( অপূৰ্ব দাস )
জাৰ্মানীৰ চেক্সুএল হেল্থ ব্ৰেণ্ড বিলি বয়ে মুকলি কৰিছে এক অনন্য এপ। ইয়াৰ নাম ‘ডিজিটেল কণ্ডম’। ইয়াক কেমডম বুলিও কোৱা হয়। অনুমতি অবিহনে অন্তৰংগ মুহূৰ্তত ভিডিঅ’-অডিঅ’ ৰেকৰ্ডিং ৰোধ কৰাৰ লক্ষ্যৰে কোম্পানীটোৱে এই কথা আনিছে। এই অভিনৱ এপটোত ব্লুটুথ প্ৰযুক্তি ব্যৱহাৰ কৰি ফোনটোৰ কেমেৰা আৰু মাইক্ৰ’ফোন বন্ধ কৰাৰ সুবিধা আছে । যাৰ বাবে আপোনাৰ ব্যক্তিগত মুহূৰ্তবোৰ অধিক নিৰাপদ হৈ থাকে। ইণ্টাৰনেটত এই এপটোৰ বিষয়ে চৰ্চা চলিছে। কিছুমানে এই উদ্ভাৱনক শুদ্ধ বুলি বিবেচনা কৰাৰ বিপৰীতে কিছুমানে ইয়াক আজে বাজে কথা বুলি কয়।
কেনেকৈ ব্যৱহাৰ কৰে ?
গোপনীয়তা আৰু সুৰক্ষা নিশ্চিত কৰিবলৈ Digital Condom এপটো ব্যৱহাৰ কৰাটো সহজ। ইয়াৰ বাবে আপুনি মাত্ৰ ফোনত এপটো খুলি ভাৰ্চুৱেল বুটামটো চুইপ কৰিব লাগিব। ইয়াৰ বাবে ফোনটোৰ মাইক্ৰ’ফোন আৰু কেমেৰা ব্লক হৈ যায়। আনজনৰ ফোনতো একে কাম কৰিব পাৰে। ভাৰ্চুৱেল বুটামটো এবাৰ চুইপ কৰিলে, যদি অংশগ্ৰহণকাৰীসকলৰ কোনোবাই কেমেৰা বা মাইক্ৰ’ফোন অন কৰে, তেন্তে এলাৰ্মৰ জৰিয়তে এটা সতৰ্কবাণী লাভ কৰে। এই এপৰ জৰিয়তে কেমেৰা আৰু মাইক্ৰ’ফোন একেলগে একাধিক ডিভাইচত ব্লক কৰিব পাৰি।
ব্যক্তিগত মুহূৰ্তবোৰ নিৰাপদ হ’ব :
কোম্পানীটোৱে কয় যে ব্যক্তিগত মুহূৰ্তৰ অডিঅ’-ভিডিঅ’ ৰেকৰ্ডিঙৰ পৰা ৰক্ষা কৰাটো এটা ডাঙৰ প্ৰত্যাহ্বান। এই পৰিস্থিতিত এই এপটো কামত আহে আৰু ই বহু পৰিমাণে সুৰক্ষা প্ৰদান কৰে। ডিজিটেল কণ্ডম এপে কোনো ভুল কাৰ্য্যকলাপ হ’লে সতৰ্কবাণীও দিয়ে। ইয়াত লগে লগে এলাৰ্ম বাজিবলৈ আৰম্ভ কৰে। বৰ্তমান ৩০ খনতকৈও অধিক দেশৰ এণ্ড্ৰইড স্মাৰ্টফোন ব্যৱহাৰকাৰীৰ বাবে উপলব্ধ।
কোম্পানীয়ে অনাগত দিনত iOS ব্যৱহাৰকাৰীৰ বাবেও আনিব।
এই এপটো তৈয়াৰ কৰা ডেভেলপাৰ ফেলিপে আলমেইডাই কয় যে আজিকালি ই আমাৰ জীৱনৰ এক গুৰুত্বপূৰ্ণ অংগ হৈ পৰিছে। আমাৰ ব্যক্তিগত তথ্যৰ বেছিভাগেই ফোনটোতেই সংৰক্ষণ কৰা হয়। সেয়েহে অনুমতি অবিহনে ব্যক্তিগত মুহূৰ্ত ৰেকৰ্ডিং কৰাৰ পৰা আপোনালোকক সুৰক্ষিত কৰিবলৈ আমি প্ৰথমটো এপ তৈয়াৰ কৰিছো যিয়ে ব্লুটুথ ব্যৱহাৰ কৰি ফোনটোৰ কেমেৰা আৰু মাইক ব্লক কৰিব পাৰে।
‘ডিজিটেল কণ্ডম’ কেনেকৈ বেলেগ?
ইনোচিয়ান বাৰ্লিনৰ সৈতে অংশীদাৰিত্বৰে এই এপটো প্ৰস্তুত কৰা হৈছে। ইনোচিয়ান বাৰ্লিনৰ চিচিঅ’ গেব্ৰিয়েলে কয় যে, “ইন’চিয়ান বাৰ্লিনত আমি কেৱল আমাৰ গ্ৰাহকৰ বাবেই নহয়, সামগ্ৰিকভাৱে সমাজৰ বাবেও সমস্যা সমাধানৰ কথা ভাবো। গতিকে বিলি বয়ৰ সৈতে মিলি এই এপটো প্ৰস্তুত কৰি ব্যৱহাৰকাৰীসকলক অসন্মতিসূচক বিষয়বস্তু লিক হোৱাৰ পৰা ৰক্ষা কৰাটো গুৰুত্বপূৰ্ণ আছিল। ইয়াক বেলেগ ধৰণেৰে তৈয়াৰ কৰা হৈছে, যিটো আগতে কেতিয়াও কৰা হোৱা নাছিল।
