By Good Assam
মোবাইল ফোনৰ ব্যৱহাৰৰ বাবে চিম কাৰ্ড প্ৰয়োজনীয়। ইয়াৰ অবিহনে ফোন কৰা বা ইণ্টাৰনেট ব্যৱহাৰ কৰা সম্ভৱ নহয়। কিন্তু ভুৱা চিম কাৰ্ডৰ জৰিয়তে প্ৰৱঞ্চনাৰ ঘটনা বাঢ়িছে। এই বিপদৰ প্ৰতি লক্ষ্য ৰাখি চৰকাৰে চিম কাৰ্ড সম্পৰ্কীয় নিয়মৰ পৰিৱৰ্তন কৰিছে, যাৰ বিষয়ে জনাটো গুৰুত্বপূৰ্ণ।
• এতিয়া নতুন চিম কাৰ্ড পাবলৈ আধাৰ কাৰ্ডেৰে বায়’মেট্ৰিক ভেৰিফিকেচন বাধ্যতামূলক কৰা হৈছে। ইয়াৰ উপৰিও চিম বিক্ৰী কৰা দোকানীসকলৰ বাবেও কঠোৰ নিয়ম বান্ধি দিছে চৰকাৰে।
• দোকানীয়ে গ্ৰাহকৰ নামত ইতিমধ্যে জাৰি কৰা চিমৰ নম্বৰ পৰীক্ষা কৰিব লাগিব। যদি গ্ৰাহকে বিভিন্ন নামত চিম লৈছে, তেন্তে সেইটোও নিশ্চিত কৰিব লাগিব। গ্ৰাহকৰ পৰিচয় নিশ্চিত কৰিবলৈ দহটা ভিন্ন কোণৰ পৰা ফটো তুলিব লাগিব।
• দূৰসংযোগ বিভাগৰ নতুন নিয়ম অনুসৰি এজন ব্যক্তিয়ে আধাৰ কাৰ্ডৰ সহায়ত সৰ্বাধিক ৯ খন চিম ক্ৰয় কৰিব পাৰিব। কোনোবাই এই সীমা অতিক্ৰম কৰে তেন্তে প্ৰথমবাৰৰ বাবে ৫০ হাজাৰ টকা জৰিমনা বিহা হ’ব। পুনৰ নিয়ম ভংগ হ’লে ২ লাখ টকাৰ জৰিমনা বিহা হ’ব।
• এখন আধাৰ কাৰ্ডৰ সহায়ত সৰ্বাধিক ৯ খন চিম তৈয়াৰ কৰিব পাৰি । কিন্তু অসম, জম্মু কাশ্মীৰ আৰু উত্তৰ-পূবৰ ৰাজ্যকে ধৰি কিছুমান ৰাজ্যত সৰ্বাধিক ৬ খন চিম দিয়া হয়।
• ভুৱা নথি-পত্ৰ থকা চিম লাভ কৰিলে ৫০ লাখ টকা পৰ্যন্ত জৰিমনা আৰু ৩ বছৰৰ কাৰাদণ্ড হ’ব পাৰে। আধাৰ কাৰ্ডত কিমান চিম ক্ৰয় কৰা হৈছে সেই বিষয়েও সহজে তথ্য লাভ কৰিব পাৰিব।
• ইয়াৰ বাবে প্ৰথমে Sanchar Saathi App Download কৰক
https://play.google.com/store/apps/details?id=com.dot.app.sancharsaathi
ইয়াৰ পিছত এপ অপেন কৰি - নিজৰ প্ৰথম আৰু উপাধি প্ৰদান কৰক। Know Your Mobile Connections বিকল্প নিৰ্ব্বাচন কৰক।
• আপোনাৰ মোবাইল নম্বৰ আৰু কেপচা ক'ড দিয়ক। আপোনাৰ নম্বৰত এটা অ’টিপি আহিব, যাৰ জৰিয়তে আপুনি লগইন কৰিব পাৰিব। এতিয়া আপোনাৰ নামত পঞ্জীয়ন কৰা সকলো মোবাইল নম্বৰ স্ক্ৰীণত দেখা যাব।
• এই নিয়মসমূহ মানি চলিলে আপুনি চিম কাৰ্ড সম্পৰ্কীয় যিকোনো প্ৰৱঞ্চনাৰ পৰা হাত সাৰিব পাৰিব আৰু অপ্ৰয়োজনীয় আইনী সমস্যাৰ পৰা হাত সাৰিব পাৰিব।
• মোবাইল ফোন হেৰালে handset টো block কৰিবলৈ দ্বিতীয় বিকল্পত ক্লিক কৰিব পাৰিব।
