By Good Assam
বাস্তু শাস্ত্ৰত ঘৰুৱা সমস্যাৰ পৰা হাত সাৰিবলৈ বহু পৰামৰ্শ দিয়া আছে। এই নিয়ম সমূহ মানি চলিলে ঘৰুৱা সমস্যাবোৰ ক্ৰমান্বয়ে এজন ব্যক্তিৰ জীৱনৰ পৰা নাইকিয়া হৈ যায়। সেই সমাধানবোৰ কি জানিবলৈ পঢ়িব -
বিয়াৰ পিছত স্বামী-স্ত্ৰী সুখ-দুখত ইজনে সিজনৰ সংগী। দুয়োৰে মাজৰ সম্পৰ্কটো বৰ মৰমলগা। অৱশ্যে এই প্ৰেমৰ সম্পৰ্কত কেতিয়াবা সংঘাতৰ সৃষ্টি হয় যদিও কোৱা হয় যে য'ত প্ৰেম থাকে তাতেই সংঘাত হয়, কিন্তু কেতিয়াবা এই কাজিয়া ইমানেই বাঢ়ি যায় যে চিন্তাৰ বিষয় হৈ পৰে। ইয়াৰ আঁৰত বাস্তুৰ দোষ থাকিব পাৰে বুলি ভাবিছেনে? বাস্তু শাস্ত্ৰত ঘৰুৱা সমস্যাৰ পৰা হাত সাৰিবলৈ কিছুমান উপায় আৰু পৰামৰ্শ দিয়া আছে, তলত ইয়াৰে কিছুমান গুৰুত্বপূৰ্ণ উপাযয় দিয়া হ'ল -
• উত্তৰ-পূব কোণটো পৰিষ্কাৰ কৰি ৰাখক
ঘৰত ধনাত্মক শক্তিৰ প্ৰবাহৰ বাবে সদায় উত্তৰ-পূব কোণটো পৰিষ্কাৰ কৰি ৰখাটো অতি প্ৰয়োজনীয়। এই দিশত জাবৰ বা মলি থাকিলে তৎক্ষণাত পৰিষ্কাৰ কৰক। জাবৰে ঘৰত ঋণাত্মক শক্তি বিয়পাই দিয়ে। সেয়েহে এই ঠাইখন সদায় পৰিষ্কাৰ কৰি ৰাখক। কেৱল এয়াই নহয়, এই দিশত দেৱ-দেৱীৰ মন্দিৰ স্থাপন কৰিব লাগে।
• সৈন্ধৱ নিমখ ফলপ্ৰসূ উপায়
কোৱা হয় যে সৈন্ধৱ নিমখে ঘৰৰ পৰা সকলো ঋণাত্মক শক্তি আঁতৰাই পেলায়। যদি আপোনাৰ ঘৰত সঘনাই আৰু অবিৰত সংঘাত হয়, তেন্তে এই প্ৰতিকাৰো চেষ্টা কৰিব পাৰে। সৰু সৰু পেকেটত সৈন্ধৱ নিমখ ভৰাই ঘৰৰ চাৰিওফালৰ চুকত কোনেও নেদেখাকৈ ওলমাই ৰাখিব। ইয়াৰ ফলত পৰিয়ালত কাজিয়া কমি যাব আৰু সদস্যসকলৰ মাজত প্ৰেম বাঢ়িব।
• মূল দুৱাৰখন পৰিষ্কাৰ কৰি ৰাখক
ঘৰৰ মূল দুৱাৰখন সদায় পৰিষ্কাৰ কৰি ৰাখিব লাগে। কোৱা হয় যে সকলো শক্তি ঘৰৰ মূল প্ৰৱেশদ্বাৰৰ মাজেৰে বৈ যায়। সেয়েহে মূল দুৱাৰখন সদায় পৰিষ্কাৰ আৰু পৰিপাটিকৈ ৰাখিব লাগে। পাতল গোলাপী, সেউজীয়া , বগা আৰু হালধীয়া ৰং লগাইও সজাব পাৰে। ঘৰৰ মূল প্ৰৱেশদ্বাৰ পৰিষ্কাৰ কৰি ৰাখিলে ঘৰত সুখ আৰু শান্তি বজাই ৰাখে।
• ঈশ্বৰৰ মূৰ্তি স্থাপন কৰক
ঘৰৰ মন্দিৰত ভগৱানৰ মূৰ্তি স্থাপন কৰিলে ইতিবাচক শক্তি আনে। কেৱল এয়াই নহয়, মন কৰিবলগীয়া যে ঈশ্বৰৰ দুটা মূৰ্তি কেতিয়াও মুখামুখিকৈ ৰখা উচিত নহয়। এনে কৰিলে পৰিয়ালত বিসংগতিৰ সৃষ্টি হয়। ঈশ্বৰৰ মূৰ্তি সদায় ঘৰৰ ফালে মুখ কৰি ৰাখিব লাগে। মনত ৰাখিব শোৱা কোঠাত ভগৱানৰ ফটো, মূৰ্তি বা মন্দিৰ ৰাখিব নালাগে। ঘৰৰ ভিতৰত থাকিলে মন্দিৰটো এটা কাঠৰ বা পক্কাৰে তৈয়াৰ কৰিব। বন্তি প্ৰজ্বলন হৈ নুমাই যোৱাৰ পিছত নিশাৰ সময়ত পৰ্দা বা দুৱাৰ লগাই থব।
• শিৱ-গনেশ মন্দিৰৰ ওচৰত কেতিয়াও তুলসী গছ ৰোপণ নকৰিব। ইয়ে ঘৰখনলৈ অশুভ প্ৰভাৱ পেলায়।
• ঘৰৰ আগ চোতালত বা ঘৰৰ ওচৰত কেতিয়াও কাঁইটীয়া গছ ৰোপণ নকৰিব। ইয়ে ঘৰখনলৈ অমংগল কঢ়িয়াই আনে। ঘৰখনৰ সদস্যৰ মাজত কাজিয়াৰ সৃষ্টি কৰে।
