( অপূৰ্ব দাস )
যদি আপোনাৰ চুলিত বেছি উফি থাকে আৰু ই গুড়িত আবদ্ধ হৈ থাকে, তেন্তে আপেল চাইডাৰ ভিনেগাৰ ব্যৱহাৰ কৰি আঁতৰাব পাৰে। ইয়াৰ এন্টিবেক্টেৰিয়েল আৰু এন্টিফাংগেল গুণে উফি সোনকালে নিৰাময় কৰে। ভিটামিন আৰু এন্টিঅক্সিডেন্টৰে সমৃদ্ধ আপেল চাইডাৰ ভিনেগাৰে উফিৰ সৃষ্টি কৰা বেক্টেৰিয়াবোৰ আঁতৰোৱাত সহায় কৰাই নহয় ইয়াৰ পুনৰাবৃত্তি ৰোধ কৰে, যাৰ ফলত মূৰৰ ছালখন সুস্থ হৈ থাকে। ইয়াৰ উপৰিও ই মূৰৰ ছালৰ পি এইচৰ মাত্ৰা ভাৰসাম্য ৰক্ষা কৰে, খজুৱতি আৰু উফি হোৱাটো হ্ৰাস কৰাৰ লগতে চুলিৰ স্বাস্থ্য বৃদ্ধি কৰে। গতিকে, ইয়াক কেনেকৈ ব্যৱহাৰ কৰিব লাগে জানো আহক -
(১) আপেল চাইডাৰ ভিনেগাৰ ব্যৱহাৰ কৰাৰ আটাইতকৈ উত্তম উপায় হ’ল চুলি ধুই পেলোৱা দ্ৰৱ বনাই সপ্তাহত দুই তিনিবাৰ ব্যৱহাৰ কৰা। চুলিত চেম্পু কৰাৰ আগতে একাপ পানী লৈ ২ চামুচ আপেল চাইডাৰ ভিনেগাৰ দিব। ৫ মিনিট ৰাখি মূৰৰ ছালখন লাহে লাহে মালিচ কৰক। এন্টি ডেণ্ড্ৰাফ শ্বেম্পুৰে চুলি ধুব, তাৰ পিছত কণ্ডিচনাৰেৰে চুলি ধুব আৰু এমাহৰ ভিতৰত ফলাফল চাব।
(২) যদি আপোনাৰ মূৰৰ ছাল শুকান হয় তেন্তে কণ্ডিচনিং অইল ট্ৰিটমেণ্ট বাছি লওক যিটোৱে উফি সমস্যাৰ বাবে চুলিৰ তেলৰ সৰ্বোত্তম চিকিৎসা হ’ব। ১ চামুচ আপেল চাইডাৰ ভিনেগাৰ, ২ চামুচ জজোবা অইল আৰু ৫ চামুচ অলিভ অইল ল'ব । তিনিওটা উপাদান মিহলাই পাতল পেষ্ট বনাই মূৰৰ ছাল আৰু চুলিত লাহে লাহে মালিচ কৰক। ১৫ মিনিটৰ পিছত চেম্পুৰে ধুই পেলাওক আৰু তাৰ পিছত চুলিখিনি পুনৰ নিজৰ সাধাৰণ কণ্ডিচনিং চেটটোৰে কণ্ডিচন কৰক।
(৩) আপেল চাইডাৰ ভিনেগাৰ মাস্কে মূৰৰ ছাল মইশ্ব’ৰাইজ কৰি উফিৰ সমস্যা দূৰ কৰে। ১ কাপ দৈ লৈ, ১ চামুচ মৌ আৰু আপেল চাইডাৰ ভিনেগাৰ দিব। গোটেই খিনি ভালদৰে মিহলি কৰিব। এই ডাঠ হেয়াৰ মাস্ক পেষ্টটো গুড়িৰ পৰা মূৰলৈকে লগাওক আৰু ২০ মিনিটৰ পিছত এন্টি ডেণ্ড্ৰাফ শ্বেম্পুৰে ধুই লওক। ৰেচমী আৰু চিকচিকিয়া ফিনিচিঙৰ বাবে কণ্ডিচনাৰ বা কণ্ডিচনাৰ ছিৰামও প্ৰয়োগ কৰিব পাৰে।
(৪) উফিৰ বাবে আপেল চাইডাৰ ভিনেগাৰেৰে মূৰৰ ছালখন স্ক্ৰাব কৰি মূৰৰ ছালখন লাহে লাহে এক্সফোলিয়েট কৰক, যাৰ ফলত উফিৰ পৰা মুক্তি পাব। মিক্সাৰ ব্লেণ্ডাৰত ডেৰ কাপ কফি পাউদাৰ, ২ চামুচ নাৰিকল তেল, ১ চামুচ মৌ আৰু ১ চামুচ আপেল চাইডাৰ ভিনেগাৰ মিহলাই এটা দানাদাৰ পেষ্ট বনাওক। চাহ পাতৰ তেল বা ৰোজমেৰী আৱশ্যকীয় তেল ৪-৫ টোপাল দি মিশ্ৰণটো মিহলাই লওক। মূৰৰ ছালত লাহে লাহে লগাওক, ১৫ মিনিট পিছত শ্বেম্পু কৰাৰ আগতে মূৰৰ ছাল আৰু চুলি ধুই লওক।
(৫) যদি আপুনি আপোনাৰ মূৰৰ ছালখন হাইড্ৰেট আৰু শান্ত কৰিব বিচাৰে, লগতে তেল আৰু উফি হ্ৰাস কৰিব বিচাৰে আৰু চুলিৰ বৃদ্ধিত সহায় কৰিব বিচাৰে, তেন্তে এই DIY প্ৰি-শ্বেম্পু চিকিৎসা বাছি লওক। একাপ সতেজ এলোভেৰা জেলত এচামুচ আপেল চাইডাৰ ভিনেগাৰ আৰু ১ চামুচ মৌ মিহলাই লওক। দুয়োটা মিহলাই চুলি ধোৱাৰ আগতে ২০ মিনিট মূৰৰ ছালখন মালিচ কৰক।
