( অপূৰ্ব দাস )
শেহতীয়াকৈ এটা মৃতদেহৰ ওপৰত গৱেষণা কৰা হৈছে। য’ত দেখা গ’ল যে যকৃত আৰু বৃক্কতকৈ মৃতদেহৰ মগজুত ৩০ গুণ বেছি সৰু সৰু মাইক্ৰ’প্লাষ্টিক টুকুৰা পোৱা গৈছে।
২০১৬ চনত কৰা গৱেষণাৰ মতে মানুহৰ মগজুৰ ৯৯.৫ শতাংশ মগজু আৰু বাকীখিনি প্লাষ্টিক। লগতে গৱেষকসকলে সুস্থ মগজুতকৈ ১২ জন লোকৰ মগজুত তিনিৰ পৰা পাঁচগুণ বেছি প্লাষ্টিকৰ খণ্ড পোৱা গৈছে। যাৰ মৃত্যুৰ পূৰ্বে ডিমেনচিয়া ৰোগত চিকিৎসা কৰা হৈছিল। এই টুকুৰাবোৰ ইমানেই সৰু আছিল, ইয়াক খালি চকুৰে দেখা নগৈছিল ।
গৱেষণাৰ মতে হাওঁফাওঁ, হাড়ৰ মজ্জা আদিকে ধৰি শৰীৰৰ প্ৰায় প্ৰতিটো অংশতে মাইক্ৰ’প্লাষ্টিক সোমাব পাৰে। মাইক্ৰ’প্লাষ্টিকে তেজ চলাচল কৰি থকা কোষবোৰক বাধা দি মগজুৰ স্নায়ু বন্ধ কৰি দিয়ে।
মাইক্ৰ’প্লাষ্টিক কি?
ইউৰোপীয় ৰাসায়নিক সংস্থাৰ মতে মাইক্ৰ’প্লাষ্টিক হৈছে ৫ মিলিমিটাৰৰ কম দৈৰ্ঘ্যৰ যিকোনো প্লাষ্টিকৰ টুকুৰা। সৌন্দৰ্য্য সামগ্ৰী, কাপোৰ-কানি, খাদ্যৰ পেকেজিং আৰু উদ্যোগিক প্ৰক্ৰিয়াকে ধৰি বিভিন্ন ধৰণে প্ৰাকৃতিক পৰিৱেশ তন্ত্ৰত প্ৰৱেশ কৰি প্ৰদূষণ আৰু ৰোগ সৃষ্টি কৰে।
দুবিধ মাইক্ৰ’প্লাষ্টিক চিনাক্ত কৰা হৈছে - প্ৰাথমিক মাইক্ৰ’প্লাষ্টিকসমূহৰ ভিতৰত যিকোনো প্লাষ্টিকৰ খণ্ড বা কণা যিবোৰৰ আকাৰ ৫.০ মিলিমিটাৰ বা তাতকৈ কম । ইয়াৰ ভিতৰত কাপোৰ, মাইক্ৰ’বিড, আৰু প্লাষ্টিকৰ পেলেটৰ পৰা মাইক্ৰ’ফাইবাৰ উৎপন্ন হয়।
মাইক্ৰ’প্লাষ্টিকে কেনেকৈ ক্ষতি কৰে ?
প্লাষ্টিকে আমাৰ শৰীৰৰ বহু ক্ষতি কৰে, ই ৰক্তকণিকাত লাগি থাকে আৰু অক্সিজেনৰ প্ৰবাহ সম্পূৰ্ণৰূপে ভাঙি পেলাব পাৰে, যাৰ ফলত শৰীৰৰ কলাত অক্সিজেন হ্ৰাস পাব পাৰে। ইয়াৰ উপৰিও ই ৰোগ প্ৰতিৰোধ ক্ষমতাৰ ওপৰতো বেয়া প্ৰভাৱ পেলায়। ইয়াৰ ফলত আপোনাৰ শৰীৰটো ক্ৰমান্বয়ে দুৰ্বল হৈ পৰিব পাৰে আৰু আপোনাৰ স্বাস্থ্যত বেয়া প্ৰভাৱ পৰিব পাৰে। গৰ্ভৱতী মহিলা আৰু সৰু ল’ৰা-ছোৱালীৰ বাবেও ই ক্ষতিকাৰক । ইয়াৰ উপৰিও ই হাওঁফাওঁ, হৃদযন্ত্ৰ, মগজু, পাচনতন্ত্ৰত প্ৰভাৱ পেলায়। মাইক্ৰ’ আৰু নেন’ প্লাষ্টিকে মানুহৰ শৰীৰৰ গঠনত প্ৰভাৱ পেলাব পাৰে।
মাইক্ৰ’ প্লাষ্টিকৰ সৈতে জড়িত গৱেষণাই কি কয় ?
