( অপূৰ্ব দাস )
পৃথিৱীৰ প্ৰত্যেকৰে সৌন্দৰ্য্যৰ সংজ্ঞা বেলেগ বেলেগ। কিছুমানে মেকআপ কৰি ধুনীয়া দেখাব বিচাৰে আনহাতে কিছুমানে মেকআপ অবিহনে নিজকে অতি ধুনীয়া বুলি গণ্য কৰে। নাৰীৰ বাবে সৌন্দৰ্য্য বহুত গুৰুত্বপূৰ্ণ। লিপষ্টিক, মেক-আপ আৰু গহনা পিন্ধি নিজকে ধুনীয়া কৰি তোলে, কিন্তু মহিলাৰ ওঁঠ কাণ কাটিলে কি হ’ব ? তেতিয়া সৌন্দৰ্য্যৰ সংজ্ঞা কি হ’ব? আপুনি নিশ্চয় ভাবিছে যে কি কৈছো, কাৰণ আফ্ৰিকাত এটা জনগোষ্ঠী আছে য’ত এই ঘটনা ঘটে।
তেওঁলোকৰ পৰম্পৰাবোৰ অদ্ভুত :
পৃথিৱীত বিভিন্ন প্ৰকাৰৰ মানুহ বাস কৰে। সকলোৰে ৰীতি-নীতি আৰু পৰম্পৰা বেলেগ বেলেগ। কিন্তু ওঁঠ আৰু কাণ কাটি পেলোৱা ব্যক্তিৰ কথা খুব কমেইহে শুনা যায়। আফ্ৰিকাৰ ইথিওপিয়াৰ মুৰ্ছি জনগোষ্ঠীটো ইয়াৰ উদাহৰণ, য’ত ছোৱালীৰ ওঁঠ আৰু কাণ কিশোৰী হোৱাৰ লগে লগে কাটি পেলোৱা হয়। চহৰৰ জিলিকনিৰ পৰা আঁতৰত বাস কৰা এই জনগোষ্ঠীটোৱে নিজৰ অনন্য ফেশ্বনৰ বাবে সমগ্ৰ বিশ্বতে পৰিচিত। এই লেখাটোত আপোনালোকক এনে এটা জনগোষ্ঠীৰ সৈতে পৰিচয় কৰাই দিম।
মহিলাসকলে ওঁঠত ডিস্ক লগায় :
চহৰবোৰত মহিলাসকলে লিপষ্টিক লগাই ওঁঠৰ সৌন্দৰ্য বৃদ্ধি কৰাৰ বিপৰীতে মুৰ্ছি জনগোষ্ঠীত ছোৱালীয়ে ওঁঠ ওলোমাই সুন্দৰ কৰি তোলে । দেখিবলৈ আচৰিত লাগে যদিও তেওঁলোকৰ এয়াই সৌন্দৰ্য্য । এই জনগোষ্ঠীত বিশ্বাস কৰা হয় যে যি ছোৱালীৰ ওঁঠ বেছি ওলমি থাকে, তেওঁলোক অধিক ধুনীয়া হ’ব। তেওঁলোকৰ এই ফেশ্বন সহজ নহয়। তলৰ ওঁঠ দুটা ওলোমাই ৰখাৰ প্ৰক্ৰিয়াটো অতি কষ্টদায়ক। ছোৱালী সৰু হোৱাৰ লগে লগে তলৰ ওঁঠ দুটা ফালি দিয়ে। তাৰ ভিতৰত লাহে লাহে এটা ডিস্ক সুমুৱাই দিয়া হয়। এই ডিষ্কৰ আকাৰ সময়ৰ লগে লগে বৃদ্ধি কৰা হয় । ইয়াৰ বাবে ওঁঠ দুটা ওলমিবলৈ আৰম্ভ কৰে। এই প্ৰক্ৰিয়াটো ইমানেই বেদনাদায়ক, তথাপিও এই জনগোষ্ঠীৰ মহিলাসকলে যন্ত্ৰণা সহ্য কৰিবলৈ সাজু। সেইদৰে তেওঁলোকৰ কাণৰ তলৰ অংশও কাটি লৈ ডিস্ক লগায়।
এই প্ৰথাৰ ইতিহাস :
আচলতে আগৰ কালত এই জনগোষ্ঠীৰ লোকসকলক প্ৰায়ে দাস হিচাপে লোৱা হৈছিল। পুৰুষক শ্ৰমিক হিচাপে ব্যৱহাৰ কৰা হৈছিল, আনহাতে মহিলাক যৌন দাস হিচাপে ব্যৱহাৰ কৰা হৈছিল। এনে পৰিস্থিতিত নিজকে ৰক্ষা কৰিবলৈ নাৰী কুৎসিত হ’বলৈ ধৰিলে। ওঁঠ ফালি ডিস্ক পিন্ধি নিজৰ সৌন্দৰ্য্য লুকুৱাই ৰাখিছিল। এইদৰে ৰাইজৰ কুচক্ষুৰ পৰা আঁতৰি থকাত সফল হৈছিল।
কিন্তু এতিয়া সেইটোৱেই পৰম্পৰালৈ পৰিৱৰ্তন হ'য় আৰু ইয়াকেই সৌন্দৰ্য্য বুলি অভিহিত কৰে।
