( অপূৰ্ব দাস )
ঘিউ খোৱাৰ ক্ষেত্ৰত মানুহে প্ৰায়ে দ্বিধাবোধ কৰে। তেওঁলোকে অনুভৱ কৰে যে ঘিউ খালে তেওঁলোকৰ ওজন দ্ৰুতগতিত বৃদ্ধি পাব। কিন্ত এইদৰে ঘিউ খালে কেতিয়াও ওজন বৃদ্ধি নহয়।
সকলোৱে খাদ্যাভ্যাসৰ লগত জড়িত বিভিন্ন প্ৰথা মানি চলে যাতে তেওঁলোকে স্বাস্থ্যসন্মত আহাৰ খাব পাৰে । এনে এটা পুৰণি প্ৰথা যিটোৱে শেহতীয়াকৈ যথেষ্ট জনপ্ৰিয়তা অৰ্জন কৰিছে সেয়া হৈছে প্ৰতিদিনে পুৱা গৰম পানীত মিহলি ঘিউ খোৱা। যিটো ভাৰতৰ পৰম্পৰাগত চিকিৎসা ব্যৱস্থা আৰু ইয়াৰ স্বাস্থ্যৰ বহু উপকাৰ আছে বুলি বিশ্বাস কৰা হয়। স্বাস্থ্যৰ বাবে ৰাতিপুৱা গৰম পানীৰ লগত ঘিউ খোৱা উচিত। এই বিষয়েও বিতংভাৱে তলত উল্লেখ কৰা হ'ল -
খালী পেটত ঘিউ + গৰম পানী খোৱাটো স্বাস্থ্যৰ বাবে উপকাৰী নেকি? এগিলাচ গৰম পানীত এচামুচ ঘিউ দি ৰাতিপুৱা খালী পেটত খাব পাৰেনে ?
কিছুমান মানুহে ৰাতিও ইয়াক পান কৰি ভাল পায়। আয়ুৰ্বেদৰ মতে গৰম পানীৰ লগত ঘিউ মিহলাই খালে স্বাস্থ্যৰ বহু উপকাৰ পোৱা যায়।
• হজম শক্তি উন্নত কৰে
ঘিউ, বিশুদ্ধ মাখন যাৰ পৰা গাখীৰৰ কঠিন পদাৰ্থ আঁতৰাই পেলোৱা হয়। ঘিউত অধিক পৰিমাণে ফেটি এচিড থাকে। এই চৰ্বিবোৰ সহজে হজম হোৱা বুলি জনা যায় আৰু ই পাচন প্ৰক্ৰিয়াক উদ্দীপিত কৰাত সহায় কৰিব পাৰে। গৰম পানীৰ লগত মিহলি হ’লে ঘিউ পাচনতন্ত্ৰৰ বাবে লুব্ৰিকেণ্ট হিচাপে কাম কৰিব পাৰে। যাৰ বাবে হজম প্ৰক্ৰিয়া সুচাৰুৰূপে হয় আৰু পাচনতন্ত্ৰৰ সমস্যাৰ সম্ভাৱনা কমি যায়।
• ইয়াক কেনেকৈ ব্যৱহাৰ কৰিব লাগে জানি লওক -
প্ৰথমতে ৰাতিপুৱা শুই উঠাৰ পিছত এগিলাচ কুহুমীয়া গৰম পানী লৈ তাত এচামুচ দেশী ঘিউ দি পান কৰক। এইখিনি খালে কোষ্ঠকাঠিন্যৰ পৰা উপশম পোৱা যায় আৰু লগতে হজম শক্তিও উন্নত হয়। কেৱল এয়াই নহয়, ছালৰ উজ্জ্বলতাও আপুনি দেখিবলৈ আৰম্ভ কৰিব।
কুহুমীয়া পানীৰ লগত ঘিউ মিহলাই খোৱাৰ উপকাৰিতা :
সৌচ টান দূৰ কৰে:
প্ৰায়ে কোষ্ঠকাঠিন্যত ভুগি থকা লোকসকলে নিশ্চিতভাৱে দেশী ঘিউৰ লগত কুহুমীয়া গৰম পানী খাব লাগে। ইয়াৰ ফলত বৃহদান্ত্ৰ আৰু ক্ষুদ্ৰ উভয় অন্ত্ৰৰ শুকানতা নাইকিয়া হয় আৰু হজম শক্তি উন্নত হয়।
চকুৰ বাবে উপকাৰী
দেশী ঘিউ চকু, ছাল, পেট আৰু চুলিৰ বাবে অতি উপকাৰী। ই শীতলকাৰী হিচাপে কাম কৰে। দেশী ঘিউত ওমেগা-৩ থাকে যিয়ে চকুৰ দৃষ্টিশক্তি বৃদ্ধিত সহায় কৰে। লগতে চকুৰ শুকানতাও কমায়। সেয়েহে কুহুমীয়া পানী খোৱাটো উপকাৰী।
ছালৰ বাবে ভাল
দেশী ঘিউ খালে ছাল জিলিকি উঠে। ভিতৰৰ পৰা আপোনাৰ ছালৰ শুকানতা হ্ৰাস কৰে। ঘিউ মিহলি কুহুমীয়া পানী খালে ভিতৰৰ পৰা অন্ত্ৰ পৰিষ্কাৰ হয়। একে সময়তে শৰীৰত জমা হোৱা বিষাক্ত পদাৰ্থ বাহিৰলৈ ওলাই আহে। যাৰ বাবে ছালখন জিলিকি উঠে।
চৰ্দি আৰু কাহৰ সমস্যাৰ পৰা সকাহ
প্ৰতিদিনে খালী পেটত ঘিউৰ লগত মিহলি কুহুমীয়া পানী খালে শীতকালত চৰ্দি আৰু কাহৰ সমস্যাৰ পৰা সকাহ পোৱা যায়। দেশী ঘিউ আৰু গৰম পানী একেলগে নাক, ডিঙি আৰু বুকুৰ সংক্ৰমণ দূৰ কৰে। একে সময়তে ই শৰীৰক গৰম কৰি ৰখাৰ কামো কৰে।
সাৱধানতা: লিভাৰৰ ৰোগ, হৃদৰোগ, মেদ বহুলতা , ডায়েবেটিচ থকা লোক সকলে চিকিৎসকৰ পৰামৰ্শ লৈহে ইয়াক গ্ৰহণ কৰিব।
