( অপূৰ্ব দাস )
আপুনি যিয়েই নাখায় তাৰ প্ৰত্যক্ষ প্ৰভাৱ আপোনাৰ শৰীৰত পৰে। কাৰণ ই আপোনাৰ তেজত চেনিৰ মাত্ৰা নিয়ন্ত্ৰণ কৰাত সহায় কৰিব পাৰে। আজি আপোনালোকক কিছুমান বিশেষ পানীয়ৰ বিষয়েও ক'ম যিয়ে তেজত চেনিৰ মাত্ৰা নিয়ন্ত্ৰণ কৰাত সহায় কৰে।
ডায়েবেটিছ হ’ল এনে এক অৱস্থা, য’ত মানুহৰ তেজত চেনিৰ মাত্ৰা অতি উচ্চ হৈ পৰে। বিশ্ব স্বাস্থ্য সংস্থা (WHO)ৰ তথ্য অনুসৰি বিশ্বৰ ৮৩ কোটি লোক ডায়েবেটিছ ৰোগত আক্ৰান্ত হয়। যিটো ১৮ বছৰ আৰু তাতকৈ অধিক বয়সৰ প্ৰাপ্তবয়স্কৰ প্ৰায় ১৪%। এই ৰোগত অগ্নাশয়ৰ দ্বাৰা পৰ্যাপ্ত পৰিমাণৰ ইনচুলিন তৈয়াৰ নহয় বা শৰীৰে ইনচুলিন ফলপ্ৰসূভাৱে ব্যৱহাৰ কৰিব নোৱাৰে।
ডালিমৰ ৰসঃ মিঠা নকৰা ডালিমৰ ৰসত প্ৰচুৰ পৰিমাণে এন্টিঅক্সিডেন্ট বিশেষকৈ পলিফিনল থাকে, যিয়ে তেজৰ চেনিৰ মাত্ৰা হ্ৰাস কৰাত সহায় কৰিব পাৰে। চেনিবিহীন ডালিমৰ ৰস সীমিত পৰিমাণত সেৱন কৰিলে তেজত চেনিৰ মাত্ৰা হ্ৰাস পোৱাত আৰু হৃদযন্ত্ৰৰ স্বাস্থ্য উন্নত কৰাত সহায়ক হয়। পেকেটত পোৱা ডালিমৰ ৰসত চেনি থাকে। গতিকে ঘৰতে প্ৰাকৃতিক ভাৱে ৰস উলিয়াই সেৱন কৰিব।
গ্ৰীণ টি: গ্ৰীণ টিত এন্টিঅক্সিডেন্ট, বিশেষকৈ কেটেচিন থাকে, যিয়ে ইনচুলিনৰ সংবেদনশীলতা বৃদ্ধি কৰাত সহায় কৰিব পাৰে। অধ্যয়নত দেখা গৈছে যে নিয়মীয়াকৈ গ্ৰীণ টি সেৱনে টাইপ ২ ডায়েবেটিছৰ সম্ভাৱনা হ্ৰাস কৰাত সহায় কৰিব পাৰে আৰু তেজৰ চেনিৰ নিয়ন্ত্ৰণ উন্নত কৰিব পাৰে।
এপল চাইডাৰ ভিনেগাৰ: এপল চাইডাৰ ভিনেগাৰে ইনচুলিনৰ সংবেদনশীলতা বৃদ্ধি কৰাত সহায় কৰিব পাৰে আৰু খাদ্য খোৱাৰ পিছত তেজৰ চেনিৰ মাত্ৰা হ্ৰাস কৰিব পাৰে। আপেল চাইডাৰ ভিনেগাৰে সামান্য পৰিমাণে খাদ্যৰ পৰা চেনি শোষণ লেহেমীয়া কৰি তেজৰ চেনিৰ মাত্ৰা সুস্থিৰ কৰি ৰখাত সহায় কৰে।
ডালচেনি চাহঃ ডালচেনিয়ে ইনচুলিনৰ সংবেদনশীলতা বৃদ্ধি কৰে আৰু তেজত চেনিৰ মাত্ৰা হ্ৰাস কৰে বুলি জনা যায়। ডালচেনি চাহ খালে বা নিয়মীয়া চাহত ডালচেনি যোগ কৰিলে কোষৰ গ্লুক’জ শোষণ ক্ষমতা বৃদ্ধি কৰি তেজৰ চেনি নিয়ন্ত্ৰণত সহায়ক হ’ব পাৰে।
বনৌষধি চাহঃ আদা চাহৰ দৰে বনৌষধি চাহত প্ৰদাহ নিবাৰণকাৰী গুণ থাকে যিয়ে তেজত শৰ্কৰাৰ মাত্ৰা হ্ৰাস কৰাত সহায় কৰে। আদাই তেজৰ চেনিৰ হ্ৰাস কৰাত সহায় কৰিব পাৰে। আদাই ইনচুলিনৰ সংবেদনশীলতা বৃদ্ধি কৰা দেখা গৈছে।
তিতা কেৰেলা: তিতা কেৰেলাৰ ৰস ডায়েবেটিচ ৰোগীৰ বাবে অতি উত্তম। যি সকলৰ তেজত চেনিৰ মাত্ৰা বৃদ্ধি হৈ আছে তেওঁলোকে তিতা কেৰেলা বা তাৰ ৰস খাব লাগে।
এলোভেৰাৰ ৰস: এলোভেৰাৰ ৰসে তেজৰ চেনি নিয়ন্ত্ৰণত ইতিবাচক প্ৰভাৱ পেলোৱা দেখা গৈছে। কিছুমান গৱেষণাৰ পৰা দেখা গৈছে যে এলোভেৰা সেৱনে টাইপ ২ ডায়েবেটিছ ৰোগীৰ তেজৰ চেনিৰ মাত্ৰা হ্ৰাস কৰাত সহায় কৰিব পাৰে।
শেৱালী ফুল আৰু পাত : শেৱালী ফুল আৰু পাতেও তেজৰ চেনিৰ পৰিমাণ কম কৰে। শেৱালী ফুল আৰু পাতত প্ৰদাহ নিবাৰণকাৰী গুণ আছে।
নয়নতৰা ফুলৰ পাত : নয়নতৰা ফুলৰ পাতৰ ৰসো ডায়েবেটিচ ৰোগীৰ বাবে মহৌষধ। ৩-৪ খন পাতৰ ৰস নিয়মীয়াকৈ সেৱন কৰিলে তেজৰ চেনিৰ পৰিমাণ কম হয়।
