By Good Assam
যদি আপুনি ভাবে যে আপোনাৰ ফটোসমূহ এআইৰ দ্বাৰা সৃষ্টি কৰাটো মজাৰ কথা আৰু কেৱল মনোৰঞ্জনৰ বাবে ব্যৱহাৰ কৰা হৈছে, তেন্তে আপুনি পুনৰ চিন্তা কৰিব লাগিব। মানুহৰ তথ্য বিক্ৰী কৰাৰ অভিযোগ উত্থাপন হৈছে Chat GTP ৰ বিৰুদ্ধে।
আজিকালি মানুহে নিজৰ ছবি ঘিবলী ষ্টাইলত নিৰ্মাণৰ প্ৰতিযোগিতাত অৱতীৰ্ণ হৈছে। ৰাজনীতিবিদৰ পৰা আৰম্ভ কৰি চেলিব্ৰিটিলৈকে সকলোৱে ছ’চিয়েল মিডিয়াত নিজৰ নিজৰ ঘিবলী ষ্টাইলৰ ছবি শ্বেয়াৰ কৰিছে। ফেচবুক, ইনষ্টাগ্ৰাম, এক্সৰ দৰে প্লেটফৰ্মত ঘিবলী ষ্টাইলত নিৰ্মিত ছবিৰ বানপানী।
Celebrity যি কৰি দেখুৱায় মানুহে সেইটোকে অনুসৰণ কৰে।
মানুহে নিজৰ ফটোৰ লগতে নিজৰ সন্তানৰ এআই-জেনেৰেটেড ছবি শ্বেয়াৰ কৰিছে। কিন্তু দেখাত যিমানেই মজা লাগে সিমানেই বিপদজনক । মানুহে কেৱল ChatGPT নহয়, বহুতো অন্যান্য AI সঁজুলি ব্যৱহাৰ কৰি নিজাকৈ AI-উৎপন্ন ছবি তৈয়াৰ কৰিছে।
কিন্তু আপুনি ভাবিছেনে যে এই ফটোবোৰ ক’ত সংৰক্ষণ কৰা হৈছে ? নিজৰ ফটোবোৰ চিন্তা নকৰাকৈ এআই প্লেটফৰ্মত শ্বেয়াৰ কৰাটো কিমান নিৰাপদ?
সাৱধানতা :
আচলতে AI প্ৰযুক্তিক সহজভাৱে ল’বলৈ চেষ্টা নকৰিব। চিন্তা নকৰাকৈ যিকোনো এআই প্লেটফৰ্মত ফটো আপলোড কৰিলে আপুনি বিপদত পৰিব পাৰে। কেইবছৰমান আগতে ক্লিয়াৰভিউ এআই নামৰ এটা কোম্পানীয়ে অনুমতি অবিহনে ছ’চিয়েল মিডিয়া আৰু নিউজ ৱেবছাইটৰ পৰা ৩ বিলিয়নৰো অধিক ফটো চুৰি কৰাৰ অভিযোগ উত্থাপন হৈছিল। এই তথ্য আৰক্ষী আৰু ব্যক্তিগত কোম্পানীক বিক্ৰী কৰিছিল ।
কেৱল এয়াই নহয়, ২০২৪ চনৰ মে’ মাহত অষ্ট্ৰেলিয়াৰ আউটবক্স কোম্পানীটোৰ তথ্য ফাদিল হৈছিল, য’ত ১০ লাখৰো অধিক লোকৰ ফেচিয়েল স্কেন, ড্ৰাইভিং লাইচেন্স আৰু ঠিকনা চুৰি হৈছিল। এই তথ্য এটা ৱেবছাইটত আপলোড কৰা হৈছিল, যাৰ ফলত হাজাৰ হাজাৰ লোকৰ পৰিচয় চুৰি হোৱা আৰু চাইবাৰ জালিয়াতিৰ বলি হৈছিল।
