( অপূৰ্ব দাস )
১৯৯৬ চনত প্ৰাকৃতিক চিকিৎসা চিকিৎসক পিটাৰ জে. ডি’আদামোৱে ‘Eat Right 4 Your Type’ নামৰ এখন কিতাপ লিখিছিল, য’ত তেওঁ দাবী কৰিছিল যে আপোনাৰ তেজৰ প্ৰকাৰ অনুসৰি খাদ্য বাছি ল’লে বহু ৰোগৰ পৰা নিজকে ৰক্ষা কৰাত সহায়ক হ’ব।
ভাল খাদ্যাভ্যাস সুস্বাস্থ্যৰ বাবে অতি প্ৰয়োজনীয়। আপোনাৰ খাদ্যাভ্যাসে আপোনাৰ স্বাস্থ্যৰ ওপৰত প্ৰত্যক্ষ প্ৰভাৱ পেলায়, যাৰ বাবে স্বাস্থ্য বিশেষজ্ঞসকলে সকলোকে ভিটামিন আৰু খনিজ পদাৰ্থৰে সমৃদ্ধ বস্তু খাবলৈ পৰামৰ্শ দিয়ে।
বিশেষজ্ঞসকলৰ মতে, সকলো মানুহে নিজৰ স্বাস্থ্য অনুসৰি খাদ্য বাছি ল’ব লাগে। উদাহৰণস্বৰূপে, যদি আপুনি ডায়েবেটিছত আক্ৰান্ত তেন্তে আপুনি কম গ্লাইচেমিক ইনডেক্সৰ বস্তু খাব লাগে, আনহাতে উচ্চ ৰক্তচাপ বা হৃদৰোগ থকা লোকে ছডিয়ামৰ বস্তু কমকৈ গ্ৰহণ কৰিব লাগে। কিন্তু আপুনি জানেনে যে আপোনাৰ তেজৰ গোটৰ ওপৰত নিৰ্ভৰ কৰি খাদ্যাভ্যাসৰ প্ৰতি মনোযোগ দিয়াটো গুৰুত্বপূৰ্ণ?
আপুনি নিশ্চয় শুনিছে যে কিছুমান তেজৰ বিশেষ গোটৰ লোকৰ বাবে অধিক মহে কামোৰাৰ । আজি জানো আহক কোনটো ব্লাড গ্ৰুপৰ লগত মানুহে কি কি বস্তু সেৱন কৰিব লাগে -
১৯৯৬ চনত প্ৰাকৃতিক চিকিৎসা চিকিৎসক পিটাৰ জে. ডি’আদামোৱে ‘Eat Right 4 Your Type’ নামৰ এখন কিতাপ লিখিছিল, য’ত তেওঁ দাবী কৰিছিল যে আপোনাৰ তেজৰ প্ৰকাৰ অনুসৰি খাদ্য বাছি ল’লে বহু ৰোগৰ পৰা নিজকে ৰক্ষা কৰাত সহায়ক হ’ব। কিছুমান খাদ্য আপোনাৰ বাবে শৰীৰৰ প্ৰদাহ কমোৱা, শক্তি বৃদ্ধি আৰু ওজন কমোৱাত সহায়ক হ’ব পাৰে।
ডি’আডামোৰ দাবী যে আপোনাৰ তেজত পোৱা এন্টিজেন (যিবোৰে আপুনি টাইপ O, A, B আৰু AB সেইটো নিৰ্ণয় কৰে) খাদ্যৰ সৈতে বিক্ৰিয়া কৰিব পাৰে। বিভিন্ন তেজৰ গোটৰ লোকৰ আন্ত্ৰত থকা বেক্টেৰিয়াও বেলেগ বেলেগ, গতিকে সঠিক খাদ্য বাছি ল’লে হজম আৰু বিপাকীয় ক্ৰিয়াকে ধৰি বহু দিশত উপকৃত হ’ব পাৰে।
A ব্লাড গ্ৰুপৰ লোকৰ খাদ্য :
