( অপূৰ্ব দাস )
বাস্তু শাস্ত্ৰৰ মতে, বিচনাৰ কাষত কিছুমান বস্তু লৈ শুই থাকিলে ইতিবাচক শক্তি পোৱা যায় আৰু জীৱনৰ উন্নতিৰ সুযোগ বৃদ্ধি পায়। একে সময়তে কিছুমান কথাই জীৱনত নেতিবাচক প্ৰভাৱ পেলাব পাৰে, যিবোৰ পৰিহাৰ কৰাটো প্ৰয়োজনীয়। কোনবোৰ বস্তু বিচনাৰ কাষত ৰখাটো শুভ আৰু কোনবোৰ পৰিহাৰ কৰিব লাগে জানিবলৈ পঢ়িব।
• এইবোৰ বস্তু আপোনাৰ বিচনাৰ কাষত ৰখাৰ উপকাৰ
(১) তামৰ পাত্ৰত পানী
বাস্তু শাস্ত্ৰৰ মতে শুকুৰবাৰে ৰাতি বিচনাৰ কাষত তামৰ পাত্ৰত পানী ৰাখি শুই থকাটো শুভ বুলি গণ্য কৰা হয়। ৰাতিপুৱা সাৰ পোৱাৰ পিছত আহত গছজোপাৰ শিপাত এই পানী ঢালি দিলে ধনাত্মক শক্তি বৃদ্ধি পায় আৰু সফলতাৰ পথ মুকলি হয়।
(২) ভাল টোপনিৰ বাবে সেউজীয়া ইলাচি
যদি টোপনিত অসুবিধা হয়, তেন্তে আঠুৱাৰ তলত সেউজীয়া ইলাচি লৈ শুই থকাটো উপকাৰী হ’ব পাৰে। এই ঔষধে মানসিক শান্তি প্ৰদান কৰাৰ লগতে স্বাস্থ্যৰ ওপৰতো ভাল প্ৰভাৱ পেলায়।
(৩) ধন পাবলৈ মুদ্ৰা আৰু হালধি
যদি আপুনি আৰ্থিক সমৃদ্ধি বিচাৰে তেন্তে এটা মুদ্ৰা ৰাখি পূব দিশত শুই থকাটো লাভজনক। ইয়াকে লক্ষ্মী দেৱীৰ আশীৰ্বাদ লাভৰ সহজ উপায় বুলি গণ্য কৰা হয়। একে সময়তে বিচনাৰ কাষত এটুকুৰা হালধি ৰখাটো ব্যৱসায়ৰ অগ্ৰগতিৰ বাবে শুভ বুলি গণ্য কৰা হয়।
• এইবোৰ বস্তু বিচনাৰ কাষত ৰখাৰ পৰা বিৰত থাকক
(১) ইলেক্ট্ৰনিক সঁজুলি
বিচনাৰ কাষত মোবাইল, লেপটপ আদি লৈ শুই থাকিলে নেতিবাচক শক্তি বৃদ্ধি পায় আৰু স্বাস্থ্যৰ ওপৰত বিৰূপ প্ৰভাৱ পৰে। এই অভ্যাসে টোপনিত বাধাৰ সৃষ্টি কৰি মানসিক চাপৰ সৃষ্টি কৰিব পাৰে।
(২) চামৰাৰ সামগ্ৰী
বাস্তু শাস্ত্ৰৰ মতে চামৰাৰে নিৰ্মিত যিকোনো বস্তু বিচনাৰ কাষত ৰাখিলে ঋণাত্মক শক্তি বৃদ্ধি পায়, যিয়ে মানসিক শান্তি বিঘ্নিত কৰিব পাৰে।
(৩) ভগৱানৰ ফটো
ভগৱানক কেৱল মন্দিৰত ৰাখি পূজা-অৰ্চনা কৰা উচিত। শোৱা কোঠাত নাইবা নিজৰ দেহত ইয়াৰ চিত্ৰ লোবাটো অশুভ।
এইবোৰ কথা মনত ৰাখি আৰু এনে ব্যৱস্থা গ্ৰহণ কৰি আপুনি আপোনাৰ জীৱনত ইতিবাচক পৰিৱৰ্তন আনি সুখ আৰু সমৃদ্ধি লাভ কৰিব পাৰে।