আপোনাৰ মুখৰ পৰা আন কোনোবাই টকা উপাৰ্জন কৰি আছে
যদি আপুনি ভাবে যে আপোনাৰ ফটোসমূহ এআইৰ দ্বাৰা সৃষ্টি কৰাটো মজাৰ কথা আৰু কেৱল মনোৰঞ্জনৰ বাবে ব্যৱহাৰ কৰা হৈছে, তেন্তে আপুনি আকৌ এবাৰ চিন্তা কৰিব লাগিব। ষ্টেটিষ্টাৰ প্ৰতিবেদন অনুসৰি ২০২৫ চনৰ ভিতৰত মুখ চিনাক্তকৰণ প্ৰযুক্তিৰ বজাৰখনৰ মূল্য ৫.৭৩ বিলিয়ন ডলাৰ আৰু ২০৩১ চনৰ ভিতৰত ১৪.৫৫ বিলিয়ন ডলাৰ হ’ব পাৰে।
মেটা (ফেচবুক) আৰু গুগলৰ দৰে বৃহৎ কোম্পানীয়ে ব্যৱহাৰকাৰীৰ ফটো ব্যৱহাৰ কৰি নিজৰ এআই মডেল প্ৰশিক্ষণ দিয়াৰ অভিযোগ উত্থাপন হৈছে। PimEyes ৰ দৰে ৱেবছাইটে যিকোনো ব্যক্তিৰ ফটো আপলোড কৰি তেওঁৰ সম্পূৰ্ণ ডিজিটেল ফুটপ্ৰিণ্ট উলিয়াব পাৰে। ইয়াৰ অৰ্থ হ’ল ষ্টাকিং, ব্লেকমেইলিং আৰু চাইবাৰ অপৰাধৰ গোচৰ বৃদ্ধি পাব পাৰে।
কেৱল প্ৰযুক্তিয়েই নহয়, আমিও স্মাৰ্ট হ’ব লাগিব।
এআইয়ে আমাৰ জীৱনটো সহজ কৰি তুলিছে যদিও ই আমাক অজানিতে ডাঙৰ বিপদত পেলাবও পাৰে। ডাটা লিক, পৰিচয় চুৰি আৰু চাইবাৰ জালিয়াতিৰ দৰে সমস্যাৰ পৰা হাত সাৰিবলৈ আমি নিজেই সজাগ হ’ব লাগিব। প্ৰশ্নটো এইটো নহয় যে এআই আপোনাৰ বাবে কিমান উপকাৰী, কিন্তু আপুনি ইয়াক কিমান বুদ্ধিমানৰূপে ব্যৱহাৰ কৰিছে। পৰৱৰ্তী সময়ত আপুনি আপোনাৰ ফটোখন AI এপত আপলোড কৰিলে এবাৰ ভাবি চাওক যে ই আপোনাৰ আটাইতকৈ ডাঙৰ ভাবুকি হৈ পৰিব নেকি?
কেনেকৈ হাত সাৰিব পাৰিব ?
যদি আপুনি আপোনাৰ পৰিচয়ৰ অপব্যৱহাৰ হোৱাটো নিবিচাৰে, তেন্তে এই সাৱধানতাসমূহ অৱলম্বন কৰক:
আপোনাৰ ফটো AI apps ত আপলোড কৰাটো লগে লগে বন্ধ কৰক।
ছ’চিয়েল মিডিয়াত হাই ৰিজ’লিউচনৰ ফটো আপলোড কৰাৰ পৰা বিৰত থাকক।
ফেচ আনলকৰ পৰিৱৰ্তে এটা শক্তিশালী পাছৱৰ্ড বা পিন ব্যৱহাৰ কৰক।
কোনো অজ্ঞাত এপত কেমেৰাৰ পামমিশ্যন নিদিব।
টেক কোম্পানীক AI আৰু Facial Recognition প্ৰযুক্তিৰ অবৈধ ব্যৱহাৰৰ ক্ষেত্ৰত কঠোৰ আইন প্ৰণয়ন কৰিবলৈ দাবী জনাওক।
