ৰাতিপুৱা শুই উঠিয়েই পানী খালে কি কি সমস্যা আঁতৰে? জানিবলৈ পঢ়িব।
( অপূৰ্ব দাস )
ৰাতিপুৱা শুই উঠিয়েই পানী খোৱাৰ বহু উপকাৰিতা আছে। ইয়াৰ দ্বাৰা বিভিন্ন স্বাস্থ্য সমস্যা আঁতৰোৱাৰ লগতে শৰীৰ সুস্থ-সবল ৰাখিব পাৰি। তলত কেইটামান উপকাৰিতা উল্লেখ কৰা হ'ল :
1. ডিহাইড্ৰেছন দূৰ কৰে: নিশা শুই থকাৰ সময়ত শৰীৰে পানীৰ অভাৱত থাকে। পুৱা পানী খালে সেই অভাৱ পূৰণ হয়।
2. দেহৰ বিষাক্ত পদাৰ্থ নিস্কাশন: পুৱা পানী খালে কিডনীৰ কাৰ্যক্ষমতা বঢ়াই দেহৰ বিষাক্ত পদাৰ্থ মূত্ৰৰ জৰিয়তে বাহিৰলৈ উলিয়াই পেলায়।
3. পাচনত সহায়: খালী পেটে পানী খালে পাচনতন্ত্ৰ সক্ৰিয় হয় আৰু এচিডিটিৰ সমস্যা কমে।
4. ত্বক উজ্জ্বল কৰি তোলে: দেহত পৰ্যাপ্ত পৰিমাণে পানী থাকিলে ছাল উজ্বল আৰু চকচকীয়া হৈ থাকে।
5. ইমিউন ছিষ্টেম মজবুত কৰে: বিষাক্ত পদাৰ্থ আঁতৰাৰ ফলত দেহৰ ৰোগ প্ৰতিৰোধ ক্ষমতা বাঢ়ে।
6. ওজন নিয়ন্ত্ৰণ: পুৱা পানী খালে খোৱাৰ ইচ্ছা কিছু সময়লৈ কম থাকে, যাৰ ফলত অধিক খাদ্য গ্ৰহণৰ আশংকা কমে।
7. মগজুৰ কাৰ্যক্ষমতা বঢ়ায়: পৰ্যাপ্ত পৰিমাণে পানী খালে মগজুলৈ অক্সিজেন পঠিয়ায়, যাৰ ফলত মনোযোগ আৰু স্মৃতি শক্তি বৃদ্ধি পায়।
8. হৃদৰোগ আৰু উচ্চ ৰক্তচাপ নিয়ন্ত্ৰণ: নিয়মিত পুৱাই পানী খালে হৃদৰোগ আৰু উচ্চ ৰক্তচাপৰ আশংকা কমে।
(9) সৰ্বোত্তম ফলাফলৰ বাবে কুঁহুমীয়া গৰম পানী খোৱাটো অধিক লাভদায়ক।
(10) পানী খোৱাৰ আধা বা এঘণ্টা পিছতহে আহাৰ গ্ৰহণ কৰিব। ব্যায়াম কৰাৰ আধা ঘন্টা আগত বা পাছতহে পানী খাব লাগে।