টাইপ-এ ব্লাড থকা লোকসকলক ফলমূল, শাক-পাচলি, পনীৰ, বীন আৰু মাহজাতীয় শস্যৰ লগতে গোটা শস্যৰে সমৃদ্ধ নিৰামিষ খাদ্য গ্ৰহণ কৰিবলৈ পৰামৰ্শ দিয়া হয়। ডি’আডামোৱে কয় যে টাইপ এ তেজ থকা লোকৰ ৰোগ প্ৰতিৰোধ ক্ষমতা কম । সেউজীয়া শাক-পাচলি, আনাৰস, অলিভ অইল আৰু সৰিয়হ ওজন কমাবলৈ উত্তম, একে সময়তে দুগ্ধজাত সামগ্ৰী, মাকৈ, কোমোড়া, ৰাজমাহৰ, বাদামৰ পৰিমাণ কমকৈ খাব লাগে। ৰোগ প্ৰতিৰোধ ক্ষমতা বৃদ্ধি কৰা বস্তু বেছিকৈ খাব লাগে।
টাইপ B ব্লাড গ্ৰুপৰ লোকৰ খাদ্য :
যদি আপোনাৰ টাইপ বি তেজ আছে তেন্তে মাংস, ফল-মূল, দুগ্ধজাত সামগ্ৰী, সাগৰীয় খাদ্য আৰু গোটা শস্যৰ মিশ্ৰিত খাদ্য গ্ৰহণ কৰাটো উত্তম বুলি বিবেচিত হয়। পৰিহাৰ কৰিবলগীয়া খাদ্যসমূহ হ’ল মাকৈ, ঘেঁহু, বিলাহী, বাদাম আৰু তিল। অধিক পৰিমাণে গাহৰি মাংস, কুকুৰা, হাঁহ মাংস খোৱাৰ ফলতো কিছুমান লোকৰ সমস্যা হ’ব পাৰে। সেউজীয়া শাক-পাচলি, কণী, কম চৰ্বিযুক্ত দুগ্ধজাত সামগ্ৰী এই ৰক্ত গোটৰ লোকৰ স্বাস্থ্যৰ বাবে উপকাৰী বুলি প্ৰমাণিত।
টাইপ AB ব্লাড গ্ৰুপৰ লোকৰ খাদ্য :
এই ৰক্ত গোটৰ লোকসকলে যিবোৰ খাদ্যৰ প্ৰতি গুৰুত্ব দিব লাগে সেইবোৰৰ ভিতৰত পনীৰ, সৰু মাছ , সাগৰীয় খাদ্য, দুগ্ধজাত সামগ্ৰী আৰু সেউজীয়া শাক-পাচলি আদি অন্তৰ্ভুক্ত। ডি’আডামোৰ মতে AB টাইপ তেজ থকা লোকৰ পেটৰ এচিড কম হ’ব পাৰে আৰু সেয়েহে চাহ, কেফেইন, মদ আৰু গাহৰি মাংস পৰিহাৰ কৰিব লাগে। এই ৰক্ত গোটৰ লোকৰ বাবে কিছুমান দুগ্ধজাত সামগ্ৰী যেনে দৈ সেৱন কৰাটো ভাল বুলি ধৰিব পাৰি।
O ব্লাড টাইপৰ লোকৰ বাবে খাদ্য :
অধ্যয়নৰ ভিত্তিত স্বাস্থ্য বিশেষজ্ঞসকলে কয় যে O ব্লাড টাইপ থকা লোকসকলে অধিক উচ্চ প্ৰটিনযুক্ত খাদ্য খাব লাগে। মাংস, মাছ, ফল-মূল আৰু শাক-পাচলি খাব লাগে, আনহাতে গোটা শস্য, তেল, বীন আৰু দুগ্ধজাত সামগ্ৰী কম খাব লাগে। যদি আপোনাৰ লক্ষ্য ওজন কমোৱা হয় তেন্তে কাৰ্বহাইড্ৰেটযুক্ত খাদ্য অত্যধিক সেৱন কৰাটো পৰিহাৰ কৰিব লাগে। স্বাস্থ্য বিশেষজ্ঞসকলেও চিকিৎসকৰ পৰামৰ্শ অনুসৰি বিভিন্ন পৰিপূৰক গ্ৰহণ কৰি পাচনতন্ত্ৰৰ অসুবিধা আৰু অন্যান্য সমস্যাৰ পৰা হাত সাৰিবলৈ পৰামৰ্শ দিয়ে।
ডি’আডামোৱে কয়, যিকোনো ডায়েট প্লেন গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ লওক। তেজৰ গোটৰ লগতে আপোনাৰ স্বাস্থ্যৰ অৱস্থাৰ ওপৰত ভিত্তি কৰি খাদ্য বাছনি কৰাটোও প্ৰয়োজনীয় বুলি বিবেচিত হয়।