জেনেৰেল এনভাইৰনমেণ্ট ইণ্টাৰনেশ্যনেলত প্ৰকাশিত এই প্ৰতিবেদন অনুসৰি বিজ্ঞানীসকলে কয় যে ৮০ শতাংশ লোকৰ তেজত মাইক্ৰ’প্লাষ্টিক পোৱা গৈছে। অধ্যয়নত পোহৰলৈ অহা আন এটা কথা হ’ল মাইক্ৰ’প্লাষ্টিক মানুহৰ শৰীৰত চলাচল কৰি শৰীৰৰ বহু গুৰুত্বপূৰ্ণ অংশৰ ক্ষতিসাধন কৰিব পাৰে। যাৰ প্ৰত্যক্ষ প্ৰভাৱ মগজুত পৰে। এনেদৰে পৰিস্থিতি অব্যাহত থাকিলে মানুহৰ শৰীৰৰ কোষৰো ক্ষতি কৰিব পাৰে বুলি বিজ্ঞানীসকলে উদ্বেগ প্ৰকাশ কৰিছে। মাইক্ৰ’প্লাষ্টিকৰ প্ৰভাৱৰ বাবে এজন ব্যক্তিৰ কম বয়সতো মৃত্যু হ’ব পাৰে।
এই গৱেষণাত ২২ জন ভিন্ন লোকৰ তেজৰ নমুনা লোৱা হৈছিল আৰু ইয়াৰে অধিকাংশ লোকৰ তেজত পিইটি প্লাষ্টিক আছিল, যিটো সাধাৰণতে পানীয়ৰ বটলত পোৱা যায়। ইয়াত এক তৃতীয়াংশ পৰিমাণৰ পলিষ্টাইৰিন থাকে, যিটো খাদ্য আৰু অন্যান্য সামগ্ৰীৰ পেকেজিঙৰ বাবে ব্যৱহাৰ কৰা হয়। ইয়াৰ উপৰিও ইয়াত পলিইথাইলিন আছিল, যিটো প্লাষ্টিকৰ বেগ তৈয়াৰ কৰাত ব্যৱহাৰ কৰা হয়। মাইক্ৰ’প্লাষ্টিকৰ আকাৰ ০.০০০৭মিমি, যিয়ে সহজে শৰীৰত সোমাব পাৰে।
ইয়াৰ উপৰিও অষ্ট্ৰিয়া, আমেৰিকা, হাংগেৰী আৰু নেদাৰলেণ্ডৰ গৱেষকৰ এটা দলে কৰা এক নতুন অধ্যয়নত দেখা গৈছে যে নেন’প্লাষ্টিক (MNPs) খোৱাৰ কেইঘণ্টামান পিছত মগজুত উপনীত হ’ব পাৰে, যিটো বিপজ্জনক কাৰণ।
ইয়াৰ ফলত প্ৰদাহ, স্নায়ুতন্ত্ৰৰ বিসংগতি বা এলঝেইমাৰ বা পাৰ্কিনছনৰ দৰে স্নায়ুৰ অৱক্ষয়ী ৰোগৰ সম্ভাৱনা বৃদ্ধি পাব পাৰে। আৰু মানসিক স্বাস্থ্য ক্ৰমান্বয়ে অৱনতি ঘটিব পাৰে।
