰক বুলি প্ৰমাণিত হ’ব পাৰে। ইয়াৰ বাবে তেওঁলোকে স্বাস্থ্য সম্পৰ্কীয় বহু সমস্যাৰ সন্মুখীন হ’বলগীয়া হ’ব পাৰে। আহকচোন, কোন কোন মানুহে খেজুৰ খাব নালাগে জানো-
খেজুৰ সেৱন কৰাটো স্বাস্থ্যৰ বাবে অতি উপকাৰী। ইয়াত ভিটামিন-বি৬, ফাইবাৰ, কেলচিয়াম, আইৰণ, মেগনেছিয়াম, পটাছিয়াম আৰু এন্টিঅক্সিডেন্ট আদি বহুতো পুষ্টিকৰ উপাদান থাকে, যিয়ে স্বাস্থ্যৰ বাবে বহু উপকাৰ প্ৰদান কৰে। ইয়াৰ নিয়মীয়া সেৱনে স্বাস্থ্য সম্পৰ্কীয় বহু সমস্যাৰ পৰা সকাহ দিব পাৰে। পাচনতন্ত্ৰ সুস্থ কৰি ৰখাত আৰু হাড় মজবুত কৰাত ই সহায়ক। ইয়াৰ সেৱনে ৰোগ প্ৰতিৰোধ ক্ষমতা বৃদ্ধি কৰে। কিন্তু ইমানবোৰ ভাল গুণ থকাৰ পিছতো কিছুমান মানুহে খেজুৰ খোৱাৰ পৰা বিৰত থকা উচিত। হয়, খেজুৰ সেৱন কৰাটো কিছুমান মানুহৰ বাবে ক্ষতিকাৰক বুলি প্ৰমাণিত হ’ব পাৰে। অত্যধিক খেজুৰ সেৱন কৰিলে শৰীৰত বহু সমস্যাৰ সৃষ্টি হ’ব পাৰে।
ডায়েৰিয়াৰ সমস্যা :
ডায়েৰিয়াত আক্ৰান্ত লোকে খেজুৰ সেৱন কৰিব নালাগে। আচলতে ইয়াৰ ৰেচক গুণ আছে, যিয়ে মলত্যাগ কৰাত সহায় কৰে। এনে পৰিস্থিতিত ইয়াক সেৱন কৰিলে ডায়েৰিয়াৰ সমস্যা বৃদ্ধি পাব পাৰে।
মেদবহুলতা বৃদ্ধি পাব পাৰে:
মেদবহুলতাত আক্ৰান্ত লোকে খেজুৰ অতিৰিক্তভাৱে সেৱন কৰিব নালাগে। আচলতে ইয়াত কেলৰিৰ পৰিমাণ অতি বেছি, যাৰ ফলত ওজন বৃদ্ধি পায়। ইয়াৰ বাহিৰেও যদি আপুনি ওজন কমাবলৈ চেষ্টা কৰিছে তেন্তে ইয়াক সেৱন কৰাটো এৰাই চলিব লাগে।
বৃক্ক সম্পৰ্কীয় সমস্যা :
যদি আপোনাৰ বৃক্ক সম্পৰ্কীয় কোনো ৰোগ আছে, তেন্তে খেজুৰ খোৱাৰ পৰা বিৰত থাকিব লাগে। আচলতে ইয়াত অধিক পৰিমাণৰ পটাছিয়াম থাকে, যিটো বৃক্ক ৰোগীৰ বাবে ক্ষতিকাৰক হ’য় । গতিকে যদি আপোনাৰ কিডনী সম্পৰ্কীয় কোনো সমস্যা আছে তেন্তে চিকিৎসকৰ পৰামৰ্শ লোৱাৰ পিছতহে সেৱন কৰক।
ডায়েবেটিছ ৰোগীয়ে খেজুৰ খাব নালাগে:
ডায়েবেটিছ ৰোগীয়ে খেজুৰ সেৱন কৰিব নালাগে। আচলতে ইয়াত অধিক পৰিমাণৰ প্ৰাকৃতিক চেনি থাকে। এনে পৰিস্থিতিত ইয়াক অতিমাত্ৰা সেৱন কৰিলে তেজৰ চেনিৰ মাত্ৰা হঠাতে বৃদ্ধি পাব পাৰে। যদি আপুনি ডায়েবেটিচ ৰোগী, তেন্তে খেজুৰ খোৱাৰ আগতে নিশ্চিতভাৱে চিকিৎসকৰ পৰামৰ্শ লওক।
